Babi guling
 Seporsi babi guling | |
| Panggonan asal | Indonésia |
|---|---|
| Tlatah utawa praja | Bali |
| Digawé | Suku Bali |
 Buku masakan: Babi guling  Médhia: Babi guling | |
Babi guling (ing Bali karan be guling) iku sawijining panganan kang digawé saka anak babi, kang wetengé diisi bumbu lan janganan kaya déné godhong ketéla pohung lan dipanggang sinambi diputer-puter nganti mateng. Babi guling biyasa digunakaké ing upacara adat lan kaagamaan ing Bali, nanging saiki babi guling wis didol minangka hidangan ing warung-warung, omah mangan, malah ing hotèl-hotèl tinamtu ing Bali. Jeneng babi guling ing laladan Bali kondhang kanthi jeneng be guling. Sabeneré be guling bisa digawé saka jinis daging liyané kaya bèbèk lan pitik. Babi guling kang paling misuwur asal saka kabupatèn Gianyar.
Cara masak
[besut | besut sumber]Babi dibelèh terus diresiki kulité nganti resik. Banjur jeroane diwetokaké lan diresiki. Banjur dikumbah nganti resik. Iwak babi diumbarke wutuh. Banjur disiapaké bumbu: jaé, kencur, laos, kunir, brambang, bawang, godhong serèh, godhong jeruk, godhong salam, lan lombok rawit banjur dicincang kang lembut banjur diuleg rata karo kemiri, mrica, ketumbar lan uyah dialuské banjur diulet nganti rata. Sawisé bumbu dicepakaké banjur bumbu dilebokaké ing njeroné weteng babi kang jeroané wis diresiki. Sawisé iku, babi disunduki nganggo kayu saka buri tekan cangkemé, banjur dipanggang ing sadhuwuring geni kang mburap-mburap lan diwolak-walik supaya mateng warata.
Sawisé babi mateng, banjur diirisi lan disiapaké kanggo njangkepi masakan betutu lan lawar, uga sayur arès gedhang kang wis mateng, banjur siyap didhahar kanggé dhaharan upacara adat ing Bali.
Uga delengen
[besut | besut sumber]Pranala njaba
[besut | besut sumber]- (ing basa Indonésia) Babi guling ing BBC Indonésia
- Babi guling khas Gemah Ripah Archived 2011-01-28 at the Wayback Machine.
- Babi guling Archived 2007-03-12 at the Wayback Machine.