Susilo Bambang Yudhoyono

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Susilo Bambang Yudhoyono
Susilo Bambang Yudhoyono

Mangsa jabatan
20 Oktober 2004 – Saiki
Pejabat sadurungé Megawati Soekarnoputri
Pengganti Lagi njabat

Lair 9 September 1949 (umur 64)
Pacitan, Jawa Wétan, Indonésia
Partai pulitik Partai Demokrat
Pasangan Kristiani Herrawati
Agama Islam

Jendral (TNI) Susilo Bambang Yudhoyono sing lair ing Pacitan, Jawa Wétan, tanggal 9 September 1949 iku mantan pènsiunan jéndral militèr Indonésia lan Présidhèn Indonésia kaping 6 sing kapilih ing pemilihan umum sacara langsung sing sepisanan déning rakyat. Yudhoyono menang ing pemilu présidhèn September 2004 liwat rong tahapan pemilu présidhèn Indonésia saka kandhidhat Présidhèn Megawati Soekarnoputri. Panjenengané wiwit njabat tanggal 20 Oktober 2004 lan diampingi Jusuf Kalla minangka Wakil Présidhèn.

Latar Wuri Kaluwarga[sunting | sunting sumber]

Susilo Bambang Yudhoyono lair ing Kabupatèn Pacitan, Jawa Timur tanggal 9 September 1949 saka pasangan Radén Soekotjo (bapak) lan Siti Habibah (ibu). Saka silsilah bapaké, bisa digolèki nganti tekan Pakubuwana lan isih ana gegayutané karo trah Hamengkubuwana II.[1]

Kayadéné bapaké, SBY uga mèlu ing donyané militer. Saliyané manggon ing omah keluwargané kang ana ing Bogor (Jawa Barat), SBY uga manggon ing Istana Merdeka, Jakarta. Susilo Bambang Yudhoyono nikah karo Kristiani Herrawati putri kaping teluné saka Jènderal (Purnawirawan) Sarwo Edhi Wibowo (alm). Komandan militèr Jènderal Sarwo Edhi Wibowo mèlu ngréwangi numpes PKI (Partai Komunis Indonésia) ing taun 1965. Susilo Bambang Yudhoyono duwèni putra kang cacahé loro, yaiku Agus Harimurti Yudhoyono (lair 1978) lan Edhie Baskoro Yudhoyono (lair 1980).

Agus iku lulusan saka SMA Taruna Nusantara ing taun 1997 lan Akademi Militer Indonesia taun 2000. Kayadéné bapaké, Agus uga èntuk bebungah Adhi Mekayasa lan prajurit kanthi gelar Létnan Satu Tentara Nasional Indonésia Angkatan Dharat kang ditugasake ing Batalion Infantri ing Bandung, Jawa Barat. Agus nikah karo Anissa Larasati Pohan, aktris kang uga putriné mantan Dèputi Gubernur Bank Indonesia. Wiwit pertengahan taun 2005, Agus nerusaké sekolah kanggo èntuk gelar master-é ing Strategic Studies at Institute of Defense and Strategic Studies, Singapura. Putrané kang ragil, Edhie Baskoro lulus kanthi gelar gandha ing Financial Commerce dan Electrical Commerce taun 2005 saka Curtin University of Technology ing Perth, Australia Kulon.

Pendhidhikan[sunting | sunting sumber]

  • Akademi Angkatan Bersenjata RI (Akabri) taun 1973
  • American Language Course, Lackland, Texas Amérika Sarékat, 1976
  • Airbone and Ranger Course, Fort Benning , AS, 1976
  • Infantry Officer Advanced Course, Fort Benning, AS, 1982-1983
  • On the job training di 82-nd Airbone Division, Fort Bragg, AS, 1983
  • Jungle Warfare School, Panama, 1983
  • Kursus Senjata Antitank ing Belgia lan Jerman, 1984
  • Kursus Komando Batalyon, 1985
  • Sekolah Komando Angkatan Darat, 1988-1989
  • Command and General Staff College, Fort Leavenworth, Kansas, AS
  • Master of Art (MA) saka Management Webster University, Missouri, AS
  • Doktor ing babagan Ekonomi Pertanian saka Institut Pertanian Bogor (IPB), taun 2004

Karier Militèr[sunting | sunting sumber]

Taun 1973, panjenengané lulus saka Akademi Militèr Indonesia (Akabri: Angkatan Bersenjata Republik Indonesia) kanthi pakurmatan Adhi Makayasa minangka murid lulusan paling apik lan Tri Sakti Wiratama kang mujudaké prèstasi paling dhuwur gabungan méntal, fisik, lan intelèk. Pèriode 1974-1976, panjenengané miwiti karier ing Dan Tonpan Yonif Linud 330 Kostrad. Ing taun 1976, panjenengané sekolah ing Airborne School lan US Army Rangers, American Language Course (Lackland-Texas), Airbone and Ranger Course (Fort Benning) Amerika Serikat.

Karieré trus ing pèriode 1976-1977 ing Dan Tonpan Yonif 305 Kostrad, Dan Tn Mo 81 Yonif Linud 330 Kostrad (1977), Pasi-2/Ops Mabrigif Linud 17 Kujang I Kostrad (1977-1978), Dan Kipan Yonif Linud 330 Kostrad (1979-1981), Paban Muda Sops SUAD (1981-1982). Pèriode 1982-1984, panjenengané sekolah ing Infantry Officer Advanced Course (Fort Benning) Amèrika Sarékat.

Taun 1983, panjenengané sekolah ing On the job training in 82-nd Airbone Division (Fort Bragg) Amèrika Sarékat, Jungle Warfare School (Panama, Kursus Senjata Antitank ing Bèlgia lan Jérman ing taun 1984, Kursus Komando Batalyon (1985) lan miwiti karier ing Komandan Sekolah Pelatih Infanteri (1983-1985), Dan Yonif 744 Dam IX/Udayana (1986-1988), lan Paban Madyalat Sops Dam IX/Udayana (1988).

Pèriode 1988-1989, panjenengané sekolah ing Sekolah Komando Angkatan Darat lan nerusaké menyang US Command and General Staff College (Fort Leavenwort) Kansas Amerika Serikat ing taun 1991. Pèriode (1989-1993), panjenengané kerja dadi Dosèn Seskoad Korspri Pangab, Dan Brigif Linud 17 Kujang 1 Kostrad (1993-1994), Asops Kodam Jaya (1994-1995), Danrem 072/Pamungkas Kodam IV/Diponegoro (1995), lan Chief Military Observer United Nation Peace Forces (UNPF) ing Bosnia-Herzegovina (1995-1996). Lulusan Master of Art (MA) saka Management Webster University Missouri iki uga miwiti karier ing Kasdam Jaya (1996), lan Pangdam II/Sriwijaya uga dadi Ketua Bakorstanasda. Taun 1997, panjenengané diangkat minangka Kepala Staf Teritorial (Kaster) TNI kanthi gelar Létnan Jènderal. Panjenengané pènsiun saka kemilitèran tanggal 1 April 2001 amarga diangkat dadi menteri.[2][3]

Karier Pulitik[sunting | sunting sumber]

Susilo Bambang Yudhoyono tampil minangka juru wicara Fraksi ABRI nalika arep Sidang Umum MPR 1998 kang dianakaké ing tanggal 9 Maret 1998 lan Ketua Fraksi ABRI MPR ing Sidang Istiméwa MPR 1998. Tanggal 29 Oktober 1999, panjenengané diangkat minangka Menteri Pertambangan lan Energi ing pamréntahan kang dipandhegani déning Présidhèn Abdurrahman Wahid. Setaun sawisé iku, ing tanggal 26 Oktober 1999, panjenengané dilantik minangka Menteri Koordinator Politik, Sosial, lan Keamanan (Menko Polsoskam) minangka konsekuensi panyusunan kabinèt Abdurrahman Wahid.[4]

Kanthi metuné Maklumat Presiden ing tanggal 28 Mei 2001 jam 12.00 WIB, Ménko Polsoskam ditugasaké supaya golèk langkah-langkah khusus kanggo mbrantas krisis, ngadhegaké katertiban, keamanan, lan hukum sacepeté amarga kahanan pulitik kang darurat. Nalika iku, Ménko Polsoskam sing nyekel mandhat nerjemahaké kahanan pulitik darurat ora padha karo kahanan darurat kang ana ing sajeroning Undang-undang Nomor 23 tahun 1959.

Durung genep setaun dadi Menko Polsoskam utawa limang dina sawisé nyekel mandhat, panjenengané dikon mundur ing tanggal 1 Juni 2001 déning sing mènèhi mandhat amarga ana ketegangan pulitik antarané Présidhèn Abdurrahman Wahid lan DPR. Jabatan pengganti minangka Menteri Dalam Negeri utawa Menteri Perhubungan kang ditawaraké déning présidhèn ora tau ditrima.

Kabinèt Gotong Royong kang dipandhegani déning Présidhèn Megawati Soekarnoputri nglantik panjenengané dadi Menteri Koordinator Bidang Politik lan Keamanan (Menko Polkam) ing tanggal 10 Agustus 2001. Ngrasa ora dipercaya manèh karo présidhèn, jabatan Menko Polkam ditinggalaké ing tanggal 11 Maret 2004. Madegé Partai Demokrat ing tanggal 9 September 2002 nguwataké jenengé supaya bisa tekan puncak karier pulitik. Nalika Partai Demokrat didéklarasikaké ing tanggal 17 Oktober 2002, panjenengané dicalonaké dadi présidhèn ing pemilu présidhèn 2004.

Sawisé mundur saka jabatan Ménko Polkam lan bebarengan karo masa kampanye pemilu lègislatif 2004, kanthi cara resmi panjenengané ana ing koridor Partai Demokrat. Anané panjenengané sajeroning Partai Demokrat bisa suksès ing pemilu lègislatif kanthi èntuk 7,45 % suwara. Ing tanggal 10 Mei 2004, telung partai pulitik yaiku Partai Demokrat, Partai Keadilan lan Persatuan Indonesia, lan Partai Bulan Bintang kanthi cara resmi nyalonaké panjenengané minangka présidhèn lan kaampingan déning kandhidhat wakil présidhèn Jusuf Kalla.

Ringkesan Karier[sunting | sunting sumber]

  • Dan Tonpan Yonif Linud 330 Kostrad (1974-1976)
  • Dan Tonpan Yonif 305 Kostrad (1976-1977)
  • Dan Tn Mo 81 Yonif Linud 330 Kostrad (1977)
  • Pasi-2/Ops Mabrigif Linud 17 Kujang I Kostrad (1977-1978)
  • Dan Kipan Yonif Linud 330 Kostrad (1979-1981)
  • Paban Muda Sops SUAD (1981-1982)
  • Komandan Sekolah Pelatih Infanteri (1983-1985)
  • Dan Yonif 744 Dam IX/Udayana (1986-1988)
  • Paban Madyalat Sops Dam IX/Udayana (1988)
  • Dosen Seskoad (1989-1992)
  • Korspri Pangab (1993)
  • Dan Brigif Linud 17 Kujang 1 Kostrad (1993-1994)
  • Asops Kodam Jaya (1994-1995)
  • Danrem 072/Pamungkas Kodam IV/Diponegoro (1995)
  • Chief Military Observer United Nation Peace Forces (UNPF) ing Bosnia-Herzegovina (wiwit sasi November 1995)
  • Kasdam Jaya (1996-mung limang sasi)
  • Pangdam II/Sriwijaya (1996-1997) uga dadi Ketua Bakorstanasda
  • Asospol Kassospol ABRI/wakil Ketua Fraksi ABRI MPR (Sidang Umum MPR 1998)
  • Kassospol ABRI/ Ketua Fraksi ABRI MPR (Sidang Istimewa MPR 1998)
  • Kepala Staf Teritorial (Kaster ABRI (1998-1999)
  • Menteri Pertambangan lan Energi (wiwit 26 Oktober 1999)
  • Menteri Koordinator Politik Sosial Keamanan (Pemerintahan Presiden KH Abdurrahman Wahid)
  • Menteri Koordinator Politik lan Keamanan(Pemerintahan Presiden Megawati Soekarnoputri) mundur jabatan tanggal 11 Maret 2004
  • Presiden Republik Indonesia (2004-2009)
  • Presiden Republik Indonesia (2009-2014)

Penugasan[sunting | sunting sumber]

Jènderal TNI (Purnawirawan) Susilo Bambang Yudhoyono kang tau ditugasaké ing operasi ing Timor-Timur ing periodé 1979-1980 lan 1986-1988 iki èntuk gelar doktor (Ph.D.) ing babagan Ékonomi Pertanian saka Institut Pertanian Bogor (IPB) nalika tanggal 3 Oktober 2004. Nalika tanggal 15 Desember 2005, panjenengané èntuk gelar doktor kehormatan ing babagan ilmu pulitik saka Universitas Thammasat Bangkok (Thailand) [5]. Ing pidato nalika nampa gelar, panjenengané ngandaraké yèn pulitik mujudaké seni kanggo owah lan transformasi sajeroning negara dhémokrasi kang tentrem. Panjenengané ora yakin tenan yèn pulitik iku ilmu.

Masa Kepresidenan[sunting | sunting sumber]

MPR ing periode 1999–2004 ngamandemen Undang-Undang Dasar 1945 mula ndadekake presiden lan wakil presiden dipilih kanthi cara langsung karo rakyat. Pemilu presiden rong tahap banjur panjenengane bisa menang kanthi 60,9 % suwara pemilih lan kapilih dadi presiden. Panjenengane banjur dicathet minangka presiden terpilih pisanan pilian rakyat lan tampil minangka presiden Indonesia kaping enem sawise dilantik ing tanggal 20 Oktober 2004 bebarengan karo Wakil Presiden Jusuf Kalla. Panjenengane unggul saka pasangan Presiden Megawati Soekarnoputri-Hasyim Muzadi ing pemilu 2004.

Kolusi, Korupsi, dan Nepotisme (KKN) minangka prioritas penting ing pamrentahane saliyane perkara kasus terorisme global. Penanggulangan bebayaning narkoba, togel, lan adol-tinuku manungsa uga dadi perkara kang abot lan butuh kerja kang tenanan bebarengan karo rakyat lan pamrentah.

Ing masa jabatane, Indonesia asring kena bencana alam kayata gelombang tsunami, lindhu, lsp. Kabeh iku dadi tantangan tambahan kanggo Presiden kang isih ngupayakake munggahake ékonomi negara lan karaharjan rakyat.

Susilo Bambang Yudhoyono uga mbentuk UKP4R, lembaga kepresidenan kang saiki dipandhegani dening Kuntoro Mangkusubroto (Marsilam Simandjuntak nalika nembe dibentuk) tanggal 26 Oktober 2006.[6] Nalika pisanan dibentuk, lembaga iki ditentang karo Partai Golkar amarga ana isu Wakil Presiden Jusuf Kalla ora diajak nalika mbentuk lembaga iki sarta isu anane UKP4R kanggo ngethok wewenang Wakil Presiden, nanging pungkasane bisa ditrima sawise SBY njelasake dhewe ing katrangan pers.[7]

Layanan SMS Presidhen[sunting | sunting sumber]

Pranala njaba[sunting | sunting sumber]

Cathetan Sikil[sunting | sunting sumber]

  1. ^ Garda Maeswara, (2009), Biografi Politik Susilo Bambang Yudhoyono, Penerbit Narasi, ISBN 978-979-16817-5-9.
  2. ^ Institute of Southeast Asian Studies, (2005), Indonesia: the challenge of change, Institute of Southeast Asian Studies, ISBN 978-981-230-243-4.
  3. ^ Michelle Ann Miller, (2009), Rebellion and Reform in Indonesia: Jakarta's Security and Autonomy Polices in Aceh, Taylor & Francis, ISBN 978-0-415-45467-4.
  4. ^ Greg Barton, (2002), Abdurrahman Wahid , Muslim democrat, Indonesian president: a view from the inside, UNSW Press, ISBN 978-0-86840-405-9.
  5. ^ (id)Presiden Terbang ke Malaysia, Dapat Gelar Doktor di Thailand
  6. ^ (id)Presiden Bentuk Tim Percepatan Reformasi (detik.com) kaakses tanggal 22 Juli 2012
  7. ^ (id)Penjelasan Presiden RI soal UKP-PPR "UKP-PPR Bukan Merupakan Pos Politik" kaakses tanggal 22 Juli 2012


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.