Ki Hadjar Dewantara

Saka Wikipédia Jawa, bauwarna bébas abasa Jawa
(Dilih saka Ki Hajar Dewantara)
Ki Hajar Dewantara
Ki hajar dewantara2.jpg
Ki Hajar Dewantara
Mentri Pendhidhikan Nasional Républik Indonésia 1
Lungguh
2 September 1945 – 14 November 1945
Présidhèn Soekarno
Kadhisiki Ora ana, jabatan anyar
Kagantèni Todung Sutan Gunung Mulia
Rerincèn priangga
Lair (1889-05-02)2 Mèi 1889
Nèderlan Yogyakarta, mangsa Hindia Walanda
Pati 26 April 1959(1959-04-26) (umur 69)
Indonésia Yogyakarta, Indonésia
Agama Islam

Ki Hadjar Dewantara lair ing Yogyakarta, 2 Mèi 1889 – pati ing Yogyakarta, 26 April 1959 ing yuswa 69 taun[1]; iku pelopor pendhidhikan kanggo kaum pribumi Indonésia ing zaman panjajahan Walanda.

Lair kanthi jeneng Raden Mas Suwardi Suryaningrat, Ki Hajar Dewantara ngadegaké perguruan Taman Siswa sing mènèhi kasempatan marang para pribumi supaya bisa olèh pendhidhikan kayadéné para priyayi utawa wong-wong Walanda.

Tulisan Ki Hajar Dewantara sing misuwur ya iku "Yèn Aku Wong Landa" (irah-irahan asli: Als ik eens Nederlander was), dipacak ing surat kabar de Expres duwèké Dr. Douwes Dekker, taun 1913. Artikel iki ditulis jroning kontèks rencana pamaréntah Walanda ngumpulaké sumbangan saka Hindia Walanda (Indonésia), sing wektu iku isih durung mardika, kanggo prayaan kamardikan Walanda saka Prancis.

Ki Hajar Dewantara séda tangggal 26 April 1959 lan disarèkaké ing Wijayabrata, désa Mlati, Sleman, Yogyakarta. Tanggal lairé, 2 Mei, sabanjuré didadèkaké Dina Pendhidhikan Nasional ing Indonésia. Ki Hajar Dewantara dikenal minangka Bapak Pendhidhikan Indonésia lan pasuryané bisa dideleng ing dhuwit kertas pecahan Rp 20.000 taun emisi 1998.[2]

Delengen uga[besut | besut sumber]

Réferènsi[besut | besut sumber]

  1. ^ Iki arupa vèrsi Perguruan Tamansiswa lan Kapustakaan Présidhèn Perpustakaan Nasional Républik Indonésia, tokohindonesia.com nyebutaké 28 April 1959 minangka tanggal tilar donya.
  2. ^ Dhuwit Kertas Bank Indonésia Pecahan: Rp. 20.000,-, Bank Indonésia, diaksès tanggal 26 April 2011.

Pranala njaba[besut | besut sumber]


Didhisiki déning:
ora ana
Menteri Pengajaran
1945
Diganti déning:
Todung Sutan Gunung Mulia