Semur
 Semur daging lan kenthang | |
| Ajangan | Lawuh |
|---|---|
| Panggonan asal | Indonésia |
| Hawa ajangan | Panas |
| Woworan pokok | daging, kenthang, Bumbu, Endhog, Tahu, Témpé |
| Variasi | Semur daging, semur jèngkol, semur endhog tahu témpé |
 Buku masakan: Semur  Médhia: Semur | |
Semur ya kuwi panganan saka Indonesia kang digawé saka adhedahsar iwak utawa lawuh liya lan duweni duduh awarna soklat. Panganan racaké iki dipangan nalika ana adicara kulawarga gedhen kaya ta riyaya. Ananging uga ana warung pangan sing nyepakaké jangan semur. Manèka lawuh bisa didadèkaké semur kaya ta iwak pithik, iwak sapi, endhog godhog, endhog ceplok, tempè, tahu lan uga jèngkol. Piranti iki bisa dipilih salah siji utawa bisa uga dicampur 2 utawa luwih (kajaba jèngkol amarga mambuné bisa nyebar)
Cara nggawé
[besut | besut sumber]Piranti sing dicepakaké
[besut | besut sumber]- Iwak pitik 500 gram
- Bahan tambahan liya kaya endhog godhog, tahu, tempé utawa bisa uga ora nganggo.
- Godhong salam 4 lembar
- Laos 1 cm
- Kunir ½ cm
- Jaé 1 cm
- Cengkèh 7 wiji
- Pala bubuk ¼ sendhok tèh
- Banyu 1 liter
- Kècap 7 sendhok pangan bisa uga ditambah
- Brambang goréng
Bumbu alus
[besut | besut sumber]- Brambang 10 wiji
- Bawang 7 wiji
- Tumbar 2 sendhok tèh
- Mrica 2 sendhok tèh
- Miri 6 wiji
- Bubuk kaldu pitik 1 sendhok tèh
- Uyah 1 ½ sendhok tèh
- Gula pasir ½ sendhok tèh
- Lenga goréng 3 sendhok pangan
Cara ngolah
[besut | besut sumber]- Kumbah iwak pitik lan iris dadi 6 bageyan
- Uleg kabèh bumbu alus ing lèmpèr nganti alus.
- Panasaké wajan lan osèng bumbu alus nganti ambuné arum.
- Aworaké laos, jaé, kunir, cengkèh, salam lan pala.
- Suntak banyu putih lan entèni nganti umub.
- Cemplungaké iwak pitik, endhog godhog, tahu lan tempé.
- Tambahné kecap lan entèni nganti ngresep ing lawuh.
- Menawa duduhé wes angslup banjur dientas.
- Wènèhaké ing mangkok gedhe banjur dikepyuri brambang gorèng.
- Semur wis bisa dipangan.