Anies Baswedan
| Anies Rasyid Baswedan أنيس رشيد باسويدان | |
|---|---|
 | |
| Gubernur DKI Jakarta ke-19 | |
| Linggih 16 Oktober 2017 – 16 Oktober 2022 | |
| Présidhèn | Joko Widodo |
| Wakil | Sandiaga Uno Ahmad Riza Patria |
| Kang sadurungé | Djarot Saiful Hidayat |
| Kang sawisé | Heru Budi Hartono |
| Mantri Pendhidhikan lan Kabudayaan Indonésia ke-27 | |
| Linggih 27 Oktober 2014 – 27 Juli 2016 | |
| Présidhèn | Joko Widodo |
| Kang sadurungé | Muhammad Nuh |
| Kang sawisé | Muhadjir Effendy |
| Rerincèn dhiri | |
| Lair | Anies Rasyid Baswedan |
| Sisihan | Fery Farhati Ganis |
| Anak | Mutiara Annisa Baswedan Ismail Hakim Baswedan Kaisar Hakam Baswedan Mikail Azizi Baswedan |
| Wong tuwa | Rasyid Baswedan Aliyah Rasyid |
| Panggaota | Rektor Universitas Paramadina |
H. Anies Rasyid Baswedan, Ph.D., (Basa Arab: أنيس رشيد باسويدان, lair ing Kuningan, Jawa Kulon, 7 Mèi 1969; umur 54 taun) ya iku rektor Universitas Paramadina ing Jakarta, Indonésia.[1] Dhèwèké ketua Yayasan Indonésia Mengajar.[2] Ing taun 2005, Anies dadi direktur risèt ing The Indonésian Institute.[3] Banjur ing taun 2008, dhèwèké éntuk anugrah dadi salah sawijing saka 100 wong pinter sing isih enom ing donya vèrsi Kalawarti Foreign Policy saka Amérikah Sarékat.[4] Ing taun iku uga, nalika umuré isih 38 taun, dhèwèké dadi rektor Universitas Paramadina ing Jakarta, Indonésia.[3] Sanadyan lair ing Kuningan, Jawa Kulon, Anies nalika cilik nganti kuliah urip ing Yogyakarta.[5]
Nalika cilik
Anies lan kulawargané manggon ing dalemé simbah kakungé, ya iku Abdurrachman Baswedan (AR Baswedan).[5] Simbah kakungé dadi jurnalis lan pejuwang sing tau dadi Mantri Penerangan (1946) lan anggota konstituante (Dewan Perwakilan Rakyat).[5]
Wong tuwané Anies kabèh dadi dhosèn, Rasyid Baswedan, Bapaké Anies, tau dadi wakil rektor Universitas Islam Indonésia, lan Aliyah Rasyid, ibu Anies, salah sawijining guru besar ing Universitas Negeri Yogyakarta.[5]
Pendhidhikan Anies diwiwiti ing umur limang taun.[5] Dhèwèké sekolah ing TK Masjid Syuhada, Kota Baru, Yogyakarta.[3] Banjur, umur nem taun Anies sekolah ing SD Laboratori Yogyakarta.[5] Anies neruské SMP né ing SMP Negeri 5 Yogyakarta.[5] Nalika SMA, Anies sekolah ing SMA Negeri 2 Yogyakarta suwéné 4 taun saka taun 1985 tekan 1989 amarga kepilih dadi peserta ing program pertukaran pelajar AFS Intercultural Programs, sing nganakaké ya iku Bina Antarbudaya, suwéné setaun ing, Milwaukee, Wisconsin, Amérikah Sarékat (1987 tekan 1988).[5]
Jiwa kapamimpinan
Nalika cilik Anies wis seneng organisasi lan kapamimpinan.[5] Nalika umuré isih 12 taun, Anies nggawé golongan bocah watara umur 7-15 taun ing kampungé sing dijenengi 'Kelabang' (Klub Anak Berkembang).[5] Bocah-bocah mau nggawé sragam sing ana gambaré kéwan klabang, lan nggawé kagiyatan ulah raga lan seni.[5] Nalika SMA, Anies naté dadi ketua OSIS sak-Indonésia wektu dhèwèké mèlu pelatian kapamimpinan ing Jakarta sasi September 1985.[5] Dhèwèké dadi ketua saka 300 wakil SMA-SMA sak-Indonésia, wektu iku Anies isih kelas siji SMA.[5]
Saka aktivis nganti dadi rektor
Nalika isih kuliah ing Universitas Gadjah Mada (UGM) (1989-1995), dhèwèké aktif ing obahan mahasiswa lan dadi Ketua Umum Senat Mahasiswa UGM.[5] Wektu dadi mahasiswa UGM, dhèwèké éntuk beasiswa Japan Airlines Foundation kanggo mèlu kuliah mangsa panas ing babagan wulangan Asia ing Universitas Sophia ing Tokyo, Jepang.[3] Sawisé lulus kuliah saka UGM taun 1995, Anies nyambut gawé ing Pusat Antar Universitas Studi Ékonomi ing UGM.[3] Banjur, Anies éntuk beasiswa Fullbright Master ing babagan kaamanan internasional lan kawicaksanan ékonomi ing Universitas Maryland, College Park.[3]
Cathetan suku
- ↑ Anies Baswedan Tokoh Dunia Berprabawa(dipuntingali 28 Mèi 2011)
- ↑ "Berita Anies Baswedan Terkini dan Terbaru Hari Ini - SINDOnews". www.sindonews.com. Dibukak ing 2023-03-08.
- ↑ a b c d e f Anies Baswedan(dipuntingali 5 Juni 2011)
- ↑ Anies Baswedan Masuk Top 100 Intelektual Dunia(dipuntingali 3 Juni 2011)
- ↑ a b c d e f g h i j k l m n Anies Baswedan Intelektual Indonésia Kelas Dunia Archived 2019-06-22 at the Wayback Machine.(dipuntingali 5 Juni 2011)