Mohammad Yamin
| Mohammad Yamin | |
|---|---|
 | |
| Mantri Informasi Indonésia ka-14 | |
| Linggih 6 Maret 1962 – 13 November 1963 | |
| Présidhèn | Soekarno |
| Kang sadurungé | Maladi |
| Kang sawisé | Roeslan Abdulgani |
| Mantri Panggulawenthah, Pengajaran lan Budaya Indonésia ke-9 | |
| Linggih 30 Juli 1953 – 12 Agustus 1955 | |
| Présidhèn | Soekarno |
| Kang sadurungé | Bahder Djohan |
| Kang sawisé | R.M. Suwandi |
| Mantri Kehakiman Indonésia ka-6 | |
| Linggih 27 April 1951 – 14 Juni 1951 | |
| Présidhèn | Soekarno |
| Kang sadurungé | Wongsonegoro |
| Kang sawisé | Lukman Wiriadinata |
| Rerincèn dhiri | |
| Lair | 24 Agustus 1903 Sawahlunto,
Sumatera Barat, Hindia Nèderlan |
| Pati | 17 Oktober 1962 (umur 59) Jakarta, Indonésia |
| Bangsa | Indonésia |
| Agama | Islam |
Mr. Prof. Muhammad Yamin, SH (lair ing Sawahlunto, Sumatra Kilèn, 24 Agustus 1903 – pati ing Jakarta, 17 Oktober 1962 ing umur 59 taun) inggih punika salah satunggalipun pahlawan nasional,[1] budayawan, lan aktivis hukum saking Indonésia.[2] Panjenenganipun tilar donya ing Jakarta, 17 Oktober 1962 lan dipunmakamaken ing Talawi, Sawahlunto, Sumatera Kilèn.[1][2] Panjenenganipun sampun kathah ngasilaken karya seratan ing sawatawis dasawarsa 1920 ingkang kathahipun mawi basa Melayu.[2] Karya seratanipun dipunterbitaken ing jurnal Jong Sumatra.[2] Ing babagan sastra, Mohammad Yamin misuwur minangka pangadrg puisi modern [[ing basa Jawa limrahipun puisi dipunsebat geguritan).[2]
Mohammad Yamin miwiti sekolah ing Hollands Indlandsche School (HIS), sekolah guru, Sekolah Menengah Pertanian Bogor, Sekolah Dhokter Kéwan Bogor, ngantos sekolah kehakiman (Reeht Hogeschool) Jakarta.[2] Panjenenganipun kalebet salah satunggalipun ahli hukum lan penyair misuwur angkatan pujangga ènggal.[2] Taufik Abdullah ngantos nganggep manawi Muhammad Yamin minangka sajarawan Indonésia paling ageng ing abad sapunika.[2]
Mohammad Yamin ugi aktif ing jagad pulitik. Panjenenganipun dipundadosaken pandheganipun Jong Sumatera Bond ing taun 1926-1928.[2] Nalika taun 1931, panjenenganipun mlebet parté Indonésia.[2] Sasampunipun parté punika dipunbibaraken, panjenenganipun lajeng damel Partai Gerakan Rakyat Indonesia sesarengan kaliyan Adam Malik, Wilopo, lan Amir Syarifuddin.[2] panjenenganipun lajeng dipundadosaken minangka anggota Volksraad lan damel golongan nasional Indonésia.[2] Mohammad Yamin kalebet anggota BPUPKI lan anggota Panitia 9 ingkang kasil ngrumusaken Piagam Jakarta lan dados lelandhesan kawujudipun UUD 1945 lan Pancasila.[2] Panjenenganipun tresna sanget kaliyan manunggalipun bangsa Indonésia.[2] Profesor Mohammad Yamin naté dados anggota KNIP.[2] Sasanèsipun punika, panjenenganipun ugi naté dipunparingi amanah minangka mantri, ing antawisipun inggih punika Mantri Panggulawenthah, Pengajaran lan Budaya, Mantri Informasi, lan sapiturutipun.[2]
Cathetan suku
[besut | besut sumber]Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |