Pribumi

Saka Wikipédia Jawa, bauwarna bébas abasa Jawa

Pribumi utawa padunung asli iku saben wong sing lair ing sawijining papan, wewengkon utawa nagara, lan netep ing kana kanthi status orisinal utawa asli utawa tulèn (indigenious) minangka klompok ètnis sing diakoni minangka suku bangsa dudu paneka saka nagara liyané. Pribumi asifat autochton (nèmpèl ing sawijining papan). Sacara luwih kusus, istilah pribumi ditujokaké marang saben wong sing kalairaké kanthi wong tuwa sing uga kalairaké ing sawijining papan kasebut.

Pribumi minangka klompok pulitis[besut | besut sumber]

Sajeroning mangsa kolonial Walanda, pribumi dipigunakaké minangka istilah basa Melayu kanggo Inlanders, salah siji klompok padunung Hindhia-Walanda sing asalé saka suku-suku asli Kapulouan Nuswantara. Mula saka iku, padunung Indonésia katurunan Cina, India, Arab (kabèh dilebokaké sajeroning saklompok, Vreemde Oosterlingen), Éropah, uga campuran asring diklompokaké minangka non-pribumi senajan wis sapérangan generasi dilairaké ing Indonésia. Panglompokan iki sajeroning idea ora rasistis, amarga bisa dumadi papindhahan saka sawijining klompok menyang klompok liya, nanging sajeroning praktèk dadi rasistis amarga dumadi pambédan pamanggonan ing publik, pabédan pangopahan/panggajian, larangan panggunaan basa Walanda kanggo klompok tinentu, lan sapituruté.

Ing Malaysia lan ing jaman sadurungé Orde Baru ing Indonésia, istilah Bumiputera dipigunakaké kanggo ngrujuk marang padunung asli.

Ing antarané padunung asli ana klompok masarakat adat, ya iku suku-suku kaasing utawa suku-suku sing nembé ngrembaka, malah ana suku kaasing sing isih nglakoni kauripané kaya déné masarakat Jaman Watu.

Uga delengen[besut | besut sumber]