Kayu

Saka Wikipédia Jawa, bauwarna bébas abasa Jawa
Kayu

Kayu iku pérangan atos saka Tetanduran sing digolongaké menyang Wit lan grumbul. Kayu dipigunakaké kanggo manéka warna kaperluan, wiwit saka masak, gawé perabot (méja, kursi), bahan yasan (lawang, jendéla, rangka payon), bahan kertas, lan isih akèh liyané. Kayu uga bisa dimanfaataké minangka rerenggan-rerenggan rumah tangga lan kagunan liyané.

Sacara kimia, kayu kasusun saka sawetara pérangan utama ya iku Selulosa lan Lignin.

Sajeroning èlmu kayu dikenal sawetara sipat ya iku: sipat kimia, sipat fisika lan sipat mekanika. Ana manéka jinis kayu sing diasilaké saka uwit sing kanthi umum bisa dibédakaké rong golongan, ya iku: Jinis uwit saka golongan uwit godhing amba, kanthi ciri-ciri: - lumrahé wangun godhong amba. - Tajuk gedhé lan bunder - Godhong rontok - Tuwuh alon-alon (suwé) - Lumrahé wité ora kenceng lan mawa bonggol - Lumrahé duwé watang sing atos

Jinis uwit kanthi godhong awangun dom, kanthi ciri-ciri ing ngisor: - wangun godhong kaya dom - tajuk awangun krucut. - Lumrahé ora rontok godhongé, kajaba sawetara uwit. - Tuwuh rikat lan kenceng mendhuwur. - Lumrahé duwé kayu empuk lan ènthèng.

Prabédan liyané ya iku:

  • Kayu godhong amba

- struktur kayu lebih pepak - duwé pori-pori (sel-sel pembuluh) kanthi kombinasi wangun jaringan luwih komplèks. - Conto jinis uwit godhong amba: Jati, Meranti lsp.

  • Kayu godhong dom

- struktur kayu luwih prasaja - ora duwé pori-pori ananging arupa sèl trakeida, ya iku sèl sing awangun dawa kanthi pucuk sing cilik nganti lancip. - Gunggung jinis sèl luwih sethithik lan kombinasi wangun-wangun jaringané luwih prasaja. - Gunggung jinis uwit godhong dom ing Indonésia luwih sethithik, kaya ta: Pinusatau Tusam, Agathis (Damar), Jamuju

Uga delengen[besut | besut sumber]