D.I. Panjaitan

Saka Wikipédia Jawa, bauwarna mardika basa Jawa
Jump to navigation Jump to search
Mayor Jenderal TNI Anumerta Donald Isaac Panjaitan
Panjaitan.jpg
Lair:Baliage, Sumatra Lor, 9 Juni 1925
Tilar donya:Lubang Buaya, Jakarta, 1 Oktober 1965
Pasarean:TMP Kalibata - Jakarta

Mayor Jenderal TNI Anumerta Donald Isaac Panjaitan (lair ing Balige, Sumatra Lor, 19 Juni 1925 – pati ing Lubang Buaya, Jakarta, 1 Oktober 1965 ing yuswa 40 taun) salah sawijining pahlawan révolusi Indonésia. Dhèwèké disarekake ing TMP Kalibata, Jakarta[1].

Panjaitan lair ing Balige, Tapanuli, 9 Juni 1925. Dhèwèké sekolah awit saka SD, SMP banjur SMA. nalika tamat SMA, ing Indonésia lagi ana Jepang. Banjur dhèwèké mlebu dadi anggota militèr lan kudu mèlu gladhèn Gyugun. Sawisé gladhèn, dhèwèké tinanggenah dadi anggota Gyugun ing Pekanbaru, Riau saéngga Indonésia merdika[1].

Nalika Indonésia wis merdika, dhèwèké lan para mudha minangka Wadya Keamanan Rakyat (TKR) sing banjur dadi TNI. Ing TKR, dhèwèké tinanggenah dadinkomandan batalyon, banjur dadi Komandan Wiyata Divisi IX/Banteng ing Bukittinggi taun 1948. Sakteruse banjur dadi Kepala Staf Umum IV (Supplay) Komandemen Wadya Sumatera. Lan nalika Pasukan Walanda nganakaké Agresi Militer sing kaping II, dhèwèké diangkat dadi Pimpinan Perbekalan Perjuangan Pamaréntah Darurat Républik Indonésia (PDRI)[1].

Sawisé Agresi Militer Walanda ke II, Indonésia olèh pangakuan kedaulatan. Panjaitan banjur diangkat dadi Kepala Staf Operasi Wadya dan Teritorium (T&T) I Bukit Barisan di Medan. Banjur dipindahake menyang Palembang dadi Kepala Staf T & T II/Sriwijaya[2].

Sawisé mèlu kursus Militer Atase (Milat) taun 1956, dhèwèké tinanggenah dadi Atase Militer RI ing Bonn, Jerman Barat. Nalika tugase rampung, dhèwèké bali menyang Indonésia[2]. Nanging ora let suwé ya iku taun 1962, perwira sing wis tau sekolah ing Associated Command and General Staff College, Amérika Sarékat iki, ditunjuk dadi Asisten IV Mantri/Panglima Angkatan Darat (Men/Pangad). Jabatan iki sing terakhir tekan prastawa G 30/S PKI kadadéan.[2]

Nalika dadi Asisten IV Men/Pangad, dhèwèké olèh prèstasi amarga bisa mbongkar rahasia pengiriman senjata saka Républik Rakyat Cina (RRC) kanggo PKI. Saka kana banjur padha ngerti yèn senjata-senjata iku dilebokaké ing njero peti-peti bahan yasan sing arep dienggo yasa gedung Conefo (Conference of the New Emerging Forces). Senjata-senjata iku banjur diperlokake PKI sing lagi sregep nganakaké persiapan nglancarke pemberontakan[3].

Patine[besut | besut sumber]

Ing jam-jam awal 1 Oktober 1965, sakelompok anggota Gerakan 30 September mlayu saka Lubang Buaya menyang pinggiran Jakarta. Sakelompok mau meksa supaya bisa mlebu pagar omahé Panjaitan ing Jalan Hasanudin, Kebayoran Baru, Jakarta Selatan, banjur nembak lan njalari pelayane Panjaitan sing lagi turu ing lantai ngisor mati banjur Panjaitan metu[3].

Rujukan[besut | besut sumber]

  1. ^ a b c [1]
  2. ^ a b c Tokoh Indonésia, D.I Panjaitan
  3. ^ a b Profil di Tokoh Indonésia.com

Pranala njaba[besut | besut sumber]