Sutoyo Siswomiharjo

Saka Wikipédia Jawa, bauwarna mardika basa Jawa
Jump to navigation Jump to search
Sutoyo Siswomiharjo
Sutoyo Siswomiharjo.jpg
Pahlawan Revolusi
Rerincèn dhiri
Lair (1922-08-28)Agustus 28, 1922
Indonésia Kebumen, Jawa Tengah,Indonésia
Pati Oktober 1, 1965(1965-10-01) (umur 43)
Indonésia Jakarta,Indonésia
Agama Islam

Sutoyo Siswomiharjo (28 Agustus 1922-1 Oktober 1965) iku jendral Angkatan Dharat Indonésia kang diculik lan diprejaya sajeroning pacoban kudéta déning Gerakan 30 September.

Early life[besut | besut sumber]

Sutoyo lair ing Kebumen, Jawa Tengah, ngrampungaké sekolah nalika jaman serbuan Jepang taun 1942, lan ing sajeroning mangsa pendhudhukan Jepang, Sutoyo sinau admininstrasi pamaréntahan ing Jakarta[1].

Karir militèr[besut | besut sumber]

Sawisé Proklamasi kamardikan Indonésia taun 1945, Sutoyo mlebu dadi anggota Tentara Keamanan Rakyat (TKR) sèksi Pulisi. Sèksi iki sabanjuré dadi Pulisi Militer Indonésia. Ing sasi Juie 1946, Sutoyo diangkat dadi ajudané Kolonel Gatot Subroto, komandan Pulisi Militer. Ing taun 1954 dadi Kepala Staf ing Markas Pulisi Militer lan mengku kalungguhan iki nganti rong taun sabanjuré dadi Asisten Atase Pertahanan ing London. Sawisé Sekolah Staf lan Komando ing Bandung taun 1959-1960, Sutoyo diangkat dadi pejabat Oditur Milter Angkatan Dharat, lan saka pengalamané ing babagan hukum iku ing taun 1961 Sutoyo diangkat dadi Oditur Militer/Kepala Jeksa Militer[1][2][3]

Séda[besut | besut sumber]

Ing wayah subuh tanggal 1 Oktober 1965, anggota Gerakan 30 September kang dibawahi Sersan Mayor Surono mlebu omahé Sutoyo ing Jalan Sumenep, Menteng, Jakarta Pusat liwat garasi ing sisih omah. Wong-wong mau meksa njaluk kunci, mlebu omah lan kandha yèn Sutoyo ditimbali déning Présidhèn Sukarno. Sutoyo banjur digawa menyang markas obahan ing Lubang Buaya[4][5]. Ing panggonan iki Sutoyo diprejaya lan jasadé dibuwang menyang sumur tuwa. Jasadé kasil diketemokaké tanggal 4 Oktober lan sabanjuré disarèkaké kanthi pakurmatan ing Taman Makam Pahlawan Kalibata, diunggahaké pangkat dadi Mayor Jendral lan dianugerahi gelar Pahlawan Revolusi[6].

Rujukan[besut | besut sumber]

  • Anderson, Benedict R O'G & McVey, Ruth (1971), A Preliminary Analysis of the October 1, 1965 Coup in Indonésia, Modern Indonésian project Southeast Asian Program, Cornell University, Ithaca, NY
  • Bachtiar, Harsja W. (1988), Siapa Dia?: Perwira Tinggi Tentara Nasional Indonésia Angkatan Darat (Who is S/He?: Senior Officers of the Indonésian Army), Penerbit Djambatan, Jakarta, ISBN 979-428-100-X
  • Mutiara Sumber Widya (publisher)(1999) Album Pahlawan Bangsa (Album of National Heroes), Jakarta
  • Sekretariat Nagara Républik Indonésia (1975) 30 Tahun Indonésia Merdeka: Jilid 3 (1965-1973) (30 Years of Indonésian Independence: Volume 3 (1965-1973)
  • Secretariat Nagara Républik Indonésia (1994) Gerakan 30 September Pemberontakan Parté Kuminis Indonésia: Latar Belakang, Aksi dan Penumpasannya (The 30 September Movement/Communist Party of Indonésia: Bankground, Actions and its Annihilation) ISBN 979-08300-025
  • Sudarmanto, Y.B. (1996) Jejak-Jejak Pahlawan dari Sultan Agung hingga Syekh Yusuf (The Footsteps of Heroes from Sultan Agung to Syekh Yusuf), Penerbit Grasindo, Jakarta ISBN 979-553-111-5

Cathetan[besut | besut sumber]

  1. ^ a b Sudarmanto (1996)
  2. ^ Masalah sitiran: Tenger <ref> ora trep; ora ana tèks tumrap refs kanthi jeneng MUTIARA
  3. ^ Bachtiar (1988)
  4. ^ Sekretariat Nagara Républik Indonésia (1994)
  5. ^ Anderson & McVey (1971)
  6. ^ Sekretariat Nagara Républik Indonésia (1975)