Kanji Rumbi

Saka Wikipédia Jawa, bauwarna mardika basa Jawa
Jump to navigation Jump to search

Kanji Rumbi inggih punika salah satunggaling jinis bubur ingkang gadhah cita rasa ingkang unis wonten ing provinsi Acèh. Dhaharan punika mèmper kaliyan bubur ayam ingkang dipunsadé wonten ing wewengkon sanès ing Indonesia. Kanji rumbi punika dipunmasak kaliyan bahan ingkang utama beras lan ugi bumbon crakèn minangka bahan kanggé njangkepi raosipun. Limrahipun kanji rumbi ugi dipuncampur kaliyan urang lan ugi tugelan daging. Kanggé tambahan sanèsipun ingkang ugi wigati tumrap dhaharan punika inggih sayuran ingkang wujud wortel lan kenthang ingkang dipuntugel kados dadu lajeng dipunmasak sareng kaliyan godhogan beras nalika masak.

Kanji rumbi punika kalebet gampil sanget dipunpanggihaken wonten ing padésan wonten ing Aceh nalika wulan Ramelan. Mliginipun wonten ing wewengkon Kabupaten Pidie, kanji rumbi punika dipuncawisaken kanthi gratis wonten ing masjid lan meunasah minangka dhaharan nalika buka pasa sareng-sareng. Wonten ing sapérangan kutha kabupatèn Acèh, anggènipun mbagi kanji rumbi punika dipunfasilitasi déning pamarentah ing mriku lajeng anggènipun mbagi dipunlampahi wonten ing masjid agung. Padatanipun tumrap tiyang ingkang tembé siyam/ pasa, dhahar kanji rumbi punika dipunpitadosi saged njagi pencernaan saksampunipun siam setunggal dinten.


Cithakan:Makanan-indonesia-stub