Gamasot

Saka Wikipédia Jawa, bauwarna bébas abasa Jawa
Gamasot ing dhuwur tungku tradhisional

Gamasot (가마솟) ya iku jinis panci masak kang bentuké kaya pot.[1] Gamasot digawé saka wesi.[1] Panci iki digunakaké karo masarakat Korea.[1] Gamasot uga diarani gama.[1] Gamasot nduwéni ukuran kang gedhé lan jero. Gamasot biyasané minangka masak panganan kang cacahé akèh kanggo kabèh anggota kulawarga.[1] Panci iki nduwéni wujud kang bunder lan ana papat cekelan ing saubengé.[1] Cekelan iki gunané kanggo nggampangaké nalika diangkat.[1] Ing omah tradhisional Korea, geni kang digunakaké ya iku prapén kanthi modhél konvensional.[1] Gamasot digawé mirunggan supaya pas karo tungku iki.[1] Gamasot bisa nyaluraké panas.[1] Panas kang disaluraké ora langsung rikat ananging sithik mbaka sithik ananging bisa njaga panganan supaya tetep anget lan banyu kang dimasak luwih awét anget.[1] Gamasot uga diarani pot kang kanggo masak.[1] Pot kang kanggo masak iki digunakaké ing jaman purba ya iku luwih dhisik saka jaman Tiga Kerajaan Korea (57 SM – 668M).[1] Artefak gamasot tinemu ing kuburan-kuburan kuna lan digambar ing lukisan-lukisan kang ana ing tembok kuburan iku.[1] Gamasot biyasané ditumpangké ing sandhuwuré tungku gedhé kang dimasak nganggo geni ing ngisoré.[2] Gamasot kalebu piranti masak tradhisional ing Korea.[2] Gamasot uga kalebu piranti masak kang tuwa umuré.[2] Ananging saiki nagara Korea wis bisa nggawé piranti masak kanthi bahan aluminium kaya ta teflon, wajan, cithakan bolu kang bentuké werna-werna.[2] Gamasot digawé saka cor saéngga abot nalika diangkat.[2] Cor iki bisa nyaluraké panas saka pawon utawa tungku kang uga digawé saka cor.[2] Cor iku bahan kang digawé saka semèn lan campuran liyané.[2] Saiki gamasot minangka jeneng restoran-restoran èlit ing Korea.[2]

Rujukan[besut | besut sumber]

Cathetan suku[besut | besut sumber]

  1. ^ a b c d e f g h i j k l m n [An Illustrated Guide to Korean Culture. 2002. Seoul:Hakgojae Publishing Co.isbn= 89-8546-98-1. halaman=192]
  2. ^ a b c d e f g h washingtonpost.com(dipunundhuh tanggal 1 Juli 2011)