Nelson Mandela

Saka Wikipédia Jawa, bauwarna bébas abasa Jawa
Nélson Mandéla
Nelson Mandela 1998 cropped.JPG
Présidhèn Afrika Kidul kaping 11
Lungguh
27 April 1994 – 14 Juni 1999
Wakil Présidhèn Frederik Willem de Klerk
Thabo Mbeki
Kadhisiki Frederik Willem de Klerk (Présidhèn Nagara kanggo Afrika Kidul)
Kagantèni Thabo Mbeki
Rerincèn priangga
Lair (1918-07-18) 18 Juli 1918 (umur 98)
Mvezo, caket Mthatha, Eastern Cape, Persatuan Afrika Kidul
Parté pulitik ANC

Nélson Rolihlahla Mandéla (pengucapan Xhosa[xoˈliːɬaɬa manˈdeːla]; lair ing Mvezo, Afrika Kidul, 18 Juli 1918 – pati di Johannesburg, Afrika Kidul, 5 Dhésèmber 2013 ing yuswa 95 taun) dipunkenal ing saindhenging donya dados pejuwang kamardikan amargi kegiyatan antiapartheid, salajengipun Nelson dados Présidhèn Afrika Kidul. Mangsa alitipun dipuntelasaken ing Thembu salajengipun miwiti karir ing bidang hukum.

Panjenenganipun ugi kagungan asma kinurmatan saking klanipun inggih punika Madiba.

Kagesangan[besut | besut sumber]

Dipunwiyosaken ing Mvezo, Transkei tanggal 18 Juli 1918, Rolihlahla Mendela salajengipun pindhah ing Qunu ngantss yuswa 9 taun. Panjenenganipun ingkang sepisanan saking kulawarganipun ingkang sekolah. Panjenenganipun ugi pikantuk asma Nelson saking ara-araipun tiyang Metodis. Ing yuswa 16 taun, panjenenganipun mlebet Clarkebury Boarding Institute nyinaoni kabudayan kilén.

Ing taun 1934, panjenenganipun miwiti program B.A. ing Fort Hare University, lan pepanggihan kaliyan Oliver Tambo ingkang dados réncang lan koleganipun ingkang setya. Sasampunipun nentang kabijakan universitas lan disuwun medal, panjenenganipun pindhah dhateng Johannesburg lan nglajengaken kuliahipun ing University of South Africa sasampunipun mendhet jurusan hukum ing Universitas Witswatersrand.

Palakrama[besut | besut sumber]

Palakrama sepisanan Mandela kaliyan Evelyn Ntoko Mase pungkasanipun pegatan taun 1957 sasampunipun 13 taun. Plakramanipun kaliyan Winnie Madikizela ingkang lumampah 38 taun, pungkasanipun ugi pegatan taun 1996. Ing tanggap warsanipun kaping 80, Mandela krama kaliyan Graça Machel, randhanipun mantan Présidhèn Mozambik Samora Machel, ingkang ugi setunggaling rencang ANC.

Pulitik[besut | besut sumber]

Dados Aktivis[besut | besut sumber]

Nelson Mandela

Nelson Mandela tumut African National Congress (ANC) saking taun 1942.

Amargi kagiyatanipun ingkang antiapartheid, panjenenganipun nglampahi sapérangan mangsa paukuman. Tanggal 5 Agustus 1962, Mandela dipuncekel lan dipunkunjara ing Johannesburg Fort salajengipun tanggal 25 Oktober 1962, panjenenganipun dipunukum 5 taun kunjara lan ing tanggal 12 Juni 1964, panjenenganipun lan saklompok aktivis sanèsipun dipunukum kunjara sayuswaning gesang.

Sasampunipun nampik pambebasan kanthi syarat ngendhegaken perjuwangan bersenjata ing wulan Februari 1985, Mandela manggèn ing kunjara ngantos dipunbebasaken tanggal 11 Februari 1990 amargi préntahipun Présidhèn Frederik Willem de Klerk sasampunipun dipunteken déning saindhenging donya.

Mandela lan de Klerk pikantuk hadhiah Nobel Perdamaian taun 1993

Présidhèn[besut | besut sumber]

Nelson Mandela njawat Présidhèn Afrika Kidul sekitar 5 taun (Mei 1994 - Juni 1999) sasampunipun menangaken Pemilu lan dados Présidhèn kulit cemeng sepisanan kanthi de Klerk dados Deputi Présidhèn.

Masalah AIDS dados sumber kuciwaning kathah tiyang lan keduwungipun Mandela amargi ing wekdal pamréntahanipun, panjenenganipun kirang migatosaken masalah punika. Putranipun, Makgatho Mandela, séda amargi AIDS tanggal 6 Januari 2005.

Sing mengku  sadurungé:
Frederik Willem de Klerk
Présidhèn Afrika Kidul
19941999
Diganti déning:
Thabo Mbeki



Sumber artikel punika saking kaca situs web: "https://jv.wikipedia.org/w/index.php?title=Nelson_Mandela&oldid=1089367"