Tirto Adhi Soerjo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
R. M.
Tirto Adhi Soerjo
Tirto-Adhi-Soerjo.jpg
LairRaden Mas Djokomono
c. 1880
Blora, Indhiya-Néderlan
Pati7 Dhésèmber 1918 (yuswa 37–38)
Batavia, Indhiya-Néderlan
PakaryanJuru warta
Taun aktif1894–1912
BojoRaden Siti Suhaerah
Siti Habibah
Fatimah

Raden Mas Djokomono Tirto Adhi Soerjo (Blora, 18801918) ya iku sawijining bleger kang kondhang ing babagan pèrs lan minangka salah sawijining bleger ing kebangkitan nasional Indonésia. Dhèwèké uga dadi plopor persuratkabaran lan kewartawanan nasional Indonésia. Jenengé asring dicekak dadi T.A.S..[1]

Tirto asring wènèh panyaruwé bab pamaréntahan kolonialé Néderlan ing Indonésia. Sawisé dhèwèké namataké sekolah dhasaré, dhèwèké lunga menyang Batavia saperlu sekolah ana ing Hogere Burger School (HBS), banjur dhèwèké nerusaké sinau ana ing sekolah dhokter bumiputra, ya iku School tot Opleiding van Inlandsche Artshen (STOVIA), kang ana ing Batavia. Sanajan sinau ana ing sekolah dhokter, nanging dhèwèké seneng nulis. Dhèwèké wis tau ngirim tulisan-tulisané menyang sawenèh warta, ing antarané Bintang Betawi, Chabar Hindia Olanda, Pewarta Priangan, Bromartani, juga Pembrita Betawi. Ing pungkasan, dhèwèké ora namataké sekolah dhokteré amarga dhèwèké luwih milih kanggo makarya ana ing jagad tulis-tinulis.[1]

Kauripan wiwitan[besut | besut sumber]

Tirto lair saka kulawarga priyayi ing kutha Blora, Jawa Tengah, antarané taun 1872 and 1880.[2] Dhèwèké saka cilik urip karo simbahé. Simbahé duwé hubungan kang ora apik karo pamaréntah Néderlan kang mréntah wektu iku, amarga simbah kakungé Tirto dipeksa kanggo mandheg saka jabatané minangka wali panguwasa déning sawijining wong kanthi dukungané pamaréntah Néderlan.[3] Sanajang mangkono, Tirto bisa sekolah ing sekolah kanggoné bocah Éropa (Europeesche Lagere School) ing Bojonegoro, Rembang, and Madiun. Dhèwèké lulus ing taun 1894; ing taun iku dhèwèké uga wiwit nulis, lan kerja ing sawijining ariwarta abasa Melayu, Hindia Olanda. Ing kono dhèwèké ora nampa gaji, nanging dhèwèké diwènèhi ariwarta gratis yèn ana tulisané kang kasil dibabar ing kono.[2]

Pranala njaba[besut | besut sumber]

Rujukan[besut | besut sumber]

  1. a b "Sejarah Hidup Tirto Adhi Soerjo, Sang Pemula Pers Bumiputra". tirto.id (in Indonesia). Retrieved 2020-06-13.
  2. a b Latif 2005, kk. 164–165.
  3. Adam 1995, k. 115.

Karya kang disitir[besut | besut sumber]