Mie goreng

Saka Wikipédia Jawa, bauwarna bébas abasa Jawa
mi goreng enak

Mie Goreng ateges 'mi' sing digorèng [1]. Mie gorèng kalebu panganan sing akèh dipengini masarakat wiyar ing Indonésia, Malaysia, lan Singapura. Mi gorèng dipundamel saking mi kuning ingkang dipungorèng kanthi ngginakaken sekedhik lenga goreng, lajeng dipunsukani bumbu-bumbu kados bawang putih, brambang, udang saha daging ayam utawi daging sapi, bakso ingkang dipuniris-iris, lombok, janganan, tomat, tigan ayam, saha acar. Dhaharan punika gampil dipundamel saéngga kathah kapanggih ing pundi kémawon papan, saking ing warung-warung pinggir margi ngantos wonten ing restoran mewah.[2]

Jinis-jinising mie gorèng[besut | besut sumber]

Wonten ing Indonésia, wonten manéka jinis mi gorèng ingkang namanipun dipunjumbuhaken kaliyan bumbu-bumbu ingkang dipun-ginakaken kanggé damel mi kasebat. Tuladhanipun, mi gorèng ingkang padatanipun dipunsukani ayam lajeng ayamipun dipungantos sapi mila mi gorèng kasebat dipunwastani mi gorèng spesial sapi, mi goreng spesial daging meda, mi goreng bumbu udang, lan sapanunggalanipun. Wonten malih Mi Goreng Aceh amargi mie goreng kasebat asalipun saking provinsi Aceh, mi goreng Jawa, ugi mi goreng Surabaya amargi kas kitha Surabaya. Kanggé paring nama mir goreg ugi saged miturut swanten ingkang dipunasilaken nalika damel mi goreng kasebat, tuladhanipun mi goreng "tek-tek", mi goreng "dhog-dhog".

Bahan-bahan[besut | besut sumber]

Mie inggih jinis dhaharan ingkang gampil dipundamel. Déné bahan-bahan ingkang dipunbetahaken kanggé damel mie gorèng inggih punika kados makaten.

  1. 2 sdm lisah klentik
  2. 3 ler bawang putih, dipungeprak
  3. 3 batang godhong bawang dipunpendhet pérangan putih ipun, lajeng dipuniris lembut
  4. 200 gr daging sapi ingkang sampun dipungodhog lajeng dipunrajang alit-alit
  5. 100 gr udang teles
  6. 150 cc kaldu sapi
  7. 200 gr lubis dipunrajang lembut
  8. 100 gr cambah
  9. sarem sak cekapipun
  10. Mrica sakcekapipun
  11. 2 sdm kecap manis
  12. 250 gr mi teles
  13. ron sledri
  14. 1 sdm brambang gorèng

Caranipun Damel[besut | besut sumber]

Prosès damel mie goreng inggih punika kados makaten.

  • Lisah klentik dipunpanasi,lajeng bawang putih dipunosèng sareng kaliyan godhong bawang ingkang sampun dipunrajang. Anggènipun ngosèng ngantos gandanipun arum.
  • Salajengipun, udang kaliyan daging dipunlebetaken, lajeng dipunudhak ngantos mateng. Manawi sampun lajeng toya kaldunipun dipunlebetaken.
  • Prosès salajengipun, sadaya janganan lan bumbu dipunlebetaken lan dipunjangan ngantos jangananipun layu.
  • Mie lajeng dipunlebetaken lajeng dipunudhak-udhak sekedhap lan dipunangkat.
  • Mie dipunsajèkaken wonten ing piring lajeng dipunsukani rajangan godhong seledri saha brambang gorèng.
  • Manawi sampun, mie sampun samekta dipunsajèkaken, langkung saé manawi dipunsajèkaken nalika taksih panas, dipunsukani kaliyan lombok rawit saha acar. .[3]

Cathetan suku[besut | besut sumber]

  1. ^ Guerin, Bill (2003-12-23). "World's top noodle maker loses its bite". Asia Times Online. Dijupuk 2012-12-1.  Priksa gandra date ing: |access-date= (pitulung)
  2. ^ [1](dipunundhuh tanggal 1 Desember 2012)
  3. ^ [2]