Jaé

Saka Wikipédia Jawa, bauwarna bébas abasa Jawa
Jaé
Jahe.jpg
Jaé
Klasifikasi ngèlmiah
Karajan: Plantae
Dhivisi: Spermatophyta
Klas: Monocotyledoneae
Ordho: Zingiberales
Famili: Zingibeaceae
Génus: Zingiber
Spesies

Zingiber officinale

Jaé utawa jahé iku sawijining bahan masakan. Jaé wis misuwur dadi bahané masakan, bumbu lan dadi obat. Jaé sing jeneng latiné Zingiber officinale Rosc, iki wis kasebar saindhenging jagad lan akèh gunané.

Jaé arupa sawijining tanduran rimpang kang populèr dadi rempah-rempah lan bahan kanggo obat.[1] Rimpangé duwé wujud driji kang nggembung ing ruas-ruas tengahé.[1] Jaé uga duwé senyawa keton kang disebut zingeron kang marakaké rasa pedhes.[1]

Jaé kalebu suku Zingiberaceae (temu-temuan).[1] Jeneng èlmiah jaé saka William Roxburgh saka tembung Yunani zingiberi, saka basa Sansekerta, singaberi.[1]

Jaé kanggo masakan[besut | besut sumber]

Ing masakan, jaé biyasa ditambahaké kanggo sedhep-sedhepan, utamané ing masakan Cina lan India. Sing biyasa dianggo jaé sing tansah nom tur seger. Jaé uga dianggo cuka, utawa dadi sedhep-sedhepan permèn pedhes. Saliyané iku dadi sedhep-sedhepan ing jajanan, utawa ing nagara Éropah didadèkaké bahan dhasaré Roti Jaé.

Saliyané iku, jaé uga didadèkaké unjukan, kaya ta STMJ (Susu Telor Madu Jahe), Ginger Ale, Jahe Telor, Sekoteng, Pokak lan sapanunggalé.

Jinising Jaé[besut | besut sumber]

Jaé bisa dipérang dadi manéka jinis, sing diweruhi wong-wong awam ya iku :

  • Jaé biyasa
  • Jaé gajah
  • Jaé abang

Jaé kanggo obat[besut | besut sumber]

Jaé uga didadèkaké obat kanggo rupa-rupa lelara. Wis kabukti yèn jaé kasiate pancen oye. Jaé parutan bisa dianggo komprès keseleo, pegel-pegel, lan sapanunggalé. Uga bisa dianggo tamba masuk angin, mules-mules utawa diemut kanggo wong wadon sing nembé mbobot kanggo ngilangi rasa kudu gumoh. Balsem ya ana sing nganggo bahan dhasar jaé kanggo ngréwangi ilangé lara.

Uga delengen[besut | besut sumber]

Cathetan sikil[besut | besut sumber]

  1. ^ a b c d e [1] (dipunaksés tanggal 17 Juni 2011).

Pranala njaba[besut | besut sumber]