Pakubuwana XIII

Jeneng dawa
	Radèn Mas Surya Partana (cara Indonésia: Raden Mas Suryo Partono)

Sri Susuhunan Pakubuwana XIII
Sri Susuhunan Pakubuwana XIII
	Pakubuwana XIII
Susuhunan Surakarta
Panjenengan	11 Juni 2004–sekarang
Leluhur	Susuhunan Pakubuwana XII
Presiden	Megawati Soekarnoputri ; Susilo Bambang Yudhoyono ; Joko Widodo
Lair	Juni 28, 1948 (umur 76); Surakarta, Indonesia
Garini	KRAy. Endang Kusumaningdyah (pegatan) ; KRAy. Winarti (pegatan) ; GKR. Pakubuwana
Jeneng dawa
Jeneng dawa
	Radèn Mas Surya Partana (cara Indonésia: Raden Mas Suryo Partono)
Wangsa	Wangsa Mataram
Bapa	Susuhunan Pakubuwana XII
Ibu	KRAy. Pradapaningrum
Agama	Islam

Sahandhap Sampéyan-Dalem Ingkang Sinuhun Kangjeng Susuhunan Pakubuwana Ingkang Jumeneng kaping Tiga-welas (Hanacaraka: ꦯꦸꦯꦸꦲꦸꦤ꧀ꦤꦤ꧀ꦦꦑꦸꦨꦸꦮꦟ꧇꧑꧓꧇) miyos ing Surakarta, 28 Juni 1948; yuswa 74 taun, inggih punika raja kaping kalih welas ingkang jumeneng nata wonten ing Karaton Kasunanan Surakarta.

Jumeneng nata

Sasampunipun Susuhunan Pakubuwana XII surud rikala surya kaping 11 Juni 2004, lajeng antawisipun para putra-dalem sami pasulayan babagan sinten ingkang badhé kajumenengaken nata. Ing 31 Agustus 2004, salah satunggiling putra-dalem Pakubuwana XII, ingkang asma Susuhunan Pakubuwana XIII Tedjowulan utawi KGPH.Panembahan Agung Tedjowulan kajumenengaken nata déning sawetawis putra-dalem. Jumenengan nata punika dipun gelar ing Sasana Purnama, Badran, Kotabarat, Surakarta, ingkang boten sanes punika salah satunggiling padaleman kagunganipun BRAy. Mooryati Soedibyo.^[1]

Kamangka saderengipun wonten salebeting parembagan Forum Komunikasi Putra - Putri (FKPP) Pakubuwana XII ingkang kaleksanan surya kaping 10 Juli 2004 sampun netepaken bilih putra-dalem ingkang sepuh piyambak, ingkang asma KGPH. Hangabehi punika ingkang kagungan hak lenggah nata, lan ugi sampun netepaken dinten jumenenganipun benjing surya kaping 10 Sèptèmber 2004.^[2] Nanging ing wiwitanipun wulan Sèptèmber 2004, dumadakan KGPH. Tedjowulan dalah pandhèrèkipun sami tindakan nggropyok konten Karaton Surakarta. Gègèran punika ugi anjalari sawetawis tiyang ketaman tatu, kalebet para ningrat lan abdi dalem ingkang manggèn wonten papan punika wau. Awit kadadosan punika, KP. Eddy Wirabhumi (garwanipun GKR. Wandansari) minangka pangarsa Lembaga Hukum Keraton Surakarta sinartan kaliyan pokrul sami nglapuraken para pandhèrèkipun KGPH. Tedjowulan dhateng Polresta Surakarta. Lapuran punika wau dipun damel adhedhasar pangrisakan wangunan cagar budaya ing sakiwa-tengenipun karaton.^[3]

Rékonsiliasi prakawis

Ing surya 18-19 Juli 2009 dipun gelar upacara wonten karaton kanggé mangayubagya jumenenganipun Kangjeng Susuhunan Pakubuwana XIII kanthi iring-iringan beksa Bedhaya Ketawang. Para dhayoh ingkang rawuh kadadosan saking dhayoh agung lan ugi KGPH Tedjowulan ngakeni bilih sesebatan "Susuhunan Pakubuwana XIII" punika dipun paringaken dhateng KGPH Hangabèhi lumantar adicara rékonsiliasi ingkang dipun prakarsani déning Pamaréntah Kitha Surakarta saha DPR-RI. Wondéning KGPH Tedjowulan piniji minangka Mahapatih ingkang kawastanan "Kangjeng Gusti Pangéran Harya Panembahan Agung".

Silsilah

Tiyang sepuh

Putra pambajeng saking Susuhunan Pakubuwana XII kaliyan KRAy. Pradapaningrum.

Garwa

Kagungan garwa cacah tiga:

Nuk Kusumaningdyah / KRAy. Endang Kusumaningdyah (pegatan)
Winarsih Sri Haryani / KRAy. Winarti (pegatan)
Asih Winarni/KRAy. Pradapaningsih/GKR. Pakubuwana (minangka pramèswari)

Putra

Kagungan putra kakung cacah kalih:

GRM. Suryo Suharto / KGPH. Mangkubumi
GRM. Suryo Aryo Mustiko / KGPH. Purbaya / KGPAA. Hamangkunagara^[4] ingkang sampun kawisudha minangka Pangéranpati Karaton Surakarta ajejuluk Kangjeng Gusti Pangéran Adipati Anom Hamangkunagara Sudibya Rajaputra Naréndra Mataram

Kagungan putra setri cacah gangsal:

GRAj. Rumbai Kusuma Dewayani/GKR. Timoer
GRAj. Devi Elyana
GRAj. Ratih Wijasani
GRAj. Sugih Oceani
GRAj. Putri Purnaningrum

Priksani ugi

Rujukan

↑ "SUARA MERDEKA - NASIONAL". web.archive.org. 2015-06-26. Diarsip saka asliné 2015-06-26. Dibukak ing 2022-08-09.{{cite web}}: CS1 maint: bot: original URL status unknown (link)
↑ "SUARA MERDEKA - SALA". web.archive.org. 2015-09-24. Diarsip saka asliné 2015-09-24. Dibukak ing 2022-08-12.{{cite web}}: CS1 maint: bot: original URL status unknown (link)
↑ "SUARA MERDEKA - SALA". web.archive.org. 2015-06-26. Diarsip saka asliné 2015-06-26. Dibukak ing 2022-08-12.{{cite web}}: CS1 maint: bot: original URL status unknown (link)
↑ Times, I. D. N.; Rey, Larasati. "Profil Putra Mahkota Raja Baru Keraton Solo: 21 Tahun, Jago Dalang". IDN Times (ing basa Indonesia). Dibukak ing 2022-08-08.

Artikel iki minangka artikel rintisan. Kowé bisa ngéwangi Wikipédia ngembangaké.

[1] "SUARA MERDEKA - NASIONAL". web.archive.org. 2015-06-26. Diarsip saka asliné 2015-06-26. Dibukak ing 2022-08-09.{{cite web}}: CS1 maint: bot: original URL status unknown (link)

[2] "SUARA MERDEKA - SALA". web.archive.org. 2015-09-24. Diarsip saka asliné 2015-09-24. Dibukak ing 2022-08-12.{{cite web}}: CS1 maint: bot: original URL status unknown (link)

[3] "SUARA MERDEKA - SALA". web.archive.org. 2015-06-26. Diarsip saka asliné 2015-06-26. Dibukak ing 2022-08-12.{{cite web}}: CS1 maint: bot: original URL status unknown (link)

[4] Times, I. D. N.; Rey, Larasati. "Profil Putra Mahkota Raja Baru Keraton Solo: 21 Tahun, Jago Dalang". IDN Times (ing basa Indonesia). Dibukak ing 2022-08-08.

[1]

[2]

[3]

[4]