Menyang kontèn

Jakartah

Besut pranala
Saka Wikipédia Jawa, bauwarna mardika basa Jawa
(Kaelih saka DKI Jakarta)
Panagara Mirunggan Kuthagara Jakartah
(DKI Jakarta)
Jayakarta, Batavia
Lambang
Lambang
(Saka ndhuwur, kiwa manengen): Kota Tua Jakarta, Bunderan Hotèl Indonesia, Cakrawala Jakarta, Stadion Gelora Bung Karno, Taman Mini Indonesia Indah, Monumèn Nasional, Pura Merdèka, Masjid Istiqlal lan Katédral Jakarta.
Sesanti: "Jaya Raya"
("Jaya dan Besar (Agung)")
Dina dadi22 Juni 1527 (umur 497)
Kutha krajanJakarta Pusat
Tlatah
 - Gunggung ambané7.659,02[1] km2
 - Ambané pawarihan661,52 km2
 - Ambané wewengkon banyu6.997,50 km2
 - Latitude5° 19' 12"-6° 23' 54" LS
 - Longitude106° 22' 42"-106° 58' 18" BT
Cacah jiwa
 - Gunggung10.305.408 [2]
 - Pepadhet1.973,34 jiwa/km2
Pamaréntahan
 - GubernurAnies Baswedan
 - WagubLowong(tidak ada)
 - Ketua DPRDPrasetyo Edi Marsudi
 - SèkdaSaefullah
APBDRp60.442.738.783.978,-[3] (total)
 - PADRp40.355.853.087.978,-[3]
Démografi
 - ÉtnisJawa (35.94%)
Betawi (28.10%)
Sunda (14.52%)
Tionghoa (6.58%)
Batak (3.40%)
Minang (2.83%)
Melayu (0.99%)
Madura 0.83%
Bugis 0.71%
Suku Lainnya (6.10%)[4]
 - AgamaIslam (83.43%)
Kristen Protèstan (8.63%)
Katolik (4.00%)
Buddha (3.74%)
Hindu (0.19%)
Konghucu (0.01%)
Aliran Kepercayaan (231 jiwa)[5]
 - BasaIndonésia, Betawi, Jawa, Tionghoa, Sunda, Inggris
Zona wèktuWIB (UTC+7)
Lagu dhaèrahKicir-Kicir
Omah tradhisionalRumah Bapang/Kebaya
Gaman tradhisionalGolok
Situs wèbwww.jakarta.go.id

Jakartah utawa Panagara Mirunggan Kuthagara Jakartah (Indonésia: Daerah Khusus Ibukota Jakarta), dipuncekak DKI Jakarta, punika kuthagara Républik Indonésia lan kitha ing pulo Jawi ingkang paling ageng. Jakarta gadhah kang ndunungi cacahipun 10 yuta jiwa. Nanging wonten ing tlatah Jakarta Raya utawi Jabotabek cacahipun kang ndunungi langkung saking 17 yuta. Lagu kabangsané punika Mars DKI Jakarta

Mars DKI Jakarta


Jakarta ugi naté dipunwastani Sundha Kelapa, Jayakarta, Jacatra, Batavia lan Batawi. Sanèsipun kitha, Jakarta punika ugi satunggaling provinsi Indonésia.

Dasar ukum tumrap DKI Jakarta inggih punika Undhang-Undhang Républik Indonésia Nomer 29 taun 2007, prakawis papréntahan Provinsi Daerah Khusus Ibukota Jakarta minangka ibu kitha Nagara Kesatuan Républik IndonésiaNKRI. UU punika nggantosaken UU Nomer 34 taun 1999 prakawis papréntahan Provinsi Daerah Khusus Ibukota Nagara Républik Indonésia Jakarta sarta UU Nomer 11 taun 1990 prakawis Susunan papréntahan Daerah Khusus Ibukota Nagara Républik Indonésia Jakarta ingkang kalih-kalihipun sampun boten angka anggé malih.

Jakarta gadhah status satingkat provinsi lan dipunpimpin déning satunggaling gubernur. Bènten kaliyan provinsi sanès, Jakarta namung gadhah pamérangan ing sangandhapipun wujud kitha administratif lan kabupatèn administratif, ingkang tegesipun boten gadhah perwakilan rakyat piyambak. Kanthi makaten, DKI Jakarta namung gadhah DPRD Provinsi lan boten gadhah DPRD Kabupatèn/Kitha.

Asaling nami

[besut | besut sumber]

Laladan menika sampun kaping sapinten-pinten gumantos ing nami ing sawetara mangsa kados kang kapacak ing andhap menika:[6]

  • Sunda Kelapa (397—1527)
  • Jayakarta (1527—1619)
  • Batavia (1619—1942)
  • Djakarta Tokubetu Si (1942—1945)
  • Djakarta (1945—1972)
  • Jakarta (1972—samenika)

Nami "Jakarta" sampun kaagem wiwit mangsa palungguhan Jepang nalika warsa 1942 kagem nyebat laladan tilas Gemeente Batavia ingkang dikukuhaken pamaréntah Hindia Belanda ing warsa 1905. Nami "Jakarta" inggih menika kacekakan saking tembung Jayakarta ingkang asalipun saking basa Sanskerta जय jaya (kamimpangan), lan कृत krta (karaharjan), mula Jayakarta ateges "kitha kamimpangan lan karaharjan". Nami punika kacaosaken tiyang-tiyang Demak lan Cirebon ing andhaping pangwasanipun Fatahillah salajengipun nyerang lan saged lumungguhi palabuhan Sunda Kelapa rikala surya kaping 22 Juni 1527 saking cekelan Portugis.

Nami menika kapertalaken minangka "kitha kamimpangan" utawi "kitha kajayan". Senadyan mekaten, sajatosipun ateges "kamimpangan ingkang kagayuh dening tindak utawi upaya" amargi asalipun saking tembung Sanskerta kalih inggih menika Jaya (जय) ingkang ateges "kamimpangan" lan Karta ingkang ateges "kagayuh".

Rupa sanes panyeratan nami kitha menika sampun dangu kaagem. Sajarawan Portugis, João de Barros ing Décadas da Ásia (1553) nyebataken kawonten "Xacatara kaliyan nami sanes Caravam (Karawang)"

Satunggaling babon saking Banten ingkang dipunwaos juru epigrafi Van der Tuuk sampun nyebat ugi ukara wong Jaketra, inggih menika nami Jaketra kawastanan ugi salebeting lelayangan Sultan Banten lan Sajarah Banten kados déné ditlitèni Hoessein Djajadiningrat. Lapuran Cornelis de Houtman ing warsa 1596 nyebat Pangeran Wijayakrama minangka koning van Jacatra (raja Jakarta).

Pratélan Daerah Tingkat II

[besut | besut sumber]

Mars

[besut | besut sumber]

Mars Jakartah iku Mars DKI Jakarta

Pranala njawi

[besut | besut sumber]
Péta Jakarta
Wikipedia
Wikipedia
Artikel punika, artikel dhasar ingkang kedah dipundarbèni sadaya basa.


Rujukan

[besut | besut sumber]
  1. ↑ "GEOGRAFIS JAKARTA". jakarta.go.id. 1 Januari 2008. Diarsip saka sing asli ing 19 April 2016. Dibukak ing 12 April 2016.
  2. ↑ "Provinsi DKI Jakarta Dalam Angka 2017" Archived 2017-10-26 at the Wayback Machine., diakses tanggal 23 Agustus 2017
  3. ↑ a b "jakarta.go.id: APBD". Diarsip saka sing asli ing 2017-10-10. Dibukak ing 2017-10-13.
  4. ↑ [1] Archived 2017-07-12 at the Wayback Machine., diakses tanggal 23 Agustus 2017
  5. ↑ "Penduduk DKI Jakarta Berdasarkan Agama 2016" Archived 2017-10-22 at the Wayback Machine., diakses tanggal 17 September 2017
  6. ↑ "Beragam Nama Jakarta Sejak Tahun 397 hingga Sekarang". Sindonews (ing basa Indonesia). 8 april 2022. Diarsip saka sing asli ing 2023-06-21. Dibukak ing 8 Juni 2023. {{cite web}}: Check date values in: |date= (pitulung); Unknown parameter |dead-url= ignored (|url-status= suggested) (pitulung)


Dijupuk saka "https://jv.wikipedia.org/w/index.php?title=Jakartah&oldid=1722525"