Wahidin Sudirohusodo
| Wahidin Sudirohusodo | |
|---|---|
 | |
| Lair | Mèi 2, 1852 invalid year |
| Bangsa | Indonésia |
| Jeneng liya | Wahidin |
Wahidin Sudirohusodo, dr. (Melati, Yogyakarta, 7 Januari 1852–26 Mèi 1917) iku pahlawan nasional Indonésia. Jenengé tansah dikaitaké karo Budi Utomo amarga sanadyan pamjenengané dudu pendhiri organisasi kebangkitan nasional iku, nanging panjenengané minangka penggagas madegé organisasi sing diadegaké para pelajar School tot Opleiding van Inlandsche Artsen Jakarta iku.
Pendhidhikan[besut | besut sumber]
- Sekolah Dasar ing Yogyakarta
- Europeesche Lagere School ing Yogyakarta
- Sekolah Dhokter Jawa ing Jakarta
Latar Buri[besut | besut sumber]
Dhokter lulusan STOVIA iki seneng banget srawung karo rakyat biyasa. Saéngga ora nggumunaké yèn panjenegané weruh akèh kasangsarané rakyat. Panjenengané uga weruh kaanan rakyat sing kesrakat lan katindhes déning penjajahan Walanda. Miturut panggagasé, salah siji cara kanggo mbébasaké dhiri saka panjajahan, rakyat kudu cerdhas. Mula iku, rakyat kudu diwènèhi kasempatan mèlu pendhidhikan ing sekolah-sekolah. Minangka sawijining dhokter, panjenengané kerep nambani rakyat tanpa bayaran.
Pokok pikiran sing dadi perjuangané ya iku njembaraké kawruh liwat pendhidhikan lan pengajaran sarta mupuk kasadharan kebangsaan.
Lahiré Budi Utomo[besut | besut sumber]
Wahidin Sudirohusodo kerep mubeng kutha-kuthaa gedhé ing Jawa ngéndhangi tokoh-tokoh masarakat sinambi nyebar gagasané bab "dana pelajar" kanggo mbiyantu nom-noman-nom-noman cerdhas sing ora bisa nerusaké sekolah. Nanging gagasan iki kurang olèh tanggepan.
Gagasan iku uga dijlèntrèhaké marang para pelajar STOVIA ing Jakarta bab perlué ngadegaké organisasi sing tujuané majokaké pendhidhikan lan ngangkat martabat bangsa. Gagasan iki wusanané disambut apik déning para pelajar STOVIA mau. Pungkasané ing tanggal 20 Mèi 1908, lahirlah Budi Utomo.
Pranala njaba[besut | besut sumber]
- Profil di TokohIndonésia.com Archived 2007-02-13 at the Wayback Machine.
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |