Suprijadi

Saka Wikipédia Jawa, bauwarna bébas abasa Jawa

Suprijadi (lair ing Trenggalék, Jawa Wétan, 13 April 1923 – kapundhut ing Semarang, Jawa Tengah, 4 Juni 2009) iku salah siji pahlawan nasional Indonésia. Dhèwèké uga dadi pimpinan wadyabala Pembela Tanah Air (PETA) kang ngraman marang Jepang ing Blitar nalika Fèbruari 1945. Dhèwèké didadèkaké menteri keamanan rakyat nalika kabinèt pisanan Indonésia, Kabinet Presidensial. Nanging diganti déning Soeljadikoesoemo nalika 20 Oktober 1945 amarga Suprijadi ora tau katon. Kepriye Suprijadi lan ing ngendi kapundhute isih dadi misteri.

Sabubare lulus ELS (satingkat SD), Suprijadi nerusaké ing MULO (pada SMP), banjur mlebu Sekolah Pamong Praja ing Magelang nganti Jepang tekan ing Indonésia. Nalika jaman Jepang, Suprijadi mlebu SMA. Sawisé iku, dhèwèké mèlu Latihan Pemuda (Seinendoyo) ing Tangerang.

Nalika sasi Oktober 1943, Jepang gawé Tentara Pembela Tanah Air (PETA). PETA diwangun kanti tujuan kanggo mènèhi gladhèn militèr marang para nom-noman Indonésia. Para nom-noman kang wis mèlu PETA banjur digunakaké mbantu Jepang lawan Sakuthu.