Dhawet sambel
| Jeneng liyané | Dhawet pecel |
|---|---|
| Panggonan asal | Indonésia |
| Tlatah utawa praja | Kulon Praga, Daérah Istiméwa Ngayogyakarta |
| Hawa ajangan | Adhem |
| Woworan pokok | Dhawet, sambel, capar |
 Buku masakan: Dhawet sambel  Médhia: Dhawet sambel | |
Dhawet sambel inggih punika unjukan khas ingkang asalipun saking Kabupatèn Kulon Praga, Daérah Istiméwa Ngayogyakarta. Bahan pokokipun dumados saking dhawet, sambel, kaliyan capar.[1]
Wedharan
[besut | besut sumber]Miturut katrangan situs Direktorat Warisan dan Diplomasi Budaya, ing madyaning abad kaping 20, wonten bakul ingkang dodolan dhawet kaliyan pecel ing satunggaling pagelaran. Wanci ngaso pagelaranipun, wonten tiyang tumbas paring pamanggih amrih dhawetipun dipun campur kaliyan pecel. Jebulipun, kathah ingkang ngremeni dhawetipun tur saya kathah ingkang mesen.[2] Manawi dipun sawang, dhawet sambel mèh mèmper kaliyan soto.[3] Dhawetipun dipun damel saking sari pathi uwi ganyong,[4] wondéné sambelipun dipun damel saking parutan klapa ingkang dipun sangré lajeng dipun dheplok mawi lombok abrit, gendhis, bawang pethak, kaliyan sarem.[3] Sasanèsipun parutan klapa, ugi wonten ingkang namung nganggé sambel kacang kémawon.[5] Cara nyawisaken dhawet sambel inggih punika dhawetipun dipun paringi sambel, capar, brambang gorèng, tahu gorèng, kaliyan juruh, nanging boten nganggé santen kaliyan ès. Raos dhawet punika inggih campur-campur gurih, manis, pedhes, kaliyan asin.[3]
Rujukan
[besut | besut sumber]- ↑ "3 Kuliner Unik Khas Kulon Progo, Nasi Nuk Santri sampai Dawet Sambel Halaman all". KOMPAS.com. 20 Juni 2022. Dibukak ing 11 Fèbruari 2023.
- ↑ "Dawet Sambal". Direktorat Warisan dan Diplomasi Budaya. 16 Sèptèmber 2019. Diarsip saka sing asli ing 2023-02-11. Dibukak ing 11 Fèbruari 2023.
- ↑ a b c Sushmita, Chelin Indra (20 Juni 2022). "Dawet Sambal Kulonprogo, Sensasi Makan Dawet Campur Pecel". Solopos. Dibukak ing 11 Fèbruari 2023.
- ↑ "Produk Wisata Dawet Sambel". Jadesta Kemenparekraf. Dibukak ing 11 Fèbruari 2023.
- ↑ Sari, Yenny Mustika (3 Juli 2020). "Dawet Sambel, Sensasi Makan Dawet Pakai Sambal Kacang". detikFood. Dibukak ing 11 Fèbruari 2023.