Nagara

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Negara)
Langsung menyang: pandhu arah, pados

Nagara kuwi sawijining wilayah ing bumi kang kakuwasan pulitik, militer, ekonomi, sosial lan budayané ditata déning pamaréntahan kang nan ing wilayah kasebut. Supaya bisa diarani minangka nagara kudu ndarbèni rakyat, yaiku wong-wong kang nampa anané organisasi iki. Syarat liyané yakuwi anané wilayah tartamtu papan nagara iku manggon. Bab liyané apa kang diarani kadhaulatan, yakuwi nagara diakoni déning wargané minangka kang nyekel kakuwasan paling dhuwur ing wilayah panggonan nagara.

Anané nagara[sunting | Owah sumber]

Anané nagara, kaya organisasi umumé, yakuwi kanggo nggampangké anggotané (rakyat) nggayuh tujuan utawa gegayuhané. Kepénginan iki dirumusaké jroning sawiji dokumen kang diarani Konstitusi, klebu ing jeroné nilai-nilai kang dipikul dhuwur déning rakyat minangka anggota nagara. Minangka dokumen kang nyantumaké gegayuhan rakyat, maksud didegaké nagara, Konstitusi minangka dokumen hukum paling dhuwur ing sawijining nagara. Mulané konstitusi uga ngatur cara-cara nata nagara. Konstitusi ing Indonesia diarani Undhang-Undhang Dhasar.

Pangertèn nagara miturut para ahli[sunting | Owah sumber]

  • George Jellinek
    Nagara kuwi paguyuban kakwuasan saka seklompok manungsa kang wis manggon ing wilayah tartamtu.
  • George Wilhelm Friedrich Hegel
    Nagara minangka paguyuban kasusilan kang muncul minangka sintesis saka kamardikan individual lan kamardikan universal
  • Krannenburg
    Nagara kuwi sawijining opaguyuban kang timbul amarga ana kepénginan saka sawiji golongan utawa bangsané dhéwé.
  • Roger F. Soltau
    Nagara kuwi alat utawa wewenang kanggo ngatur utawa ngendalèkaké persoalan bersama tumrap masyarakat.
  • Prof. R. Djokosoetono
    Nagara kuwi sawijining paguyuban manungsa utawa kumpulan manungsa kang ana ing ngisor siji pamaréntahan kang padha.
  • Prof. Mr. Soenarko
    Nagara kuwi paguyuban padunung kang ndarbèni daerah tartamtu, kang kakuwasan nagara lumaku ing kana minangka sawijining kadhaulatan.

Delengen uga[sunting | Owah sumber]

Sumber artikel punika saking kaca situs web: "https://jv.wikipedia.org/w/index.php?title=Nagara&oldid=942349"