Menyang kontèn

ꦲꦶꦤ꧀ꦠꦶꦥ꧀

Tambah pranala
Saka Wikipédia Jawa, bauwarna mardika basa Jawa
 
ꦗꦮ
    
Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.
ꦲꦶꦤ꧀ꦠꦶꦥ꧀
ꦲꦶꦤ꧀ꦠꦶꦥ꧀ ꦱꦼꦒ
Panggonan asalꦆꦤ꧀ꦝꦺꦴꦤꦺꦱꦶꦪ
Tlatah utawa prajaꦗꦮ
Woworan pokokꦱꦼꦏꦸꦭ꧀ (ꦧꦼꦫꦱ꧀)
Buku masakan: ꦲꦶꦤ꧀ꦠꦶꦥ꧀  Médhia: ꦲꦶꦤ꧀ꦠꦶꦥ꧀

ꦲꦶꦤ꧀ꦠꦶꦥ꧀ ꦲꦶꦏꦸ ꦥꦔꦤ꧀ꦤꦤ꧀ ꦏꦁ ꦢꦶꦒꦮꦺ ꦱꦏ ꦱꦼꦒ. ꦲꦱꦭ꧀ ꦩꦸꦮꦱꦭ꧀ꦭꦺ, ꦣꦺꦏ꧀ ꦗꦩꦤ꧀ ꦧꦶꦪꦺꦤ꧀ ꦲꦶꦧꦸ-ꦲꦶꦧꦸ ꦪꦺꦤ꧀ ꦩꦱꦏ꧀ ꦲꦸꦠꦮ ꦔ꧀ꦭꦶꦮꦼꦠ꧀ ꦱꦼꦒ ꦔꦁꦒꦺꦴ ꦏ꧀ꦮꦭꦶ ꦲꦸꦠꦮ ꦏꦼꦤ꧀ꦝꦶꦭ꧀.[1] ꦪꦼꦤ꧀ ꦱꦼꦒꦤꦺ ꦮꦶꦱ꧀ ꦱꦼꦠꦼꦔꦃ ꦩꦠꦼꦁ ꦧꦚ꧀ꦗꦸꦂ ꦢꦶꦥꦤ꧀ꦝꦃꦲꦏꦺ ꦩꦼꦚꦁ ꦢꦤ꧀ꦢꦁ, ꦧꦚ꧀ꦗꦸꦂ ꦢꦶꦏꦸꦏꦸꦱ꧀. ꦭꦸꦩꦿꦃꦲꦺ ꦲꦶꦁ ꦣꦱꦂ ꦏ꧀ꦮꦭꦶ ꦩꦲꦸ ꦲꦤ ꦱꦼꦒ ꦏꦁ ꦲꦶꦱꦶꦃ ꦤꦺꦩ꧀ꦥꦺꦭ꧀ ꦏꦁ ꦮꦸꦗꦸꦢ꧀ꦢꦺ ꦏꦥꦫ ꦫꦢ ꦒꦺꦴꦱꦺꦴꦁ. ꦱꦼꦒ ꦏꦁ ꦤꦺꦩ꧀ꦥꦺꦭ꧀ ꦲꦶꦏꦸ ꦏꦁ ꦢꦶꦲꦫꦤ꧀ꦤꦶ ꦲꦶꦤ꧀ꦠꦶꦥ꧀. ꦲꦶꦤ꧀ꦠꦶꦥ꧀ ꦏꦁ ꦏꦫꦶ ꦲꦤ ꦲꦶꦁ ꦣꦱꦂ ꦏ꧀ꦮꦭꦶ ꦢꦶꦏꦼꦫꦺꦴꦏ꧀ ꦧꦚ꧀ꦗꦸꦂ ꦢꦶꦥꦺꦥꦺ ꦔꦤ꧀ꦠꦶ ꦒꦫꦶꦁ. ꦪꦺꦤ꧀ ꦮꦶꦱ꧀ ꦒꦫꦶꦁ ꦧꦚ꧀ꦗꦸꦂ ꦢꦶꦒꦺꦴꦫꦺꦁ, ꦲꦶꦏꦶ ꦏꦁ ꦗꦼꦤꦼꦁꦔꦺ ꦲꦶꦤ꧀ꦠꦶꦥ꧀ ꦒꦺꦴꦫꦺꦁ.

ꦲꦶꦤ꧀ꦠꦶꦥ꧀ ꦲꦸꦒ ꦲꦺꦤꦏ꧀ ꦪꦺꦤ꧀ ꦱꦮꦶꦱ꧀ꦱꦺ ꦢꦶꦗꦸꦥꦸꦏ꧀ ꦱꦏ ꦏ꧀ꦮꦭꦶ ꦧꦚ꧀ꦗꦸꦂ ꦢꦶꦱꦶꦫꦩ꧀ ꦢꦸꦢꦸꦃ ꦗꦔꦤ꧀ ꦲꦸꦠꦮ ꦢꦶꦥꦔꦤ꧀ ꦔꦁꦒꦺꦴ ꦥꦫꦸꦠ꧀ꦠꦤ꧀ ꦏ꧀ꦭꦥ ꦭꦤ꧀ ꦢꦶꦥꦔꦤ꧀ ꦩꦶꦤꦁꦏ ꦚꦩꦶꦏ꧀ꦏꦤ꧀.

ꦗꦩꦤ꧀ ꦱꦲꦶꦏꦶ ꦲꦶꦤ꧀ꦠꦶꦥ꧀ ꦮꦶꦱ꧀ ꦲꦏꦺꦲ꧀ ꦢꦶꦢꦺꦴꦭ꧀ ꦲꦶꦁ ꦠꦺꦴꦏꦺꦴ-ꦠꦺꦴꦏꦺꦴ ꦏꦁ ꦚꦢꦶꦪꦏ꧀ꦏꦏꦺ ꦲꦺꦴꦭꦺꦃ-ꦲꦺꦴꦭꦺꦃ ꦥꦔꦤ꧀ꦤꦤ꧀ ꦏꦱ꧀. ꦲꦶꦤ꧀ꦠꦶꦥ꧀ ꦏꦁ ꦩꦶꦱꦸꦮꦸꦂ ꦲꦤ꧀ꦠꦫꦤꦺ ꦱꦏ ꦱꦭ.

ꦏꦺꦴꦫꦺꦪ

[besut | besut sumber]
ꦤꦸꦫꦸꦁꦗꦶ

ꦤꦸꦫꦸꦁꦗꦶ (누룽지) ꦪꦲꦶꦏꦸ ꦲꦶꦤ꧀ꦠꦶꦥ꧀ ꦏꦁ ꦚꦶꦱ ꦱꦮꦶꦱ꧀ꦱꦺ ꦩꦱꦏ꧀ ꦱꦼꦒ ꦲꦶꦁ ꦣꦱꦂ ꦥꦚ꧀ꦕꦶ ꦱꦼꦒ (ꦒꦩꦱꦺꦴꦠ꧀).[2] ꦲꦶꦤ꧀ꦠꦶꦥ꧀ ꦱꦼꦒ ꦢꦸꦩꦢꦶ ꦗꦗꦤ꧀ꦤꦤ꧀ ꦏꦱ꧀ ꦮꦺꦴꦁ ꦏꦺꦴꦫꦺꦪ.[2] ꦤꦭꦶꦏ ꦩꦱꦏ꧀ꦏꦺ ꦱꦸꦮꦺ, ꦱꦼꦒ ꦏꦁ ꦲꦤ ꦲꦶꦁ ꦣꦱꦂ ꦥꦚ꧀ꦕꦶ ꦧꦏꦭ꧀ ꦒꦺꦴꦱꦺꦴꦁ ꦭꦤ꧀ ꦫꦸꦥꦤꦺ ꦢꦢꦶ ꦏꦸꦤꦶꦁ.[2] ꦪ ꦲꦶꦏꦶ ꦱꦶꦁ ꦢꦶꦗꦼꦤꦼꦁꦔꦏꦺ ꦤꦸꦫꦸꦁꦗꦶ.[3] ꦤꦸꦫꦸꦁꦗꦶ ꦢꦶꦏꦺꦤꦭ꧀ ꦏꦤ꧀ꦛꦶ ꦫꦱ ꦭꦤ꧀ ꦲꦩ꧀ꦧꦸꦤꦺ ꦏꦁ ꦲꦸꦤꦶꦏ꧀, ꦪꦲꦶꦏꦸ ꦒꦫꦶꦁ ꦭꦤ꧀ ꦒꦺꦴꦱꦺꦴꦁ ꦱꦶꦛꦶꦏ꧀.[2] ꦧꦶꦪꦺꦤ꧀, ꦤꦭꦶꦏ ꦫꦏꦾꦠ꧀ ꦏꦼꦏꦸꦫꦁꦔꦤ꧀ ꦧꦲꦤ꧀ ꦥꦔꦤ꧀, ꦥꦫ ꦮꦺꦴꦁ ꦮꦢꦺꦴꦤ꧀ ꦩꦔꦤ꧀ ꦤꦸꦫꦸꦁꦗꦶ, ꦢꦺꦤꦺ ꦮꦺꦴꦁ ꦭꦤꦁ ꦲꦺꦴꦫ ꦩꦔꦤ꧀ ꦤꦸꦫꦸꦁꦗꦶ.[2] ꦱꦲꦶꦏꦶ ꦥꦔꦤ꧀ꦤꦤ꧀ ꦲꦶꦏꦶ ꦮꦶꦱ꧀ ꦢꦶꦉꦩ꧀ꦧꦏ꧀ꦏꦏꦺ ꦏꦤ꧀ꦛꦶ ꦮꦸꦗꦸꦢ꧀ ꦥꦼꦂꦩꦺꦤ꧀, ꦫꦺꦴꦠꦶ ꦭꦤ꧀ ꦲꦺꦴꦩ꧀ꦧꦺꦤ꧀ꦤꦤ꧀.[2]

Parsi

[besut | besut sumber]
Hidangan nasi ceri dengan tahdig.

Tahdig (Pèrsi: ته دیگ‎‎, tah "ngisor" + dīg "kwali/dandang") ya iku hidangan istimewa kanggo masakan Iran kang bahané saka intip dijupuk saka dhasaré kwali kang sinebut (chelow).[4] Ing tradhisi Iran, panganan iki disajèkaké kanggo tetamu. Bahan-bahan sing lumrah ditambah ing tahdig ya iku yogurt, kunir, roti, kenthang, lan tomat.

Bédané tahdig karo intip liyané ya iku ndèlèhaké irisan jejanganan nipis ing ngisoré panci, dadi jejangan kuwi dadi garing lan renyah, dudu segané thok. Iran uga migunakaké cara iki kanggo masakan kaya spaghetti, bagèan ngisoré kudu isa atos renyah.[5]

Masak sega Iraq padha karo cara masaké chelow saka Parsi,[6] prosèsé nganggo tahapan, tujuané ya iku kanggo ngasilaké upa sega sing lembut lan empuk.[6] Salah sawijining masakan Iraq sing populèr ya iku hikakeh, intip ngisor sing garing.[6] Masakan iki béda karo tahdig Parsi, kang kandel; nanging hikakeh uga isèn sega sing lembut.[6] Sadurungé disajèkaké, hikakeh dipecahaké dadi pérangan-pérangan supaya saben uwong diwènèhi barengan karo sega.[6]

Deleng uga

[besut | besut sumber]

Rujukan

[besut | besut sumber]
  1. ↑ Suara Merdeka Cetak: Kreativitas Perempuan Bertahan Hidup[pranala mati permanèn] (diaksès 23 Juni 2011)
  2. ↑ a b c d e f An Illustrated Guide to Korean Culture - 233 traditional key words. Seoul: Hakgojae Publishing Co. 2002. kc. 92. ISBN 89-8546-98-1. {{cite book}}: Check |isbn= value: length (pitulung)
  3. ↑ Icheon Ssalbab[pranala mati permanèn], foodinkorea. Diundhuh tanggal 8 Juni 2010.
  4. ↑ Louie, Elaine (9 Januari 2008). "From an Iranian Cook, the Taste of Memory". The New York Times. Dibukak ing 2008-12-28.
  5. ↑ "Turmeric and Saffron: Upside-Down Persian Macaroni". Persian Cuisine.
  6. ↑ a b c d e Marks, Gil (2010). Encyclopedia of Jewish Food. John Wiley & Sons. kc. 585. ISBN 978-0-470-39130-3.


Dijupuk saka "https://jv.wikipedia.org/w/index.php?title=ꦲꦶꦤ꧀ꦠꦶꦥ꧀&oldid=1695012"