Pinyaram

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pinyaram
250px
Pinyaram beras putih gula aren
Jeneng liyanéPanyaram
Panggonan asalIndonesia
Tlatah utawa prajaSumatera Barat, Kerinci (Jambi)
DigawéSuku Minangkabau
Hawa ajanganPenganan atau kue
Woworan pokokTepung beras, gula, santan
VariasiPinyaram hitam, pinyaram putih
Buku masakan: Pinyaram  Médhia: Pinyaram

Pinyaram inggih punika salah satunggaling dhaharan khas ingkang asalipun saking Sumatra Kulon. Dhaharan punika padatanipun dipuncawisaken nalika dinten riyaya lan adicara tartamtu. wonten ugi ingkang dipunsade minangka oleh-oleh ingkang khas saking Minangkabau.

Andharan[besut | besut sumber]

Pinyaram punika limrahipun punika kadamel saking campuran gula pasir utawi gula aren, glepung beras putih utawi beras ireng, lan ugi santen klapa. Cara anggenipun damel punika kanthi cara dipungoreng kanthi ngginakaken kuali ingkang ugi dados medhia cithakipun. Dhaharan punika limrahipun dipunsajekaken kanthi awujud jajanan utawi kue. Padatanipun pinyaram punika dipundamel kanggé dinten riyaya lan adicara tartamtu kados déné Indul Fitri lan pawiwahan mantenan. Kanggé adicara pawiwahan mantenan, padatanipun dipundamel kanthi ukuran ingkang agengipun kados ukuran piring, lajeng dipuntugel-tugel. wonten ugi ingkang dipunsade minangka oleh-oleh.[1]

Varian[besut | besut sumber]

Pinyaram punika kaperang dados kalih varian, inggih punika pinyaram putih ingkang kadamel saking beras putih lan pinyaram ireng ingkang kadamel saking beras ireng. Ngengingi rasa, pinyaram punika ugi saged dipundamel kanthi ngginakaken manéka werna rasa kadosdene rasa gedhang, duren lan sanesipun.

Referensi[besut | besut sumber]

Pranala njawi[besut | besut sumber]