Obahan Non-Blok

Saka Wikipédia Jawa, bauwarna mardika basa Jawa
Nagara-nagara anggota Obahan Non-Blok (2005). Werna biru nom minangka nagara peninjau.

Obahan Non-Blok (GNB) (basa Inggris: Non-Aligned Movement/NAM) iku organisasi internasional sing dumadi saka punjul 100 nagara-nagara sing ora nganggep duwé aliansi karo utawa marang blok kakuwatan gedhé sing endi waé. Tujuan saka organisasi iki, kaya sing kacetha ing Deklarasi Havana taun 1979, ya iku kanggo njamin "kamardikan, kadhaulatan, integritas teritorial, lan kaamanan nagara-nagara nonblok" sajeroning perjuangan nentang imperialisme, kolonialisme, neo-kolonialisme, apartheid, Zionisme, rasisme lan wangun agresi militèr liyané, pendhudhukan, dominasi, interferensi utawa hegemoni lan nentang warna-warna wangun blok pulitik.[1] Mereka merepresentasikan 55 persèn penduduk donya dan hampir 2/3 keangotaan PBB. Nagara-nagara yang telah menyelenggarakan konferènsi tingkat tinggi (KTT) Non-Blok kalebu Yugoslavia, Mesir, Zambia, Aljazair, Sri Lanka, Kuba, India, Zimbabwe, Indonésia, Kolombia, Afrika Kidul lan Malaysia.

Anggota-anggota wigati antarané Yugoslavia, India, Mesir, Indonésia, Pakistan, Kuba, Kolombia, Venezuela, Afrika Kidul, Iran, Malaysia, lan kanggo siji mangsa, Républik Rakyat Cina. Sanadyan organisasi iki dimaksudaké supaya dadi aliansi sing raket kaya déné NATO utawa Pakta Warsawa, nagara-nagara anggotané ora naté duwé karaketan kaya sing dikarepaké lan akèh anggotané sing sidané diajak aliansi déning salah siji nagara-nagara adidaya mau. Upamané, Kuba duwé gegayutan sing cedhak karo Uni Soviet ing mangsa Perang Dingin. Utawa India sing duwé pasekuton karo Uni Soviet kanggo nglawan Tiongkok sajeroning sawatara taun. Luwih luwih manèh, ana sawatara anggota malah kalibat konflik karo anggota liyané, kaya umpamané konflik antara India karo Pakistan, Iran karo Irak. Obahan iki tau pecah nalika Uni Soviet nginvasi Afghanistan ing taun 1979. Nalika iku, kabèh sekuthu Soviet njurung invasi, sauntara iku anggota GNB, mligi nagara kanthi mayoritas muslim, ora mungkin amarga anané prajanjèn nonintervensi.

Sajarah[besut | besut sumber]

Tembung "Non-Blok" diwanuhaké pisanan déning Nayakotama India Nehru sajeroning pidatoné taun 1954 ing Colombo, Sri Langka. Sajeroning sesorah iku, Nehru njlèntrèhaké limang pilar sing bisa digunakaké minangka pedoman kanggo gawé rélasi Sino-India sing ingaran Panchsheel (lima pengendali). Prinsip iki banjur digunakaké minangka basis saka Obahan Non-Blok. Limang prinsip mau ya iku:

  1. Saling ngurmati integritas teritorial lan kadhaulatan.
  2. Prajanjèn non-agresi
  3. Ora ngintervensi urusan jeron nagari nagara liya
  4. Kasetaraan lan kauntungan bebarengan
  5. Naga perdamaian

Obahan Non-Blok dhéwé diwiwiti saka sawijining [[Konferensi Tingkat Tinggi Asia-Afrika|konferènsi sing dianakaké ing Bandung, Indonésia, taun 1955. Ing konferènsi iki, nagara-nagara sing ora mihak marang blok tinamtu ndéklarasèkaké ora mèlu cawé-cawé sajeroning konfrontasi ideologi Kulon-Wétan. Pendhiri saka obahan iki ya iku limang pemimpin donya: Josip Broz Tito présidhèn Yugoslavia, Soekarno présidhèn Indonésia, Gamal Abdul Nasser présidhèn Mesir, Pandit Jawaharlal Nehru nayakotama India, lan Kwame Nkrumah saka Ghana.

Obahan iki naté kélangan kredibilitas ing pungkasan taun1960-an nalika anggota-anggotané wiwit kapecah lan gabung marang Blok liya, mligi Blok Wétan. Muncul pitakonan kepriyé sawijining nagara sing bersekuthu karo Uni Soviet kaya Kuba bisa ngeklaim minangka sawijining nagara nonblok. Obahan iki sabanjuré kapecah ing mangsa invasi Soviet marang Afghanistan taun 1979.

Patemon GNB[besut | besut sumber]

Sacara normal, patemon GNB dianakaké saben telung taun sapisan. Nagara sing tau dadi tuan omah KTT GNB antarané: Yugoslavia, Mesir, Zambia, Aljazair, Sri Lanka, Kuba, India, Zimbabwe, Indonésia, Kolombia, Afrika Kidul, lan Malaysia. Lumrahé sawisé nganakaké konferènsi, kepala nagara utawa kepala papréntahan sing dadi tuan omah konferènsi iku bakal dadi ketua obahan kanggo mangsa kalungguhan telung taun.

Papan lan tanggal KTT GNB[besut | besut sumber]

Sekretaris Jendral[besut | besut sumber]

Sekretaris Jendral Obahan Non-Blok
Jeneng Asal nagara Wiwit Nganti
Tito  Yugoslavia 1961 1964
Gamal Abdel Nasser  Mesir 1964 1970
Kenneth Kaunda  Zambia 1970 1973
Houari Boumédienne Cithakan:Country data Aljeria 1973 1976
William Gopallawa  Sri Lanka 1976 1978
Junius Richard Jayawardene  Sri Lanka 1978 1979
Fidel Castro  Kuba 1979 1983
N. Sanjiva Reddy  Indhi 1983 1982
Zail Singh  Indhi 1982 1986
Robert Mugabe  Zimbabwé 1986 1989
Janez Drnovšek  Yugoslavia 1989 1990
Stipe Mesić  Yugoslavia 1991 1991
Branko Kostić  Yugoslavia 1991 1992
Dobrica Ćosić  Yugoslavia 1992 1992
Suharto  Indhonésia 1992 1995
Ernesto Samper Pizano  Kolombia 1995 1998
Andrés Pastrana Arango  Kolombia 1998 1998
Nelson Mandela  Afrika Kidul 1998 1999
Thabo Mbeki  Afrika Kidul 1999 2003
Datuk Seri Mahathir bin Mohammad  Malaysia 2003 2003
Datuk Seri Abdullah Ahmad Badawi  Malaysia 2003 2006
Fidel Castro  Kuba 2008
Raúl Castro  Kuba 2008

Anggota[besut | besut sumber]

Rujukan[besut | besut sumber]

  1. Fidel Castro speech to the UN in his position as chairman of the nonaligned countries movement 12 October 1979 Archived 11 June 2011 at the Wayback Machine. "For this reason we agreed in Havana to reaffirm that the quintessence of the nonalinement policy, in accordance with its original principles and fundamental nature, is the struggle against imperialism, colonialism, neocolonialism, apartheid, racism, including Zionism."
    Pakistan & Non-Aligned Movement, Board of Investment-Government of Pakistan, 2003
  2. "Official Website of 14th Summit Conference". Diarsip saka sing asli ing 2006-11-05. Dibukak ing 2008-08-24.

Pranala njaba[besut | besut sumber]