Basuki Tjahaja Purnama

Saka Wikipédia Jawa, bauwarna mardika basa Jawa
Basuki Tjahaja Purnama
Gubernur DKI Jakarta
Linggih
3 Agustus 2005 – 22 Dhésèmber 2010
LitnanKhairul Efendi, B.Sc.
Kang sadurungéDrs. H. Usman Saleh, M.M.
Kang sawiséKhairul Efendi, B.Sc.
Rerincèn dhiri
Lair (1966-06-29) Juni 29, 1966 (umur 57)
Manggar, Bangka Belitung, Indonesia
BangsaIndonesia
Parté pulitikPPIB (2004 - 2008)
Golongan Karya (2008 - 2012)
Gerindra (2012 - 2014)
PDI-P (2019 - saiki)
Dhuwur180 cm (5 ft 11 in)
SisihanVeronica Tan, S.T.
AnakNicholas (1998)
Nathania (2001)
Daud Albeenner (2006)
AlmamaterUniversitas Trisakti
Tandha tangan
Sana jaringanahok.org

Ir. Basuki Tjahaja Purnama, M.M. (EYD: Basuki Cahaya Purnama, nama Tionghoa: Zhong Wan Xie) (lair ing Manggar, Belitung Timur, 29 Juni 1966; umur 57 taun), utawa misuwur kanthi sebutan Hakka Ahok, ya iku anggota Komisi II Dewan Perwakilan Rakyat periode 2009 - 2014 saka Parté Golkar[1]. Sadurungé dhèwèké tau dadi Bupati Belitung Timur periode 2005 - 2006.

Taun 2012, dhèwèké nyalon dadi Wakil Gubernur DKI Jakarta bareng Joko Widodo, walikota Sala[1]. Basuki Tjahaja Purnama uga duwé adhi kang dadi bupati ya iku Basuri Tjahaja Purnama, Bupati Belitung Timur periode 2010 - 2015[1].

Nalika Cilik[besut | besut sumber]

Basuki Tjahaja Purnama iku anak mbarep saka Indra Tjahaja Purnama (Zhong Kim Nam) lan Buniarti Ningsing (Bun Nen Caw). Dhèwèké duwé adhi telu, ya iku Dr. Basuri T. Purnama (dhokter PNS lan Bupati di Kabupatèn Belitung Timur), Fifi Lety Indra, S.H., L.L.M. (praktisi hukum), Harry Basuki, M.B.A. (praktisi lan konsultan babagan pariwisata dan perhotèlan). Kaluwarganéé isih duwé keturunan Tionghoa-Indonésia saka suku Hakka (Kejia)[2].

Nalika cilik Basuki Tjahaja Purnama manggon ana ing Désa Gantung, Gantung, Kabupatèn Belitung Timur, tekan lulus SMP. Banjur dhèwèké nerusaké sekolah menyang Jakarta[2].

Pendidikan lan bisnis[besut | besut sumber]

Basuki Tjahaja Purnama nerusaké SMA lan kuliah ing Jakarta. Dhèwèké milih Fakultas Teknologi Mineral jurusan Teknik Géologi Universitas Trisakti[3]. Sawisé olèh gelar Insinyur Géologi taun 1989, Basuki bali menyang kampungé lan manggon ana kana, banjur ngadegaké perusahaan CV Panda sing ngemunah ing babagan kontraktor pertambangan PT Timah[3]. Sawisé rong taun, Basuki banjur kuliyah S2 njupuk jurusan manajemen keuangan ing Sekolah Tinggi Manajemen Prasetiya Mulya Jakarta. Banjur dhèwèké olèh gelar Magister Manajemen (M.M.), lan kerja ana ing PT Simaxindo Primadaya ing Jakarta sing ngemunah ana ing babagan kontraktor pembangunan pembangkit listrik. Dhèwèké njabat dadi staf direksi babagan analisa biaya lan keuangan proyek[3].

Taun 1992, Basuki Tjahaja Purnama ngadegaké PT Nurindra Ekapersada minangka persiapan yasa pabrik Gravel Pack Sand (GPS) taun 1995. Taun 1995, Basuki metu kerja saka PT Simaxindo Primadaya. Dhèwèké banjur ngadegaké pabrik ing Dusun Burung Mandi, Désa Mengkubang, Kacamatan Manggar, Belitung Timur. Pabrik pengolahan pasir kuarsa iku pabrik sing sapisan dibangun ing Pulau Belitung, lan migunakaké tèknologi Amérika dan Jerman. Panggonan pabrik iku uga dadi cikal bakal anané kawasan indhustri pelabuhan samodra, kanthi jeneng Kawasan Industri Air Kelik (KIAK)[3].

Taun 2004, investor saka Korea Kidul bisa nyatakaké kanggo yasa Smelter (peleburan bijih timah) ing KIAK. Investor asing mau kagered karo konsèp sing wis disepakati kanggo nyediani fasilitas komplek pabrik uga pergudangan lengkap karo pelabuhan taraf internasional ing KIAK[3].

Karier, sosial, lan pulitik[besut | besut sumber]

Taun 2004, Basuki Tjahaja Purnama njegur ing pulitik lan kagabung ing Parté Perhimpunan Indonésia Baru (Parté PIB) minangka ketua DPC Parté PIB Kabupatèn Belitung Timur. Ing pemilu 2004 dhewekényalon dadi anggota lègislatif lan kapilih dadi anggota DPRD Kabupatèn Belitung Timur periode 2004 - 2009[3].

Ana ing Pemilihan Kepala Laladan (Pilkada) Kabupatèn Belitung Timur Taun 2005, Basuki duet karo Khairul Effendi, B.Sc. Parté Nasional Banteng Kemerdekaan (PNBK) dadi Bupati-Wakil Bupati Belitung Timur periode 2005 - 2010[3]. Tanggal 22 Dhésèmber 2006, dhèwèké resmi nyerahaké jabatané marang wakilé, Khairul Effendi.

Ing pilkada Gubernur Bangka Belitung taun 2007, Basuki Tjahaja Purnama dadi kandidat calon Gubernur. Mantan Présidhèn K.H. Abdurrahman Wahid (Gus Dur) njurung Basuki dadi Gubernur Bangka Belitung lan mèlu kampanye dhèwèké. Nanging ahok ora menang ana ing pemilu iku, dhèwèké dikalahaké déning Eko Maulana Ali.

Taun 2008, dhèwèké nulis buku biografi kanthi judhul "Merubah Indonésia".

Taun 2012, Basuki Tjahaja Purnama nyalon dadi Wakil Gubernur DKI Jakarta karo Joko Widodo.

Kulawarga[besut | besut sumber]

Basuki Tjahaja Purnama nikah karo Veronica Tan, S.T.sing lair ana ing Medan, Sumatera Utara, lan banjur kekarone duwé putra 3, ya iku Nicholas, Nathania, lan Daud Albeenner[3].

Réferènsi[besut | besut sumber]

  1. a b c [1]
  2. a b id-id.facebook.com/ahokbtp   Profil Facebook Resmi Basuki T. Purnama]
  3. a b c d e f g h Ahok.org & Situs Kerja Resmi Basuki T. Purnama]

Pranala njaba[besut | besut sumber]