Aljazair

Saka Wikipédia Jawa, bauwarna bébas abasa Jawa
الجمهورية الجزائرية الديمقراطية الشّعبية
al Jumhuriyah al Jazā'iriyah
ad Dīmuqrāţiyah ash Sha'biyah
Gendéra Lambang nagara
Motto: بالشّعب وللشّعب
(Bil-sha'bi wa lil-sha'bi = "Déning rakyat lan kanggo rakyat")
Antem: Qassaman
Largest city Aljir
Basa resmi Arab

lain = Prancis, Bèrbèr

capital = Aljir
Papréntahan Républik semi-présidhènsial
Kamardikan
 •  Banyu (%) -
Cacah jiwa
 •  Rantaman 2010 35.423.000
 •  Cacah sirah 1998 29.100.867
GDP  (PPP) Rantaman 2010
 •  Gunggung US$251,117 miliar
 •  Per kapita US$4.435
Valuta Dinar (DZD)
Kodhé bèl 213
TLD Internèt .dz

Républik Démokratik Rakyat Aljazair[1][2][3][4] (basa Arab: الجمهورية الجزائرية الديمقراطية الشّعبية) utawa asring kasebut Aljazair iku nagara ing tlatah Maghribi, Afrika. Yèn miturut ambané wewengkon, Aljazair minangka nagara paling gedhé ing Segara Tengah, paling gedhé ing Donya Arab, kaping pindo ing bawana Afrika[5] sawisé Sudan, lan kaping sewelas sa donya.[6] Aljazair bakal dadi nagara Afrika paling gedhé sawisé wewengkon Sudan Kidul mardika déning Sudan ing tanggal 9 Juli 2011.

Aljazair wewatesan karo Tunisia ing sisih lor-wétan, Libya ing sisih wétan, Maroko ing sisih kulon, Sahara Kulon, Mauritania, lan Mali ing sisih kidul-kulon, Niger ing sisih kidul-wétan, lan karo tlatah Segara Tengah ing sisih lor. Aljazair jembaré ana 2.400.000 km2, lan padunungé kira-kira ana 35,7 yuta.[7] Kutha krajané ya iku Aljir.

Aljazair minangka anggota Liga Arab, PBB, Uni Afrika, lan OPEC. Aljazair iku uga salah sawijining anggota pangadeg Uni Arab Maghribi.

Étimologi[besut | besut sumber]

Tembung Al-jazā’ir (الجزائر) jroning basa Arab tegesé "pulo-pulo", asliné iku cekakan saka Jazā’ir Banī Mazghanā (جزائر بني مازغان) sing tegesé "pulo-pulo kaum Bani Mazghana". Istilah sepisanan dipigunakaké déning géografer jaman pertengahan kayata Muhammad al-Idrisi.

Ing jaman klasik, laladan Aljazair lor uga diarani Numidia, kang biyèn wates wewengkoné uga kalebu Tunisia kulon lan Maroko wétan.

Géografi[besut | besut sumber]

Sabagéyan gedhé Aljazair dunungé ana ing antara 19° lan 37° lintang lor (mung sithik ana ing sisih loré 37°), karo 9° bujur kulon lan 12° bujur wétan. Umumé laladan pesisir Aljazair arupa pabukitan lan sithik liyané pagunungan. Plabuhan alami ora akèh cacahé ing Aljazair.

Pagunungan Ahaggar (basa Arab: جبال هقار‎ jibaalun Haghar) utawa uga diarani Hoggar, minangka laladan dhataran dhuwur ing tengahé ara-ara Sahara, ing wewengkon Aljazair kidul. Dumunungé pagunungan iku kurang luwih 1.500 km sisih kidul saka kutha krajan Aljir. Tamanrasset ya iku kutha kang ana ing kana.

Kutha-kutha utamané Aljazair ya iku Aljir, Oran, Constantine, Tizi Ouzou, lan Annaba.

Pulitik[besut | besut sumber]

Aljazair iku dianggep réjim otoritèr, yèn miturut Indèks Dhémokrasi 2010[8] saka kalawarti internasional The Economist. Laporan Freedom of the Press 2009 saka sawijining LSM Amérika Sarékat mènèhi Aljazair peringkat "ora bébas".[9]

Présidhèn minangka kepala nagara Aljazair, lan dipilih kanggo mangsa jabatan limang taunan. Sakjané biyèn mangsa jabatan Présidhèn diwatesi mung kalih mangsa limang taunan, nanging wiwit 11 November 2008 amandemèn undhang-undhang déning Parlemèn wis mbusak batesan iki.[10] Padunung Aljazair nduwèni hak pilih ing umur 18 taun.[5]

Parlemèn Aljazair iku arupa sistem rong kamar (bikameral).

Propinsi lan dhistrik[besut | besut sumber]

Péta propinsi Aljazair lan nomoré miturut urut-urutané sing resmi


1 Adrar
2 Chlef
3 Laghouat
4 Oum el-Bouaghi
5 Batna
6 Béjaïa
7 Biskra
8 Béchar
9 Blida
10 Bouira
11 Tamanghasset
12 Tébessa


13 Tlemcen
14 Tiaret
15 Tizi Ouzou
16 Aljir
17 Djelfa
18 Jijel
19 Sétif
20 Saïda
21 Skikda
22 Sidi Bel Abbes
23 Annaba
24 Guelma


25 Constantine
26 Médéa
27 Mostaganem
28 M'Sila
29 Mascara
30 Ouargla
31 Oran
32 El Bayadh
33 Illizi
34 Bordj Bou Arréridj
35 Boumerdès
36 El Tarf


37 Tindouf
38 Tissemsilt
39 El Oued
40 Khenchela
41 Souk Ahras
42 Tipasa
43 Mila
44 Aïn Defla
45 Naama
46 Aïn Témouchent
47 Ghardaïa
48 Relizane

Démografi[besut | besut sumber]

Aljazair nduwèni cacah padunung 34.895.000 (prakiran Januari 2010), ya iku 99% minangka etnis Arab utawa Berber.[5] Turunaning para pangungsi saka Andalusia, uga ana ing populasi padunung Aljir lan kutha-kutha liya.[11] Mèh ora ana wong-wong katurunan Éropah ing Aljazair, sabagéyan gedhé wis pindhah sawisé kamardhikan nagara iku saka Prancis.[12]

Delengen uga[besut | besut sumber]

Cathetan suku[besut | besut sumber]

  1. ^ Brozolo, Luca G. Radicati di (1990). "Benemar v. Embassy of the Democratic and Popular Republic of Algeria". American Journal of International Law 84 (2): 573–577. doi:10.2307/2203476. 
  2. ^ http://www.iusct.org/claims-settlement.pdf
  3. ^ http://www.mem-algeria.org/legis/Mines_ANNEX-29-04-03.pdf
  4. ^ http://maghrebeurope.ceth.fr/DAHOR-en.pdf
  5. ^ a b c "Africa: Algeria". CIA World Factbook. Cia.gov. Dijupuk 2009-12-07. 
  6. ^ Encarta MSN
  7. ^ "Population et Démographie". Office National des Statistiques. Dijupuk 2010-03-13. 
  8. ^ "Democracy Index 2010". 
  9. ^ "Freedom of the Press 2009" (PDF). Freedom House. Diarsip saka sing asli (PDF) ing 2009-05-20. Dijupuk 2009-05-07. 
  10. ^ "BBC NEWS". News.bbc.co.uk. November 12, 2008. Dijupuk 2008-11-24.  Tèks " Africa " dikiwakaké (pitulung); Tèks " Algeria deputies scrap term limit " dikiwakaké (pitulung)
  11. ^ John Douglas Ruedy (2005). "Modern Algeria: the origins and development of a nation". Indiana University Press. p.22. ISBN 978-0-253-21782-0
  12. ^ Raimondo Cagiano De Azevedo (1994). "Migration and development co-operation.". Council of Europe. p.25. ISBN 978-92-871-2611-5
Sumber artikel punika saking kaca situs web: "https://jv.wikipedia.org/w/index.php?title=Aljazair&oldid=1051862"