Lema (tetedhan)
 Lema ingkang sampun dipunolah kaliyan sambel lan ulam goreng. | |
| Panggonan asal | Indonesia |
|---|---|
| Tlatah utawa praja | Bengkulu |
| Digawé | Suku Rejang |
 Buku masakan: Lema  Médhia: Lema | |
Lema inggih punika nama satunggaling tetedhan khas saking Rejang [1][2]. Komposisi dhaharan punika saking bung ingkang dipuntugel-tigel lajeng dipuncampur kaliyan ulam saking toya tawar kados ta ulam mujaèr, ulam sepat lan ugi manéka ulam-kam alit ingkang gesang wonten ing toya ingkang tawar. Bibar tugelan bung punika dipuncampur kaliyan ulam mau banjur dipunudhak lan adonan mau dipunsimpen wonten ing wadhah ingkang sampun dipunlapisi kaliyan godhong gedhang lan dipuntutup kanthi brukut (rapet). Prosès fermentasi punika mbetahaken wekdal paling sakedhik punika tigang dinten. Bibar prosès fermentasi punika banjur adonan lema mau dipunolah lan dipundhahar mawi sekul.
Cara anggènipun ngolah lema
[besut | besut sumber]Lema dipunolah kanthi cara ingkang bènten kaliyan tempoyak. Lema mawi aroma ingkang boten énak ambunipun. Punika kalebet asil saking fermentasi ingkang wonten campuran ulam kaliyan bung saéngga medalaken aroma ingkang boten énak. Nanging sajanan ambunipun boten damel remen nanging kathah ingkang remen kaliyan lema. Ingkang dados béda punika aroma lan cita rasa ingkang dipunasilaken déning lema, saéngga boten namung dipunremeni déning bebrayan Rejang. Lema langkung écho bilih dipunolah kaliyan campuran santen lan dipuntambah kaliyan ulam toya tawar ugi ulam laut [1]. Padatanipun, lema dipunolah kaliyan dipuntambak kaliyan ulam mas, tongkol, ugi ulam ingkang padatanipun dipundhahar kathahipun manungsa.
Cita rasa
[besut | besut sumber]Ngengingi babagan cita rasa ingkang dipunasilaken déning lema, dhaharan punika kalebet saking seléra khas Sumatra. Lema gadhah rasa asem lan pedes, sarta aroma ingkang bènten nanging gurih bibar dipunmasak. Bibar dipunmasak padatanipun lema dipundhahar minangka lawuh (lauk). lema langkung écho dipundhahar kaliyan lalapan kados kabau, jering, utawi peté. Lema ugi sampun dados komoditi ekspor dhateng Jepang, sanajan kathah ugi Suku bangsa Rejang ingkang boten mangertos pérangan punika. Lema dipunbungkus kanthi modern wonten ing kaleng. Wadahipun boten bènten kaliyan wadhah kornèt utawi sardèn ingkang padatanipun dipunsadé wonten ing warung utawi toko-toko manisan modern sanèsipun. Lema dados dhaharan sesulih saking tradisi tiyang jepang ingkang limrahipun dhahar ulam mentah ingkang sampun kabukti dados penyebab lelara Minamata ing Jepang. Raosipun lema ingkang jumbuh kaliyan seléranipun tiyang Jepang ndadosaken lema minangka dhaharan ingkang dipunremeni lan dipuntepangi kanthi internasional ing Jepang. Babagan asal mulanipun lema boten kanthi gamblang dipunadnharaken bilih dhaharan punika wiwitanipun saking karya salah satunggaling bebrayan wonten ing Indonesia.
Cathetan suku
[besut | besut sumber]- ↑ a b Lema Makanan khas suku Rejang [pranala mati permanèn], (dipunakses tanggal 18 Maret 2013)
- ↑ Aneka makanan khas bengkulu Archived 2013-04-27 at the Wayback Machine., (dipunakses tanggal 18 Maret 2013)