Seblak

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Seblak Bandung
Gambar:Berkas:Seblak 1.jpg
Seblak boga bahari Bandung
Panggonan asalIndonesia
Tlatah utawa prajaMasakan Sunda Jawa Barat (daerah Pasundan) ada pula yang menyebutkan dari Sumpiuh, Jawa Tengah
Woworan pokokKerupuk, cabai, kencur, bawang merah, bawang putih, gula, garam
Buku masakan: Seblak Bandung  Médhia: Seblak Bandung

Seblak inggih punika satunggaling dhaharan Indonesia ingkang khas saking Sunda, Jawa Kulon. Dhaharan punika padatanipun gadhah cita rasa ingkang gurih lan pedhes. Seblak punika kadamel saking krupuk teles ingkang dipunmasak kaliyan sayuran lan minangka sumber protéin kados déné tigan, ayam, boga bahari utawi olahan daging sapi lan dipunmasak kanthi bumbu tartamtu.[1] Seblak punika dhaharan khas saking Bandung, Jawa Kulon. Seblak ing samenika dados dhaharan jajanan ingkang dipunremeni déning sedaya kalangan wonten ing masyarakat, mliginipun ing wewengkon Jawa Kulon lan Jabodetabek. Seblak punika dipuncawisaken wonten ing griya dhahar lan warung, sarta dipunsadé mawi grobak ingkang mubeng anggènipun nyadé. Dhaharan seblak punika gadhah tèkstur ingkang kenyal, mawi rasa ingkang pedhes ugi seger saha wonten manéka variasi saking rasa ugi bahan tambahan menapa malih kemasanipun.

Bahan-bahan[besut | besut sumber]

Bahan dhasar ingkang dipun-ginakaken kanggé damel seblak inggih punika krupuk urang ingkang dipunsiram kaliyan toya panas lan dipunparingi tambahan bumbu sarta sayuran. Seblak punika kadamel saking krupuk ingkang dipun-godhog lan dipuntambahi bumbu kados déné bawang, brambang, sarem, kencur, lombok riwit, kunir, lan penyedap rasa.

Mula Buka[besut | besut sumber]

Wonten sapérangan sumber ingkang nyebataken bilih seblak punika asalipun saking wewengkon Sumpiuh, Jawa Tengah. Pérangan punika amargi seblak punika mèmper kaliyan dhaharan rakyat alit saking Sumpiuh inggih punika krupuk godhog ingkang sampun kawentar wiwit saking taun 1940an, wondéné seblak punika nembé kondhang wonten ing taun 2000an. Seblak punika ugi sampun wonten ing wewengkon Cianjur sisih kidul wiwit saking jaman sadèrèngipun kamardhikan, dhahar punika kalebet dhaharan alternatif tumrap masyarakat ingkang kaanan ékonominipun punika wonten ngandhap minangka gantosipun jajanan.

Jinising seblak[besut | besut sumber]

  • Seblak garing (sinaosa jinis punika boten asring kapanggihaken), inggih punika krupuk pedhes mèmper kaliyan basreng
  • Seblak teles: seblak makaroni, seblak cèkèr pitik,[2] seblak mie teles, seblak balung, seblak baso , seblak basreng ( baso goreng ) , seblak batagor , seblak aci , seblak kwetiaw , seblak siomay , seblak snack, seblak kikil, seblak siomay, lan sapanunggalipun.

Pirsani ugi[besut | besut sumber]

Rujukan[besut | besut sumber]

  1. Karina Armadani (19 December 2014). "Kuliner Tradisional: Menikmati Pedasnya Seblak Khas Bandung". CNN Indonesia. 
  2. "Seblak ceker". Cookpad (ing basa Indonesian). 

Cithakan:Resep


Cithakan:Minuman-stub