Joko Widodo

Saka Wikipédia Jawa, bauwarna bébas abasa Jawa
Joko Widodo
Gubernur DKI Jokowi.jpg
Présidhèn Indonésia 7
Kalungguhan saiki
Wiwit lungguh
20 Oktober 2014
Litnan Jusuf Kalla
Kadhisiki Susilo Bambang Yudhoyono
Gubernur Jakarta 17
Lungguh
15 Oktober 2012 – 16 Oktober 2014
Présidhèn Susilo Bambang Yudhoyono
Litnan Basuki Tjahaja Purnama
Kadhisiki Fauzi Bowo
Kagantèni Basuki Tjahaja Purnama
Walikutha Surakarta
Lungguh
28 Juli 2005 – 1 Oktober 2012
Ratu Pakubuwana XIII
Présidhèn Susilo Bambang Yudhoyono
Gupernur Mardiyanto
Ali Mufiz
Bibit Waluyo
Litnan F.X. Hadi Rudyatmo
Kadhisiki Slamet Suryanto
Kagantèni F.X. Hadi Rudyatmo
Rerincèn priangga
Lair (1961-06-21) 21 Juni 1961 (umur 56)
Indonésia Surakarta, Jawa Tengah, Indonésia
Bangsa Indonésia
Parté pulitik Partai Demokrasi Indonesia Perjuangan
Sisihan Iriana[1]
Anak Gibran Rakabuming Raka[2]
Kahiyang Ayu
Kaesang Pangarep
Almamater Universitas Gadjah Mada
Panggaota Pengusaha
Agama Islam
Tandha tangan

Ir. H. Joko Widodo (Jawa: ꦗꦏꦮꦶꦢꦢ: Jaka Widada) (lair ing Surakarta, 21 Juni 1961; umur 56 taun),[3][4] inggih punika présidhèn Indonésia ka-pitu. ingkang njabat wiwit tanggal 20 Oktober 2014. Panjenenganipun kapilih minangka présidhèn sarengan kaliyan Wakil Présidhèn Muhammad Jusuf Kalla wonten ing Pemilu Présidhèn 2014. Saderengipun njabat présidhèn, Joko Widodo njabat dados Gubernur Jakarta awit tanggal 15 Oktober 2012.[1] Panjenenganipun dados gubernur ka-17 ingkang ngasta ing kutha krajan nagari Indhonésia.[5] Panjenenganipun asring dipuntimbali kanthi asma Jokowi (cekakan saking asma Joko Widodo).[6]

Sadèrèngipun ngasta gubernur Jakarta, panjenenganipun ngasta dados Walikutha Surakarta (Sala), Jawa Tengah ngantos kalih periodhe, inggih punika awit 2005 ngantos 2010 lan 2010 ngantos 2015.[5] Ananging nalika nembé ngasta kalih taun ing periodhe kaping kalih punika, Jokowi pikantuk amanah saking bebrayan umum Jakarta kanggé dados pangarsaning DKI Jakarta.[5] Nalika semanten Jokowi dipuncalonaken gubernur DKI Jakarta déning Partai Demokrasi Indonesia Perjuangan (PDIP).[7] Wonten ing pancalonan kasebat, panjenenganipun dipunpasangaken kaliyan Basuki Tjahaja Purnama utawi Ahok.[7]

Sajarah asma "Jokowi"[besut | besut sumber]

Panjenenganipun miyos kanthi asma asli Joko Widodo.[6] Ananging nalika taksih aktif ing jagad bisnis mèbel lan kagungan tiyang ingkang tumbas saking Prancis.[6] Tiyang Prancis punika ngraos bingung, amargi nalika tumbas ing Jepara, Semarang, lan Surabaya tansah kepanggih kaliyan tiyang ingkang namanipun Joko.[6] Nalika kepanggih kaliyan Joko Widodo ing Sala, kanggé mbéntenaken saking Joko-Joko ingkang sanés, tiyang Prancis kalawau paring timbalan Jokowi.[6]

Mangsa alit Jokowi[besut | besut sumber]

Miyos ing Sala, 21 Juni 1961, saking sarimbit Natamiharja lan Sujiatmi, awit alit Jokowi sampun ngraosaken gesang ingkang sarwa kirang.[6] Sareng kaliyan tiyang sepuh lan tiga sadhèrèk èstri, Jokowi kedah pindhah griya saking satunggal panggénan dhateng panggénan sanès.[6] Panggénan kalawau papanipun ing sapinggiring lèpèn.[6] Amargi boten saged tumbas griya, Natamiharja kapeksa ndhawuhi kulawarganipun pindhah dhateng peken kajeng lan pring Gilingan, ingkang mapan ing sakidulipun lèpèn Kali Anyar.[6] Ing Papan punika Natamiharja miwiti usaha sadéan kajeng.[4]

Pendhidhikan[besut | besut sumber]

Karir[besut | besut sumber]

  • Pengusaha mébel lan pertamanan,[9]
  • Pangadeg Koperasi Pengembangan Industri Alit Sala (1990),[11]
  • Ketua Babagan Pertambangan lan Ènergi Kamar Dhagang lan Indhustri Surakarta (1992-1996),[11]
  • Ketua Asosiasi Permebelan lan Industri Kerajinan Indonésia Surakarta (2002-2007),[11]
  • Walikutha Surakarta (2005-2015)[11][12]
  • Gubernur DKI Jakarta[11]

Karir Pulitik[besut | besut sumber]

Walikutha Surakarta[besut | besut sumber]

Awit kathahipun pengalaman ing mangsa mudhanipun, Jokowi saged ngembangaken Sala ingkang sadèrèngipun awon ing tatanan kutha lan manèka panulakan saking masarakat kanggé dipuntertibaken.[13] Jokowi saged ndadosaken Sala dados langkung saé saèngga dados satunggaling kajian saking universitas mancanegari.[13]

Rebranding Sala[besut | besut sumber]

Branding kanggé kutha Sala dipunlaksanakaken kanthi nyarujuki slogan kutha Sala (Solo) "Solo: The Spirit of Java".[7][14] Tindakan saking Joko Widodo punika kalebet progrèsif kanggé ukuran kutha-kutha ing Jawa.[7] Joko Widodo ugi saged ngrélokasi para pedhagang piranti tilas ing Taman Banjarsari kanthi lancar kanggé damel fungsi panggénan taman.[7] Panjenenganipun ugi paring syarat dhateng para invèstor kanggé purun mikiraken kapentingan publik, ngawontenaken komunikasi langsung kaliyan masarakat.[15] Taman Balekambang, ingkang sadèrèngipun boten karumat, déning Jokowi dipundamel taman. Jokowi ugi boten ajrih nulak invèstor ingkang boten sarujuk kaliyan prinsip Jokowi.[11]

Ndadosaken Sala minangka "tuan rumah" Konferensi Organisasi Kutha-kutha Warisan Donya[besut | besut sumber]

Awit taun 2006 kapungkur kutha Surakarta sampun dados anggota Organisasi Kutha-kutha Warisan Donya.[9] Kanthi punika, ing taun salajengipun (2007) Sala dados panggènan Festival Musik Dunia (FMD) ingkang dipunwontenaken ing Benteng Vastenburg.[9] Wontenipun acara punika gadhah misi kanggé nylametaken situs sajarah amargi bètèng kasebat kaancem badhé dipunicalaken kanggé kapentingan bisnis.[9] Taun 2008, Sala dados "tuan rumah" konferènsi Organisasi Kutha-kutha Warisan Donya.[9]

Ndhamekaken Kraton Surakarta[besut | besut sumber]

Nalika tanggal 11 Juni 2004, Paku Buwono XII tilar donya tanpa paring wasiat dhateng permaisuri utawi putra mahkota, saéngga wonten kadadosan konflik pamanggih antawisipun putra-putranipun PK XII, Sampeyan Dalem Ingkang Sinuwun Kanjeng Susuhunan (SDISKS) Paku Buwono XIII lan Kanjeng Gusti Pangeran Haryo (KGPH) Panembahan Agung Tedjowulan.[16] Sadangunipun pitung taun wonten kalih ratu ingkang dipuntunjuk déning kalih pihak ing satunggal kraton.[16]

Gubernur DKI Jakarta[besut | besut sumber]

Joko Widodo ingkang nyalonaken piyambak minangka Gubernur DKI Jakarta saged menang ing Pilkadha DKI Jakarta kanthi ngliwati prosès pemilu kalih ubengan.[11] Nalika 15 Oktober 2012, Jokowi dipunlantik minangka Gunernur DKI Jakarta.[11]

Agama[besut | besut sumber]

Agaminipun Joko Widodo punika agami Islam, lan panjenenganipun naté cariyos bilih pisanan tindak haji ing taun 2003, lan tindak ibadah umrah minimal kaping sekawan.[17] Ananging, nalika pemilihan umum présidhèn 2014 sampun caket, medal manéka warni issu kirang saé ngengingi kaislaman Jokowi, saéngga ing tanggal 24 Mèi 2014 Jokowi mratélakaken bilih, panjenenganipun agaminipun Islam "Islam yang rahmatan lil alamin, Islam yang hidup berketurunan dan berkarya di nagara RI yang memegang teguh UUD 45." ("Islam ingkang rahmatan lil alamin, Islam ingkang gesang ngrembaka lan makarya ing nagara RI ingkang adhedhasar UUD 45.")[18]

Bebingah[besut | besut sumber]

Bebingah pribadi[besut | besut sumber]

  • Joko Widodo kapilih minangka salah satunggalipun "10 Tokoh 2008",[9]
  • Walikutha paling saé taun 2009,[19]
  • Bung Hatta Anticorruption Award (2010),[19]
  • Universitas Sebelas Maret Surakarta (UNS) Award,[10]
  • Charta Politica Award (2011),[19]
  • Walikutha teladan saking Kementerian Dalam Negeri (2011),[19]
  • Salah satunggal Walikutha paling saé sadonya 2012.[20]

Bebingah minangka Walikutha Surakarta[besut | besut sumber]

  • Kutha kanthi Tata Ruang paling saé nomer kalih ing Indonésia,[19]
  • Piala lan Piagam Citra Bhakti Abdi Nagara saking Présidhèn Républik Indonésia (2009), kanggé kinerja kutha ing babagan panyedhiaan sarana pelayanan Publik, Kabijakan Deregulasi, Panegakan Disiplin lan Pangembangan Manajemen Pelayanan,[19]
  • Piala Citra Babagan Palayanan Prima Tingkat Nasional déning Mentri Nagara Pendayagunaan Aparatur Nagara Républik Indonésia (2009),[19]
  • Bebingah saking Departemen Keuangan arupi dana hibah ingkang agengipun 19,2 miliar kanggé nglaksanakaken parumatan keuangan ingkang saé (2009),[19]
  • Bebingah saking UNICEF kanggé Program panjagian laré (2006),[19]
  • Indonésia Tourism Award 2009 ing Kategori Indonésia Best Destination saking Departemen Kebudayaan lan Pariwisata RI,[19]
  • Bebingah Kutha Sala minangka inkubator bisnis lan tèknologi (2010) saking Asosiasi Inkubator Bisnis Indonésia (AIBI),[19]
  • Grand Award Layanan Publik ing babagan Wiyata (2009),[19]
  • 5 bebingah Anugerah Wahana Tata Nugraha (2006-2011) - Bebingah Tata Tertib Lalu Lintas lan Angkudan Umum,[19]
  • Bebingah Manggala Karya Bhakti Husada Arutala saking DepKes (2009),[19]
  • Kutha paling favorit Wisatawan 2010 ing Indonésia Tourism Award 2010 ingkang dipunselenggaraaken Kementerian Kebudayaan lan Pariwisata,[19]
  • Pamaréntah Kutha Sala pikantuk bebingah kutha/kabupatèn pengembang UMKM paling saé versi Universitas Negeri Sebelas Maret utawi UNS SME's Awards 2012,[19]
  • Bebingah saking Présidhèn RI, Susilo Bambang Yudhoyono minangka salah satunggaling kutha paling saé ing bab panyelenggaraan program pangembangan mujudaken Kutha Layak Anak (KLA) 2011,[19]
  • Bebingah Langit Biru 2011 saking Kementerian Lingkungan Hidup kanggé kategori Kutha kanthi kualitas hawa paling resik,[19]
  • Bebingah saking Présidhèn Susilo Bambang Yudoyono ing babagan Pelopor Inovasi Pelayanan Prima (2010).[19]
  • Bebingah Tandha Kaurmatan Bintang Jasa Utama saking Présidhèn Susilo Bambang Yudhoyono.[21]

Ugi pirsani[besut | besut sumber]

Cathetan suku[besut | besut sumber]

  1. ^ a b Jokowi: Jakarta Tidak Seseram Bayangan Saya (dipunundhuh tanggal 28 Fèbruari 2013)
  2. ^ Ayah Jadi Gubernur Gibran cuek
  3. ^ "Insan Berprestasi", UGM Daring, (dipunakses Fèbruari 2013)
  4. ^ a b Tumbuh di Bantaran Kali (dipunundhuh tanggal 15 Fèbruari 2013)
  5. ^ a b c oto Profil Jokowi (Joko Widodo) Terbaru (dipunundhuh tanggal 15 Fèbruari 2013)
  6. ^ a b c d e f g h i Sejarah Perjalanan hidup Jokowi atau Joko Widodo (dipunundhuh tanggal 15 Fèbruari 2013)
  7. ^ a b c d e Profil Joko Widodo (dipunundhuh tanggal 16 Fèbruari 2013)
  8. ^ Joko Widodo (dipunundhuh tanggal 28 Fèbruari 2013)
  9. ^ a b c d e f g h i Joko Widodo (dipunundhuh tanggal 16 Fèbruari 2013)
  10. ^ a b Profil Jokowi Cagub Jakarta kandidat 25 Walikota terbaik dunia (dipunundhuh tanggal 16 Fèbruari 2013)
  11. ^ a b c d e f g h Biografi Jokowi (Joko Widodo) (dipunundhuh tanggal 16 Fèbruari 2013)
  12. ^ Biodata - Profil Joko Widodo (Jokowi) dipunundhuh tanggal 16 Fèbruari 2013)
  13. ^ a b Defusing A Volatile City, Igniting Reforms: Joko Widodo and Surakarta, Indonésia, 2005 - 2011 (dipunundhuh tanggal 16 Fèbruari 2013)
  14. ^ Joko Widodo, Wali Kota Solo "Urusannya Hanya Pemilihan Gubernur" (dipunundhuh tanggal 1 Maret 2013)
  15. ^ Gubernur Bibit Setuju Tunda Bongkar Sari Petojo (dipunundhuh tanggal 16 Fèbruari 2013)
  16. ^ a b Keluarga Raja/Sunan, diakses dari situs Kasunanan Surakarta Hadiningrat. (dipunakses saking situs Kasunanan Surakarta Hadiningrat, Fèbruari 2013)
  17. ^ Jokowi Tanggapi Isu SARA: Semua Keluarga Saya Sudah Naik Haji, diakses di situs Liputan 6 padha 15 Januari 2015.
  18. ^ "Saya Jokowi, Bagian dari Islam yang Rahmatan Lil Alamin", diakses di situs Kompas padha tanggal 25 Mèi 2014
  19. ^ a b c d e f g h i j k l m n o p q r s H.Joko Widodo (Jokowi) (dipunundhuh tanggal 16 Fèbruari 2013)
  20. ^ Testimonials for Joko Widodo Mayor of Surakarta (Indonésia) (dipunundhuh tanggal 16 Fèbruari 2013)
  21. ^ Jokowi raih penghargaan Bintang Jasa Utama (dipunundhuh tanggal 26 februari 2013)

Profil dan Biodata Joko Widodo

Pranala njawi[besut | besut sumber]

Jabatan pulitik
Sing mengku  sadurungé:
Susilo Bambang Yudhoyono
{{{title}}}
{{{start}}} – saiki
Isih njabat
Sing mengku  sadurungé:
Fauzi Bowo
Fadjar Panjaitan
(Plt.)
Gubernur DKI Jakarta
2012–2014
Diganti déning:
Basuki Tjahaja Purnama
Sing mengku  sadurungé:
Slamet Suryanto
Wali Kota Surakarta
2005–2012
Diganti déning:
F.X. Hadi Rudyatmo