Kutha Ngayogyakarta

Ngayogyakarta
Kutha
Saka kiwa ndhuwur banjur mèlu lakuné dom jam: Tugu, Dalan Maliyabara, Kraton Ngayogyakarta, Bank Indonesia Ngayogyakarta, Universitas Gadjah Mada
Gendéra Lambang
Peparab: Kutha Pelajar, Kutha Budaya, Kutha Gudheg
Sesanti: Amemayu Ayuning Bawana
Pernahé ing Daerah Istimewa Yogyakarta
Ngayogyakarta Pernahé ing Pulo Jawa lan Indonésia
Koordhinat: 7°48′5″S 110°21′52″E
Nagara	Indonésia
Provinsi	Daerah Istimewa Yogyakarta
Kacamatan	Pratélan Tegalreja Jetis Gandakusuman Danurejan Gedhongtengen Ngampilan Wirabrajan Mantrijeron Kraton Gandamanan Pakualaman Mergangsan Umbulharja Kuthagedhé
Pamaréntahan
• Walikutha	Haryadi Suyuti
• Wakil walikutha	Heroe Purwadi
Laladan
• Kutha	46 km2 (18 sq mi)
• Métro	2.159,1 km2 (833,6 sq mi)
Élepasi	113 m (371 ft)
Cacah warga (2016)
• Kutha	412.331
• Pepadhet	9,000/km2 (23,000/sq mi)
• Métro	4.010.436
• Pepadhet métro	1,900/km2 (4,800/sq mi)
Dhémografi
• Agama	Islam 83.22% Katulik 9.39% Protèstan 6.26% Buda 0.29% Hindhu 0.20% Kong Hu Cu 0.02% Liyané 0.01%
Zona wektu	WIK (UTC+7)
Kodhe laladan	(+62) 274
Plat montor	AB
HDI	0.837 (Dhuwur banget)
Situs wèb	www.jogjakota.go.id (in Indonésia)

Kutha Ngayogyakarta (Jawa: ꦑꦸꦛꦔꦪꦺꦴꦒꦾꦏꦂꦠ) utawa cekaké Kutha Yogya iku kutha krajan Daerah Istimewa Yogyakarta. Kutha iki naté dadi kutha krajan Indonésia ing jaman révolusi. Kajaba iku kutha iki minangka kutha krajan Daerah Istimewa Yogyakarta, kang dipanggedhèni déning Sri Sultan Hamengkubuwana X lan Sri Paduka Paku Alam X. Ngayogyakarta kaloka minangka kutha pelajar, amarga amèh 20% kang ndunungi produktifé wujud pelajar lan ana 137 pawiyatan luhur. Pawiyatan luhur kang diduwèni pamaréntah antarané Universitas Gadjah Mada, Universitas Negeri Yogyakarta, Institut Seni Indonésia Yogyakarta lan Universitas Islam Negeri Sunan Kalijaga.

Pérangan saka Kutha Ngayogyakarta, ya iku Kuthagedhé, tau dadi punjer Kasultanan Mataram antara 1575-1640. Kraton (Pura) Sultan kang isih duwé fungsi sajeroning makna kang sakbeneré ya iku kraton Kasultanan Ngayogyakarta, kang dadi pecahan saka Mataram.

Sajarah

Madegé Kutha Ngayogyakarta diwiwiti kanthi anané Prajanjèn Giyanti ing tanggal 13 Fèbruari 1755 kang ditandatangani Kompeni Walanda ya iku déning Gubernur Nicholas Hartingh makili Gubernur Jendral Jacob Mossel. Isi Prajanjian Gianti iku mau: Nagara Mataram dipérang dadi loro: Setengah isih dadi Hak Krajan Surakarta, setengah liyané dadi Hak Pangéran Mangkubumi. Sajeroning prejanjèn mau uga Pengèran Mangkubumi diakoni dadi Raja ing setengah laladan Pedalaman krajan Jawa kanthi Gelar Sultan Hamengkubuwana Sénapati Ing Ngalaga Ngabdul Rakman Sayidin Panatagama Khalifatullah.

Déné laladan-laladan kang dadi kakuwasané ya iku Mataram (Ngayogyakarta), Pojong, Sukawati, Bagelen, Kedhu, Bumigedhé lan ditambah laladan mancanagara ya iku; Madiun, Magetan, Cirebon, saparo Pacitan, Kartasura, Kalangbret, Tulungagung, Majakerta, Bojanegara, Ngawèn, Sela, Kuwu, Wanasari, Grobogan.

Sawisé rampung Prajanjian Pembagéyan Laladan iku, Pengéran Mangkubumi kang kawastanan Sultan Hamengkubuwana I sigra ngukuhaké yèn laladan Mataram kang ana ing sajeroning kakuwasané iku dijenengi Ngayogyakarta Hadiningrat lan kutha krajané ing Ngayogyakarta. Katetepan iki diumumaké ing tanggal 13 Maret 1755.

Panggonan kang dipilih dadi kutha krajan lan punjer pamaréntahan iki ya iku alas kang ingaran Beringin, kang wis ana désa ciliké ya iku Pachetokan, lan ana sawijining pasanggrahan kang jenengé Garjitawati, kang diyasa déning Susuhunan Pakubuwana II lan jenengé banjur diowahi dadi Ayodya. Sawisé panetepan mau diwedharaké, Sultan Hamengkubuwana sigra mrintahaké marang rakyat supaya mbabad alas mau kanggo diadegaké sawijining karaton.

Sadurungé karaton iku dadi, Sultan Hamengkubuwana I ngersakaké manggon ing pasanggrahan Ambarketawang laladan Gamping, kang pinuju digawé uga. Manggon kanthi resmi ing papan mau ya iku tanggal 9 Oktober 1755. Saka papan iki panjenengané tansah ngawasi lan ngatur pangyasa kraton kang pinuju digarap.

Setaun sabanjuré Sultan Hamengkubuwana I ngersakaké mlebu Pura ayar kanggo ngresmèkaké. Kanthi mangkono wis madeg Kutha Ngayogyakarta utawa kanthi jeneng wutuh ya iku Nagari Ngayogyakarta Hadiningrat. Pasanggrahan Ambarketawang ditinggal déning Sultan Hamengkubuwana lan pindhah menyang karaton kang anyar. Pahargyan jumenenging kutha digelar ing tanggal 7 Oktober 1756

Géografi

Kutha Ngayogyakarta dumunung ing tengahing Provinsi DIY, kanthi wates wewengkon:

• Sisih lor: Kabupatèn Sléman
• Sisih wétan: Kabupatèn Bantul & Kabupatèn Sléman
• Sisih kidul: Kabupatèn Bantul
• Sisih kulon: Kabupatèn Bantul lan Kabupatèn Sléman

Wewengkon Kutha Ngayogyakarta gumêlar ing antarané 110o 24I 19II nganti 110o 28I 53II Bujur Wétan lan 7o 15I 24II nganti 7o 49I 26II Lintang Kidul kanthi dhuwuring èlevasi rata-rata 114 m sadhuwuré lumahing segara.

Pamaréntahan

Kutha Ngayogyakarta katata sajeroning 14 kacamatan, kalurahan lan désa. Kacamatan-Kacamatan ing Kutha Ngayogyakarta ya iku:

• Tegalreja
• Jetis
• Gandakusuman
• Danurejan
• Gedhongtengen
• Ngampilan
• Wirabrajan
• Mantrijeron
• Kraton
• Gandamanan
• Pakualaman
• Mergangsan
• Umbulharja
• Kuthagedhé

Walikutha Yogyakarta

No	Walikutha	Mangsa tugas
1	M. Enoch	Mèi 1947-Juli 1947
2	Mr. Soedarisman Poerwokoesoemo	Juli 1947-Januari 1966
3	Soedjono A. Y.	Januari 1966-November 1975
4	H. Ahmad	November 1975-Mèi 1981
5	Soegiarto	1981-1986
6	Djatmiko D	1981(?)/6-1991
7&8	R. Widagdo	1991-2001
9	Herry Zudianto	2001-2006
10	Herry Zudianto	2006-2011
11	Haryadi Suyuti	2011-2016 (sedang menjabat)

Kutha kembar

• Gangbuk-gu, Koréa Kidul
• Baalbek, Lebanon
• Hue, Vietnam
• Hefei, Cina
• Commewijne District, Suriname

Uga delengen

• Daerah Istimewa Yogyakarta

Pranala njaba

• Situs Web Resmi
• Jogja.com
• Ada Apa di Jogja?
• Direktori Info Kutha Ngayogyakarta
• Wisata Jogja / Yogyakarta
• Unofficial Site Of Jogja City

Daerah Istimewa Yogyakarta