Somalia

Soomaaliya
Soomaaliya
	Gendéra Aditamèng
	Motto: —
	Gunagita: Lagu Kabangsan Somalia
Kuthagara lan Kutha paling gedhé	Mogadishu
Jawatbasa	Somali
Papréntahan	Pamaréntahan Transisi
Kamardikan
• Banyu (%)	1,6%
Population
• Pikira-kira 2005	8.591.629 (87)
• Cacahjiwa 1975	~ 3.300.000
GKK (ITK)	Pikira-kira 2005
• Gunggung	US$4,59 miliar (153)
• Saben wong	US$600 (190)
Artacihna	Shilling (SOS)
Laladan wektu	UTC+3
• Mangsa ketiga (AKK)	UTC+3
Kodhé bèl	252
TLD internèt	.so

Somalia (basa Somali: Soomaaliya; basa Arab: الصومال, As-Sumal), biyèn jenengé Républik Dhémokratik Somali, iku nagara ing pasisir Afrika Wétan kang ana kanthi de jure. Somalia ora ndarbèni otoritas pamaréntah pusat kang diakoni, ora ana mata uang nasional utawa ciri-ciri liya kang magepokan karo siji nagara kang duwé kadhaulatan. Otoritas kanthi de facto ana ing tangan pamaréntah kang ora diakoni, yaiku Somaliland, Puntland lan gembong militan cilik kang padha memusuhan, lan kateluné mimpin papréntahan oposisi.

Pulitik

Artikel utama: Pulitik Somalia

Somalia ora ndarbèni pamaréntah nasional kang efektif. Ing sisih kulon-lor, ana pamisahan Républik Somaliland. Ing sapérangan liyané ana sawatara warlord, yaiku Puntland lan Somalia Kidul-Kulon. Pamaréntahan kang diakoni donya internasional yaiku "Pamaréntahan Transisi Nasional", wiwitané dibawahi Abdulkassim Salat Hassan, kang ngontrol mung sabagéan saka Mogadishu, kutha krajan Somalia.

Tanggal 10 Oktober 2004 Mahamantri Somalia kapilih Abdullahi Yusuf Ahmed, Présidhèn Puntland, dadi Présidhèn sabanjuré. Amarga kaanan kaco ing Mogadishu, pamilihan dianakakén ing pusat ulah raga ing Nairobi, Kenya. Yusuf kapilih Présidhèn transisional déning parlemen transisional Somalia. Dhèwèké menangaké 189 saka 275 swara Parlemen. Sesi Parlemen uga dianakaké ing nagara tangga Kenya. Pamaréntahané diakoni déning akêh nagara Barat minangka panguwasa legal nagara mau, sanadyan otoritas aktualé isih dadi pitakonan.

Akèh organisasi pulitik cilik liyané kang dhedhasar klan kang kawangun wiwit pamilihan Présidhèn anyar, padha golèk (format) pulitik kang bébas-marga (kaya déné Front Somali Bersatu).