Budi Utomo

Saka Wikipédia Jawa, bauwarna bébas abasa Jawa
Budi utomo.jpg

Budi Utomo (ejaan Soewandi: Boedi Oetomo) ya iku sawijining organisasi pemuda kang diprakarsani déning Dr. Sutomo lan uga mahasiswa STOVIA ya iku Goenawan Mangoenkoesoemo lan Soeraji nalika tanggal 20 Mèi 1908.[1] Digagas déning Dr. Wahidin Sudirohusodo.[1] Organisasi iki sipaté sosial, ékonomi, lan kabudayan nanging ora ana sipat pulitik.[1] Budi Utomo dadi wiwitane obahan kang duwé yujuan kanggo golèk kamardikan Indonesia, Nalika jaman semana organisasi iki wiwitane mung kanggo golongan berpendidikan Jawa.[1] Saiki tanggal berdirine Budi Utomo, 20 Mèi, diperingati kanggo dina Kebangkitan Nasional.[1]

Budi Utomo[besut | besut sumber]

Nalika dina Minggu, tanggal 20 Mèi 1908, wayah jam sanga ésuk, manggon ana ing salah siji ruang pasinaon STOVIA, Soetomo njelasake gagasané.[2] Soetomo nyatakaké yèn jaman sésuk bangsa lan Tanah ana ing tangané dhèwèké.[2] Mula saka iku banjur lair Boedi Oetomo.[2] Nanging para pemuda uga nyadari yèn tugas dadi mahasiswa kedhokteran isih akèh saliyané kudu berorganisasi.[2] Mulo saka iku Budi utomo duwé penemu yèn "kaum tuwa"-lah kang kudu mimpin ing Budi Utomo, béda karo para pemuda dhéwé kang pengen dadi motor kanggo nggerake organisasi iku.[2] Sepuluh taun pisanan Budi Utomo ngalami pergantian pemimpin organisasi.[2] Akehe para pemimpin iku asalé saka kalangan "priayi" utawa para bangsawan saka kalangan kraton, kaya Raden Adipati Tirtokoesoemo, bekas Bupati Karanganyar (présidhèn pisanan Budi Utomo), lan Pangeran Ario Noto Dirodjo saka Karaton Pakualaman.[2]

Cathetan suku[besut | besut sumber]