Robert Wolter Mongisidi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Robert Wolter Monginsidi

Robert Wolter Mongisidi (lair ing Malalayang, Manado, Sulawesi Utara, 14 Fèbruari 1925 – pati ing Pacinang, Makassar, Sulawesi Selatan, 5 Sèptèmber 1949 ing umur 24 taun) ya iku pejuang kamardikan Indonésia, sing uga dadi pahlawan nasional Indonésia.

Biografi[besut | besut sumber]

Robert dilairaké ing Malalayang (saiki péranganing Manado) lan anak saka Petrus Monginsidi lan Lina Suawa. Panjenengané wiwiti pandhidikané taun 1931 ing sekolah dhasar (Walanda: Hollands Inlandsche School (HIS)), sing dimeloni sekolah menengah (Walanda: Meer Uitgebreid Lager Onderwijs (MULO)) ing Frater Don Bosco kutha Manado. Mongisidi sabanjuré dididik minangka guru basa jepang ing salah sawijining sekolah ing Tomohon. Bubar sekolahé, panjenengané ngajar Basa Jepang ing Liwutung, ing Minahasa, lan ing Luwuk, Sulawesi Tengah, sadurungé menyang Makassar, Sulawesi Selatan.[1]

Kamardikan Indonésia diproklamasèkaké wektu Mongisidi ing Makassar. Nanging, Walanda ngusahani kanggo ngéntukaké manèh carané njajah wong Indonésia sawisé Perang Donya II. Para penjajah bali nglewati NICA (Netherlands Indies Civil Administration/Administrasi Sipil Hindia Walanda). Monginsidi dadi terlibat perjuangan nglawan NICA ing Makassar.[2] Pada tanggal 17 Juli 1946, Mongisidi kaliyan Ranggong Daeng Romo lan liya-liyané mbéntuk Laskar Pemberontak Rakyat Indonésia Sulawesi (LAPRIS), sing sabanjuré nglecehake lan nyarang ing posisiné Walanda. Panjenengane ditangkap déning Walanda nalika 28 Fèbruari 1947, nanging kasil kabur tanggal 27 Oktober 1947. Walanda nangkep Mongisidi manèh lan wektu iki Walanda mènèhi hukuman mati. Monginsidi dieksekusi déning tim penembak tanggal 5 September 1949.[3] Jasade dipindahake ing Taman Makam Pahlawan Makassar tanggal 10 November 1950.[4]

Pehargyan[besut | besut sumber]

Robert Wolter Mongisidi kanugrahan minangka Pahlawan Nasional déning Pamarintah Indonésia tanggal 6 November, taun 1973. Panjenengané uga éntuk pahargyan paling dhuwur saka Nagara Indonésia, Bintang Mahaputra (Adipradana), nalika 10 November 1973. Bapaké, Petrus, sing yuswane 80 taun ing wektu kui, nrima pahargyan mau.[5] Papan Anggegana Wolter Mongisidi ing Kendari, Sulawesi Tenggara dijenengi minangka pahargyan kanggo Monginsidi, kaya kapal Angkatan Darat Indonésia, KRI Wolter Monginsidi lan Yonif 720/Wolter Monginsidi.

Rujukan[besut | besut sumber]

  1. Komandoko, Gamal (2006). Kisah 124 Pahlawan and Pejuang Nusantara. k. 278. 
  2. Sudarmanto, J.B. (2007). Jejak-jejak Pahlawan. Grasindo. k. 220. 
  3. Komandoko, Gamal (2006). Kisah 124 Pahlawan and Pejuang Nusantara. k. 280. 
  4. Pahlawan Indonésia. Media Pusindo. k. 118. 
  5. "Petrus Terima Bintang". Tempo. 24 November 1973.