Holosen

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Kala Holosen kawiwitan saka 10.000 taun kepungkur nganti tumeka saiki. Ing kala iki pajebluge gunung, pengangkatan lan pelipatan lempeng bumi isih terus kedadean. Lan uga pengendapan kali lan pejebluge gunung isih terus gawe endapan aluvial, lan tatanan topografi Kepuloan Indonesia sing ora adoh bedhane saka kahanan topografi saiki [1].

Iklim[besut | besut sumber]

Owah-owahan sing penting kedaden ing Kala Holosen yaiku owahe tatanan mangsa (Ikilm). Wusanane Kala Glasial udakara 20.000 taun kepungkur dadi titi pungkasane mangsa adem dan mungkasi jaman es. Sakbubare kuwi iklim saya panas lan miwiti jaman panas. Anane owah-owahan iklim mau dadi sebabe mundhake banyuk segara lan misahake daratan benuwa dadi pulo-pulo. Kaya dene Dataran Sunda lan Sahun kang owah dadi perangan kulon lan wetane Kepuloan Indonesia.

Iklim ing Indonesia[besut | besut sumber]

Ing Kala Holosen, laladan iklim tropik tanpa kejaba Indonesia uwis nuduhake anane tatanan mangsa sing ora beda karo saiki. Iklim sing ana saiki perangan saka tingkat awal mangsa glasial lan pluvial kalima.

Sebaran Kewan lan Tetuwuhan[besut | besut sumber]

Awit saka pisahe Dataran Sunda saka Benuwa Asia lan Dataran Sahul saka Benuwa Ostrali, pisah uga dalan darat kewan-kewan migrasi. Kewan-kewan sing urip ing pulo-pulo cilik dadi urip ka-isolir, lan kepeksa nyelarasake karo kahanan alam sing anyar kanthi cara adaptasi, saperangan ngancik tataran evolusi lokal. Anane kahanan saben spesies sng nyleneh awit saka evolusi lokal lan adaptasi kuwi mau mbutuhake klasifikasi. Klasifikasi diwujudake kanthi garis maya Wallace, Weber, lan Huxley[2]. Telu garis kuwi misahake jenis flora fauna kulon-tengah-wetan.

Referensi[besut | besut sumber]

  1. Jati, Slamet Sujud Purnawan (2015-11-18). "PRASEJARAH INDONESIA: Tinjauan Kronologi dan Morfologi". Jurnal Sejarah dan Budaya (ing basa Inggris) 7 (2): 22–32. doi:10.17977/sb.v7i2.4744. 
  2. Hamidy, Amir; Kurniawan, Nia; Prafiadi, Sigit (2016). "Keberagaman Spesies Katak Pohon Hijau Papua Litoria infrafrenata infrafrenata Tyler, 1971 pada Wilayah Kepulauan". Indonesian Journal of Environment and Sustainable Development (ing basa Inggris) 7 (1). ISSN 2338-1671.