Capar
Alé ya iku kecambah saka isi lamtara utawa isi klampis. Alé digunakaké kanggo bahan tambahan ing olah-olahan laladan Jawa Wétan. Alé lamtara kanggo tambahan kuluban ing masakan pecel utawa tumis. Déné alé kemplang kang digawé saka isi klampis kanggo nambah rasa sedhep ing mangsakan jangan lodhèh.
Budidaya[besut | besut sumber]
Ing jaman kepungkur alé mung bisa ditemokaké nalika wiwitan mangsa rendheng, saka isi kang ana ing lemah lan mambu banyu udan banjur thukul. Déné saiki sawenèh petani mbudidaya alé saka isi lamtara lan klampis kang sengaja diklumpukaké lan digawé ngecambah. Budidaya alé iki antarané ana ing pinggir Bengawan Sala ing Bojanegara.[1][2]
Rujukan[besut | besut sumber]
- ↑ "Warga Talok Bojonegoro Panen "Ale" - ANTARA News Jawa Timur". Antara News (ing basa Indonesia). Dibukak ing 2018-10-10.
- ↑ JawaPos.com. "Petani Ale Gantungkan Bibit Dari Luar Daerah". Dibukak ing 2018-10-10.