Gulé tambusu

Gulé tambusu

Gulé tambusu ing piring
Jeneng liyané	Tambunsu
Ajangan	Lawuh
Panggonan asal	Indonésia
Tlatah utawa praja	Sumatra Kulon
Hawa ajangan	Anget
Woworan pokok	Usus, santen, bumbu
Buku masakan: Gulé tambusu  Médhia: Gulé tambusu

Gulé tambusu ya iku salah sawijining olah-olahan khas saka Sumatra Kulon kang arupa gulé usus sapi sing diisi isén-isén. Gulé iki disajékaké karo santen kenthel lan rasané pedhes. Isén saka usus iki arupa tahu kang wis remet-remet banjur dicampur endhog lan bumbu liyané.

Cara nggawé

Irisan gulé iki

Piranti

• 1 kg usus sapi
• 1 liter santen kenthel

Bahan isèn usus:

• 1 kg tahu sing wis diremet
• 5 endhog pitik
• 5 endhog bèbèk
• 2 bawang
• 2 brambang
• 1 miri giling
• 1 sendhok lombok abang giling
• Uyah

Bumbu Gulé:

• 10 lombok abang
• 6 brambang
• 6 bawang
• 4 miri
• 3 lembar godhong salam
• 2 sendhok banyu asem jawa
• 3 lembar godhong jeruk nipis
• 1 laos
• 1 jaé
• 1 kunir
• 1 lembar godhong kunir
• 1 sendhok mrica
• Uyah sacukupé
• Gula sacukupé

Cara ngolah:

1. Campur isén-isén banjur isi usus sapi karo isén-isén.
2. Usus kang wis diisi banjur di dang ing dandang.
3. Racik bumbu gulé banjur digangsa ing manci.
4. Tambahi santen lan ditunggu nganti umub.
5. Cemplungaké usus lan ditunggu nganti ngresep bumbuné.
6. Menawa wis mateng banjur disajékaké.

Pranala njaba

Vidéo masak gulé tambusu

Resèp masak gulé tambusu Archived 2022-11-29 at the Wayback Machine.