Moewardi

Dr. Moewardi (lair ing Pati, Jawa Tengah, 1907 - kapundhut ing Surakarta, Jawa Tengah, 13 Oktober 1948) iku Pahlawan Nasional Indonésia.

Moewardi iku dhokter lulusan Stovia. Bubar lulus, dhèwèké nerusaké sekolah ing 'Spesialisasi Telinga Hidung Tenggorokan (THT). Saliyané iku, dhèwèké dadi ketua Barisan Pelopor taun 1945 ing Surakarta lan mèlu urun ing prastawa proklamasi 17 Agustus 1945. Ing acara mau, dhèwèké uga mèlu mènèhi atur sapala sabubaré Soewirjo, wakil walikota Jakarta wektu iku.

Ing Sala Moewardi ngadegaké sekolah kadhokteran lan wujud obahan rakyat kanggo nentang PKI. Nalika ana kadadéan ing Madiun dhèwèké dadi salah siji kurban kang dikabaraké ilang lan dikira séda déning pambrontak saliyané Gubernur Soeryo.

Saiki asmané Moewardi didadèkaké jeneng Rumah Sakit ing Surakarta. Asmané uga didadèkaké jeneng dalan ing Jakarta.