Karupuak Sanjai
Karupuak Sanjai inggih punika satunggaling jinis jajanan krupuk. Dhaharan punika asalipun saking tela ingkang dipunparut tipis lajeng dipungoreng. Minangka penyedapipun punika dipunginakaken sarem. Krupuk punika kawentar sanget minangka dhaharan oleh-oleh ingkang khas saking kutha Bukittinggi, Sumatra Kulon. Krupuk sanjai punika kaperang dados tigang rasa inggih punika:
- Karupuak Sanjai Tawar inggih punika krupuk sanja ingkang boten ngginakaken lombok utawi gula abang nanging namung ngginakaken uyah.
- Karupuak Sanjai Saka inggih punika krupuk sanjai ingkang dipunparingi olesan saking gula abang.
- Karupuak Balado inggih punika krupuk sanjai ingkang dipunparingi bumbu balado.