Roti Jala
Roti jala inggih punika salah satunggaling dhaharan ingkang asalipun saking Melayu Sumatera Kidul. Limrahipun dhaharan punika dipuncawisaken sareng kaliyan duduh kari Melayu.
Wonten ing Deli dhaharan punika kondhang dipuncawisaken kaliyan kari wedhus lan ugi acar nanas. Miturut budayawan M Muhar Omtatok, roti jala punika kalebet dhaharan Melayu ingkang saged kémawon kenging adaptasi saking unsur India. Roti jala punika ugi kapanggihaken wonten ing Kepuloan Riau kanthi sebatan sanès inggih punika roti kirai.
Asal-usul Roti Jala ora bisa dipisahaké saka pengaruh jaman kolonial lan budaya Melayu. Sanajan ana sawetara teori babagan sejarahé, ana sing nyebutaké yen roti jala wiwit muncul nalika jaman kolonial, nalika teknik nggawe adonan tipis bisa waé kena pengaruh saka panganan Éropa. Saliyané kuwi, wujude sing kaya jaring iki uga nuduhaké inspirasi saka seni tekstil tradisional.[1]
Roti Jala nduwèni peran wigati ing upacara lan adicara tradisional Melayu. Nalika perayaan Hari Raya, umpamané, Roti Jala dadi salah siji panganan sing kanggo disuguhaké marang para tamu. Panganan iki uga kerep ditemokaké ing adicara mantèn lan kenduri, minangka tandha kemeriahan lan kekompakan bebarengan. Anané sing tansah mèlu ing saben perayaan nuduhaké sepira wigatiné ajining budaya sing digawa déning Roti Jala.[2]
Panyajian roti jala uga ngalami akèh pangembangan. Ana macem-macem varian rasa kanggo nikmati roti jala, wiwit saka legi, gurih, nganti pedhes. Saiki gampang nemokaké campuran roti jala, yaiku karo srikaya, gedhang, coklat, nganti duren. Ing Medan dhéwé, roti jala sejatiné wis dadi panganan khas ing dina-dina gedhé kaya wulan Ramadhan lan Idulfitri. Roti jala kerep dadi takjil kanggo buka puasa utawa cemilan nalika Idulfitri. Mula saka kuwi, angel nemokaké roti jala ing dina-dina biasa kaya saiki. Roti jala saiki uga bisa ditemokaké ing acara-acara wigati kaya mantèn, khitanan, syukuran, lan liya-liyané.[3]
Roti Jala minangka bagean saka warisan kuliner Melayu, wigati sanget kudu nglestarekaké supaya ora ilang amarga perkembangan jaman. Upaya kanggo mulang marang generasi enom babagan cara nggawe lan ngurmati panganan iku perlu. Saliyané kuwi, kanthi nambahaké Roti Jala ing menu restoran modhèren lan festival kuliner, panganan iki bakal tetep relevan lan dikenal ing kalangan generasi.[4]
Galeri
[besut | besut sumber]
Kuah roti jala
Roti jala di Malaysia
- ↑ Desai, Karan (2024-05-06). "Roti Jala:2 Inspirasi delicious Kuliner untuk Cita Rasa Unik" (ing basa Inggris Amérika Sarékat). Dibukak ing 2025-11-20.
- ↑ Desai, Karan (2024-05-06). "Roti Jala:2 Inspirasi delicious Kuliner untuk Cita Rasa Unik" (ing basa Inggris Amérika Sarékat). Dibukak ing 2025-11-20.
- ↑ imaroh, Iffa (2020-12-30). "Pesonané Roti Jala, Panganan Unik Khas Melayu". Mediapijar.com. Dibukak ing 2025-11-20.
- ↑ Desai, Karan (2024-05-06). "Roti Jala:2 Inspirasi delicious Kuliner untuk Cita Rasa Unik" (ing basa Inggris Amérika Sarékat). Dibukak ing 2025-11-20.