Sega Ulam

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Nasi Ulam garing, disajékaké karo srundhèng, empal, teri, kering, lan sambel

Sega ulam ya iku sega campur khas Betawi kang digawé saka sega putih dicampur srundhèng lan bumbu rempah manéka warna. Masakan iki wiwitané didol déning wong-wong peranakan Indonésia-Tionghoa.[1][2] Ing jaman biyen, bakul nasi ulam dodolan nganggo grobag saka Tangerang tekan Glodok.[2] Sejatiné, nasi ulam iku meh padha karo nasi uduk. Kekaroné mujudaké sega gurih. Bedhané ya iku nasi uduk dimasak nganggo santen, déné nasi ulam dicampur karo srundhèng. Nasi ulam padatan disuguhaké mawa rong cara ya iku garing lan nyemek. Nasi ulam nyemek iku nganggo duduh semur. Lawuh kang kudu ana ing nasi ulam teles ya iku mihun gorèng, irisan endhog dadar, srundhèng, remekan kacang brol, diwènehi duduh semur tahu lan kenthang. Saliyanè iku, nasi ulam nyemek diwènèhi kemangi lan krupuk. Nasi ulam liyané ya iku nasi ulam garing. Bedha saka nasi ulam nyemek, nasi ulam garing ora nganggo duduh semur.

Cathetan sikil[sunting | besut sumber]


Sumber artikel punika saking kaca situs web: "https://jv.wikipedia.org/w/index.php?title=Sega_Ulam&oldid=992521"