Lemang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Lemang
250px
Sepotong lemang di atas piring.
Panggonan asal Brunei
Indonesia
Malaysia
Singapura
Tlatah utawa praja Asia Kidul-wetan
Digawé Bangsa Malayu
Woworan pokok Beras ketan
Buku masakan: Lemang  Médhia: Lemang
Piece of Lemang.jpg

Lemang (lemeng) inggih punika dhaharan ingkang asalipun saking wos ketan ingkang dipunmasak wonten ing deling ingkang sadèrèngipun dipungulung wonten ing lembaran godhong pisang. Gulungan ingkang isinipun beras ketan lajeng dipuncampur kaliyan santen klapa punika lajeng dipunlebetaken wonten ing ros (ruas) deling lajeng dipunbakar dumugi mateng. Lemang punika raosipun langkung éca menawi dipundhahar nalika taksih anget. Cara anggènipun ngonsumsi lemang punika bènten-bènten saking wewengkon ingkang satunggal kaliyan wewengkon sanèsipun. Wonten ingkang remen dhahar lemang kanthi cara ingkang raos manis kanthi cara dipuntambah kaliyan selé, kinca, srikaya, lan wonten ingkang remen kanthi raos asin kanthi ngginakaken rendhang, endhog, utawi lawuh sanesipun. Kajawi punika wonten ing dhahar lemang sareng kaliyan woh-wohan kados déné durèn.

Lemeng nalika nembe dipunbakar wonten salebeting deling

Lemang punika dipundadosaken minangka dhaharan kanggé prayaan déning Suku Dayak ingkang dipuncawisaken wonten ing adicara pista-pista adat. Tumrap Suku Malayu, lemang punika padatanipun dipundhahar nalika dinten riyaya kados déné Idul Fitri utawi Idul Adha. Ulun Lampung wonten ing sisih pasisir ndadosaken lemang punika minangka dhaharan dinten riyaya lan kuwé adat. Tumrap déning tiyang Minangkabau ingkang remen kaliyan lemang, menapa malih kutha kados déné Kutha Tebing Tinggi pramila pikantuk jejuluk "Kutha Lemang". Lemang ugi kalebet dhaharan tiyang asli Negrito ingkang wonten ing Kelantan.[1] dan suku Semai.[2]

Lemang punika ugi kalebet dhaharan ingkang khas legendaris tumrap masyarakat Samarinda ingkang dipunprodhuksi lan dipunsadé déning tiyang-tiyang Banjar wonten ing margi pulo Sebatik, Samarinda.

Rujukan[besut | besut sumber]