Balung

Balung utawa kerangka iku panopang awak manungsa. Tanpa balung, mesthi awak kita ora bisa ngadeg. Balung wiwit dumadi wiwit bayi sajeroning kandhutan, lumangsung terus nganti dekade kaloro sajeroning susunan kang tumata.

Tuwuhing balung

Tuwuhing balung nganti pepak dumadi ing umur kurang luwih 30 taun. Sawisé iku ana uga owah-owahan kang karan remodelling. Balung minangka reservoir gedhé dhéwé tumrap kalsium lan phosphate. 99% kalsium ana ing (1000 gram) saka cacahing kalsium ing awak, déné phosphate sajeroning balung nganti 90% saka phosphate sajeroning awak.

Jinis balung

Saka wanguné, balung bisa dipérang dadi: balung pipa (kaya balung hasta lan tibia), balung pipih (kaya balung iga, balung dhadha), lan balung cendhak (balung-balung tlapak tangan, ugel-ugel tangan).

Saka panyusuné balung bisa dibédakaké minangka:

• balung kompak yaiku balung kang disusun saka unit Osteon utawa sistem Havers.
• balung spons yaiku balung kang duwé bolongan-bolongan utawa gronggongan.

Deleng uga

• Pratélan balung rangka manungsa