Sekul wiwit
| Jeneng liyané | Sega wiwit |
|---|---|
| Panggonan asal | Indonésia |
| Tlatah utawa praja | Daérah Istiméwa Ngayogyakarta |
| Hawa ajangan | Anget |
| Woworan pokok | Sekul, ayam |
 Buku masakan: Sekul wiwit  Médhia: Sekul wiwit | |
Sekul wiwit utawi sega wiwit inggih punika dhaharan ingkang dipun anggé ing upacara Wiwitan, mliginipun wonten ing tlatah Ngayogyakarta. Tradhisi Wiwitan dipun wontenaken kagem raos wujud sukur dhumateng Dèwi Sri. Sekul wiwit dumados saking tembung sekul kaliyan wiwit ingkang ngewrat teges miwiti pangaritan pantun ingkang kaping sepindhah sadèrèngipun panèn pantun.[1][2]
Wedharan
[besut | besut sumber]Tradhisi Wiwitan punika dipun wiwiti sadèrèngipun panèn pantun. Ancas dipun wontenaken upacara punika kagem raos wujud sukur dhumateng Dèwi Sri ingkang sampun njagi tanahipun tetep subur kaliyan njagi pantunipun saking ama, tuwin nyuwun pangajab amrih kathah asil panènipun.[3][4]
Ubarampé ing sekul wiwit dumados saking sekul gurih, ayam panggang, urap, ulam asin, tigan godhog, kaliyan sambel gepèng. Ayamipun namung dipun olahi kaliyan bumbu sawontenipun, kados ta tumbar, sarem, kaliyan bawang pethak. Anggènipun mbakar inggih kedah ngantos gadhah raos pega lan rupanipun sakedhik gosong.[3] Bahan pokok sambel gepèng inggih punika saking kacang lotho, sarem, gendhis abrit, bawang pethak, kencur, kaliyan ron jeruk ingkang sedaya bahanipun dipun uleg dados sambel.[1]
Upacara Wiwitan
[besut | besut sumber]Tata upacara Wiwitan dipun wiwiti kaliyan acara donga ing tengah sabin, lajeng ngarit setunggal pantun ingkang surasanipun minangka pratandha sabinipun saged dipun panèn. Salajengipun, para warga ingkang celak sabin dipun paringi sekul wiwit, ugi nedhi sesarengan ing tengah sabin.[1]
Rujukan
[besut | besut sumber]- ↑ a b c Achroni, Dawud (2017). Belajar dari makanan tradisional Jawa (PDF). Jakarta: Badan Pengembangan dan Pembinaan Bahasa. kc. 43–46. ISBN 978-602-437-228-6. OCLC 1023815030.
- ↑ Nurlina, Wiwin Erni Siti (Oktober 2020). "The Names of Cooked Rice in Javanese: Ethnolinguistic Semantic Study". Atlantis Press: 776. doi:10.2991/assehr.k.201017.170. ISBN 978-94-6239-253-3.
{{cite journal}}: Cite journal requires|journal=(pitulung) - ↑ a b "Sego Wiwit". Dinas Pariwisata Daerah Istimewa Yogyakarta. 12 Oktober 2022. Diarsip saka sing asli ing 2023-02-13. Dibukak ing 13 Fèbruari 2023.
- ↑ Hidayat, Wihdan (19 Mèi 2021). "Tradisi Syukuran Wiwitan Sebelum Panen Padi Desa Srandakan". Republika Online. Dibukak ing 13 Fèbruari 2023.