Sambai Asam Udeung
Sambai Asam Udeung inggih punika salah satunggaling dhaharan ingkang khas saking wewengkon Aceh ingkang kadamel saking urang ingkang dipun-godhog lajeng dipunrajang alit. Lajeng dipuntambah kaliyan bumbu-bumbu ingkang gadhah cita rasa asem lan ugi pedhes. Wonten ing salah satunggaling griya dhahar Aceh wonten ing Jakarta, asem udeung punika kondhang kanthi sebatan sambal ganja. Pérangan punika sanès amargi dhaharan punika gadhah kandhutan ganja, nanging amargi sambel punika damel tiyang punika gadhah raos kepèngin dhahar malih.
Asam udeung punika, kejawi minangka lauk/lawuh ingkang dipundhahar kaliyan sekul ingkang anget, dhaharan punika ugi cocog dipun-ginakaken kanggé lauk sareng kaliyan Sie Reuboh (daging godhog) olahan khas saking wewengkon Acèh sanèsipun. Pilihan dagingipun ing antawisipun inggih punika daging ménda utawi sapi ingkang dipun-godhog kanthi ngginakaken cuka, saklajengipun dipun-garingaken lan dipun-gorèng dumugi garing. Masakan punika saged dipunmèmperaken kadosdéné dendeng, nanging ingkang bagiyan njero daging punika tasih lembab.