San Marino (kutha)

Saka Wikipédia Jawa, bauwarna mardika basa Jawa
Kutha San Marino
Città di San Marino
castello
Gendéra Kutha San Marino
Gendéra
Coat of arms of Kutha San Marino
Lambang
Lokasi San Marino ing San Marino
Lokasi San Marino ing San Marino
Foundation3 September 301 (tanggal tradhisional)
Pamaréntahan
 • CapitanoAlessandro Barulli (sejak 2003)
Laladan
 • Gunggung7,09 km2 (274 sq mi)
Élepasi749 m (2,457 ft)
Cacah warga (2003)
 • Gunggung4,493
 • Pepadhet633,71/km2 (164,130/sq mi)
Zona wektuCET (UTC+1)
 • Usum panas (DST)CEST (UTC)
Kodhe posRSM-47890

Kutha San Marino iku kutha krajan Républik San Marino ing ujung Italia, cedhak Sagara Adriatik. Kutha iki duwé populasi cacahé 4.493 jiwa. Dunungé ing lembah kulon titik paling dhuwur ing San Marino, Monte Titano.

Sanadyan dadi kutha krajan, racaké kagiyatan bisnis dumunung ing kutha Borgo Maggiore. Kutha iki minangka kutha kang gedhé dhéwé katelu sawisé Dogana lan Borgo Maggiore. Laladan iki wewatesan karo kuthamadya Acquaviva, Borgo Maggiore, Fiorentino, lan Chiesanuova ing San Marino lan kuthamadya San Leo ing Italia.

Akademio Internacia de la Sciencoj San Marino dumunung ana ing kutha iki.

Sajarah[besut | besut sumber]

Sajarah kutha iki padha karo sajarah San Marino, delengen Sajarah San Marino.

Kutha iki diyasa Santo Marinus lan sawatara pangungsi Kristen ing taun 301. Wiwit wektu iku, kutha iki dadi pusat pangungsi Kristen kang lumayu saka kakejeman Romawi, kang njalari wewengkon mau dadi republik tuwa dhéwé ing Éropah, kanggo teritori San Marino wektu iku dikukuhaké minangka kutha tunggal San Marino.

Jantung kutha dijaga déning telung menara: pisanan, Guaita, diwangun ing abad kaping 11, misuwur banget, amarga kuwagang ngurangi serangan menyang kutha.

Sajeroning Perang Salib, diwangun menara kaloro, Cesta (abad kaping 13). Nanging sistem pertahanan San Marino durung rampung nganti konstruksi menara katelu,-Montale (abad kaping 14)-paling cilik saka katelu menara mau lan diwangun ing pungkasan patemon Monte Titano. Amarga populasiné tansaya nambah, wewengkon nagara dijembaraké sawatara kilomèter. Kanthi anané kawicaksanan San Marino ora bakal njajah utawa migunakaké kakuwatan perang kanggo nambah tlatah anyar, njembaraké wewengkon diayahi kanthi cara tuku lan prejanjèn kang nyatakaké San Marino duwé sangang castello liyané kang isih ana nganti saiki.

Menara Guaita

Panggonan misuwur[besut | besut sumber]

Kutha San Marino ora mung mènèhi sesawangan kang éndah, nanging uga nawakké sawatara panggoran kang èdi lan nyengsemaké:

Kutha Kembar[besut | besut sumber]

Pranala njaba[besut | besut sumber]

Cithakan:San Marino