Hasan Basry

Saka Wikipédia Jawa, bauwarna mardika basa Jawa

Brigjen Hasan Basry (lair ing Kandangan, Hulu Sungai Selatan, 17 Juni 1923 – kapundhut ing Jakarta, 15 Juli 1984 nalika umur 61 taun) iku tokoh militèr Indonésia. Hasan Basry disarekake ing Simpang Tiga, Liang Anggang, Kota Banjarbaru, Kalimantan Kidul. Hasan Basry dianugerahi gelar Pahlawan nasional Indonésia dhedhasar Surat Dudutan Présidhèn No. 110/TK/2001 tanggal 3 November 2001. Hasan Basry sekolah SD ing Walanda (Hollands Inlandsche School /HIS), banjur nerusaké sekolah kang ngemot ajaran Islam, wiwitane ing Tsanawiyah al-Wathaniah ing Kandangan, banjur ing Kweekschool Islam Pondok Modern ing Ponorogo, Jawa Wétan. Sabubare Proklamasi kamardhikan, Hasan Basry aktif ing organisasi nom-noman Kalimantan kang pusate ana ing Surabaya. nalika tanggal 30 Oktober 1945, Hasan Basry bisa bali menyang Kalimantan Kidul kanthi nunut kapal Bintang Tulen, kang budhal saka pelabuhan Kalimas Surabaya. Nalika tekan Banjarmasin, Hasan Basry nemoni H. Abdurrahman Sidik ing Pekapuran, kanggo ngirim poster kang ngemot berita kamardikan Indonésia. Saliyané iku uga liwat AA. Hamidhan, uga dikirim poster menyang Amuntai dengan liwat Ahmad Kaderi, naging kang menyang Kandangan dikirim liwat H. Ismail.