Kelinci

Saka Wikipédia Jawa, bauwarna bébas abasa Jawa
Kelinci
Kalamangsa: Eosen Wekasan-Holosen, 53–0 Ma
Rabbit in montana.jpg
Kelinci ing Montana, Amérika Sarékat
Klasifikasi ngèlmiah
Karajan: Animalia
Filum: Chordata
Subfilum: Vertebrata
Klas: Mammalia
Ordho: Lagomorpha
Famili: Leporidae
sapérangan
Genera

Kelinci kalebu bangsaning Mamalia utawa kéwan nyusoni, lan tansah sapaduluran karo Truwèlu lan Pika.[1] Kelinci wis kasebar saindhenging jagad kajaba ing tlatah Antartika.[1] Jeneng latiné ya iku Oryctolagus cuniculus.[1] Kelinci bisa nglairaké anak kurang luwih nganti ping 5-7 saben setaun.[1] Cacahé anaké kelinci saben nglairaké ya iku 5-8 kelinci.[1] Rata-rata saben manak kelinci nglairaké anak cacahé 6.[1]

Tetengering Kelinci[besut | besut sumber]

Kelinci boboté bisa nganti 5 kilo yèn dadi raja kaya, lan ing alas mung nganti 3,5 kilo.[2] Kelinci duwé|duwé kuping dawa sing bisa dianggo ngrungokaké swara saka kadohan, rupané lucu dadi bisa didadèkaké dolanan utawa klangenan.[2] Kelinci uga duwé sikil sing kuwat kanggo mencolot lan awaké buntek tur lucu.[2]

Anakané kelinci lumrahé lair ora duwé wulu lan wuta, ora kaya anaké truwèlu.[2]

Uriping Kelinci[besut | besut sumber]

Kelinci ing alas lumrahé urip ing bolongan-bolongan siti, utawa wit-witan.[2] Kelinci alasan utawa kelinsi alasan lumrahé ngedhuk lemah kanggo susuhané lan ngasuh anak-anaké ing kana.[2] Uga, kelinci misuwur amarga cacah lairé sing dhuwur banget.[2] Kelinci wis bisa kawin wiwit umur wulanan lan bisa meteng 31-35 dina.[2] Anak sing dilairaké bisa loro nganti 12 iji.[2]

Kelinci uga kéwan sing paling énggal ngepaské kahananing alam, dadi rikat duwé anak.[2] Ing Australia, saking akèhé, kelinci wis dadi ama sing nyusahaké amarga mangani asil kebon para tani ing kana.[2]

Pakan[besut | besut sumber]

Kelinci kalebu ''herbivora'' utawa mangan tetanduran.[3] Ing peternakan, kelinci saliyané dipakani tetanduran, dhèwèké uga dipakani pèlèt lan campuran-campuran tambahan kanggo kesehataning kéwan iki.[3] Suket, wortel, kangkung, lan sapanunggalané apik kanggo uripé kelinci.[3]

Jinising Kelinci[besut | besut sumber]

Kelinci saindhenging jagat rupa-rupa, ana sing jinis buntut kapas, angora, nganti ana sing wuluné dawa. Ing Indonésia, kelinci akèh-akèhané diimpor saka nagara|nagari manca.[4]

Kelinci ing uriping manungsa[besut | besut sumber]

Kelinci lumrahé didadèkaké kéwan raja kaya, kanggo pakan, nganti dadi klangenan.[4] Kelinci sing didadèkaké panganan lumrahé nduwé ukuran sing gedhé, lan sing dadi klangenan lumrahé nduwé wulu sing apik.[4] Panganan saka daging kelinci sing paling misuwur ya iku saté kelinci.[4]

Ternak kelinci[besut | besut sumber]

Méh kabéh hasil saka ternak kelinci bisa dimanfaataké, kalebu kotoran lan urine.[5] Asil kang dimanfaatke iki bisa langsung dimanfaatké utawa diolah dhisik.[5]

Cathetan suku[besut | besut sumber]

  1. ^ a b c d e f [1](dipunundhuh tanggal 19 April 2011)
  2. ^ a b c d e f g h i j k [2](dipunundhuh tanggal 19 April 2011)
  3. ^ a b c [3](dipunundhuh tanggal 19 April 2011)
  4. ^ a b c d [4](dipunundhuh tanggal 19 april 2011)
  5. ^ a b c d e f g h [5](dipunundhuh tanggal 19 April 2011)

Gladri kelinci[besut | besut sumber]

Gladri asil olahan kelinci[besut | besut sumber]