Swaziland

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Umbuso weSwatini
Kingdom of Swaziland
Motto: Siyinqaba
(Swati: "Kita iku Benteng")
Lagu kabangsanNkulunkulu Mnikati wetibusiso temaSwati
Ibu kutha Mbabane (pamaréntahan),
Lobamba (krajaan lan kehakiman)
Largest city Mbabane
Basa resmi Swati lan Inggris
Pamaréntahan Monarki
Kamardikan
 -  Banyu (%) 0,9%
Pedunung
 -  2006 estimate 1.146.050 (150)
 -  - census -
PDB (KKB) 2005 estimate
 -  Total US$5,43 miliar (148)
 -  Per capita US$4.995 (104)
Valuta Lilangeni (SZL)
Zona wektu (UTC+2)
 -  Summer (DST)  (UTC+2)
Kodhe tilpun 268
Internet TLD .sz

Krajaan Swaziland iku sawijining nagara cilik ing kidul Afrika kang ora ndarbèni pasisir lan dumunung ana ing antara Afrika Kidul ing sisih kulon lan Mozambik ing sisih wétané.

Pulitik[sunting | besut sumber]

Artikel utama: Pulitik Swaziland

Kepala nagarané ya iku raja, kang wiwit taun 1986 diwengku déning Raja Mswati III, kang marisi tahka saka bapaké Raja Sobhuza II. Miturut tradhisi, raja ndarbèni kuwasa bebarengan karo ibuné (Indovukazi, Gajah-Betina Besar). Raja Mswati dianggep minangka kepala administrasi nagara déné ibuné minangka kepala rohaniah lan kepala nasional nagara. Minangka sawijining monarki, raja ora mung nunjuk perdana mentri, kepala pamaréntahan, nanging uga nunjuk sawetara perwakilan kanggo kaloro badan Libandla (parlemen). Senat dumadi saka 30 anggota, lan Dewan Perwakilané ndarbèni 65 kursi, 55 dilungguhi déning wakil kapilih (pemilihan dianakaké saben 5 taun ing sasi November).

Konstitusi 1968 dibatalaké (suspended) taun 1973 jroning sawijinié kaputusan Kahanan Darurat kang isih lumaku nganti saiki. Taun 2001 Raja Mswati III nunjuk siji komite kanggo nulis konstitusi anyar. Rancangan diwetokaké minangka komentar ing sasi Mei 2003 lan November 2004. Nanging, dikritik déning organisasi serikat sipil ing Swaziland lan organisasi hak manusia ing panggonan liyané.

Raja Mswati III uga asring dikritik amarga urip nikmat ing sawijining nagara kang kena infeksi HIV paling dhuwur sadonya iku. Kanthi armada montor méwah, yutan dientèkaké kanggo ndandani istana kanggo para garwané, kosok balèn karo kahanan watara 34% padunung kang nganggur, mèh 70% urip kanthi pikolèhan kang kurang saka 1 dolar AS sedina, lan kanthi 39% wong dhiwasa kang kajangkit HIV.

Geografi[sunting | besut sumber]

Peta Swaziland
Artikel utama: Geografi Swaziland

Swaziland ndarbèni pemandangan alam kang manéka warna; saka pegunungan ing sadawané tapel wates Mozambik nganti sabana ing sisih wétan lan alas udan ing sisih kulon-lor. Sawetara kali mili ing nagara iki, contoné Kali Lusutfu. Kanthi 50.000 padunung, Mbabane, kutha krajan Swaziland, minangka kutha paling gedhé; kutha gedhé liyané klebu Manzini, Lobamba lan Siteki.

Pamérangan administratif[sunting | besut sumber]

Artikel utama: Distrik Swaziland

Swaziland dipérang dad papat distrik:

  1. Hhohho
  2. Lubombo
  3. Manzini
  4. Shishelweni

Demografi[sunting | besut sumber]

Mayoritas padunung asalé saka suku Swazi, nanging ana sawetara saka suku Zulu, bangsa Éropah, lan pengungsi saka Mozambik. Basa-basa resmi ing Swaziland ya iku basa Swati lan basa Inggris (kang minangka basa tertulis resmi). Agama utama ya iku agama Kristen, kang asring campur karo sawetara kapercayaan tradisional. Saliyané iku aaa uga komunitas Yahudi lan Muslim.

Delengen uga[sunting | besut sumber]

Pranala jaba[sunting | besut sumber]

Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata Swaziland ing Wikivoyage


Sumber artikel punika saking kaca situs web: "https://jv.wikipedia.org/w/index.php?title=Swaziland&oldid=1001019"