Basidiomycota

Saka Wikipédia Jawa, bauwarna mardika basa Jawa
Jump to navigation Jump to search
Basidiomikota
Haeckel Basimycetes.jpg
Basidiomycetes dari buku Ernst Haeckel berjudul Kunstformen der Natur (Artforms of Nature) padha taun 1904
Klasifikasi ngèlmiah
Karajan: Fungi
Subkarajan: Dikarya
Filum: Basidiomycota
R.T. Moore, 1980

Basidiomikota iku salah sijiné divisi saka fungi utawa Jamur. Basidiomikota iku racaké makroskopis (ukurané gedhé), jamur kang racaké tinemu ing lapangan lan ing alas-alas.[1] Jamuré duwé pang lan tudhung kang dijenengi basidiokarp.[1] Jamur iki duwé basidiospora ya iku basidium kang ngasilaké spora.[1] Cara réprodhuksiné iku diwiwiti saka spora basidium utawa spora kanidium kang tukul dadi benang hifa kang duwé sekat lan inti siji.[1] Hifa gawé miselium, miselium kang jinisé béda , ya iku kang positip lan kang negatip ketemu lan dadi siji, dhindhing sélé larut.[1] Inti sél salah sijiné pindhah dadi ana sèl dikariotik.[1] Saka sèl dikariotik, mengkoné tukul hifa lan miselium dikariotik.[1] Miselium dikariotik tukul dadi “tubuh buah” contoné rupané dadi kaya payung[2] Jinis basidiomycota kang dienggo ing kauripan sadina-dina iku

  • Lentinus edodes ing Jepang, jamur iki biyasa didadékaké panganan[2]
  • Pleurotes racaké didadékaké panganan, jamur iki jamur kayu[2]
  • Auricularia polytricha utawa jamur kuping, jamur iki rupané kaya kuping.[2] Lumrahé jamur iki didadékaké panganan.[2] Jamur iki racaké urip ing kayu[2]
  • Ganoderma aplanatum lan Polyporus giganteus rupané kaya kipas.[2] Lumrahé dienggo kanggo obat utawa ganotérapi[2]
  • Amanita muscaria racaké urip ing kotoran kéwan.[2] Jamur iki bisa ngasilaké toksin muskarin kang bisa maténi laler[2]
  • Puccinia graminis utawa jamur karat, rupané kaya karat.[2] Jamur iki racaké urip dadi parasit ing suket-suketan (Gramineae).[2] Jamur iki bisa njalari bercak-bercak ing dhuwur godhong.[2]

Cathetan suku[besut | besut sumber]

  1. ^ a b c d e f g (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.96)
  2. ^ a b c d e f g h i j k l m (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.97)

Pranala njaba[besut | besut sumber]